طيب القلب
New member
مسا الخير حبايبي
انا احب دايما الاصناف الخفايف اللي ما تاخذ وقت في الاعداد و تكون خفيفة على المعدة مثل اللي سويته اليوم و هو شاورما اللحم طريقته بسيطة المكون الأساسي طبعا لحم مسلوق و يفضل لحم إيد غنم تسلقينه مع البصل و البهارات. بعدين تصفينه من ماي السلق و تقطعينه بايدينج قطع طويلة نفس الشاورما و تحمسينه مع بصل جوانح رفيعة و شوية زيت نباتي و تضيفين السماق و الملح و الفلفل الأسود. تالي لما تشوفينه صار محمش تحطينه بالصحن و تضيفين شوية هردة و بقدونس و طماط مقطع طويل و انا ايش إني أموت بالفلفل الحار قطعت علوب خضرا و قطعت خبزة لبنانية يعني فصلت دائرة عن دائرة مثل المطاعم و حشيتها و لفيتها و طلعت أحلى من الجاهزة. طبعا إذا عندج مخلل خيار ممكن تقطيعينه شرايح رفيعة و طويلة و تضيفينها. و الله فرق عن الجاهز خفيفة مع جلاص شويهة أو بيبسي على حسب مشتهاتج و ألف صحة و عافية للي تحب تجرب الطبق و ادعوا لي بالتوفيق...
