طب. صيدلة .هندسة .طب مساعد/شسوي !

[Juanna]

بنااااات ساعدوني حدي محتارة
اتمنى تتحملوني وتقرون وتساعدوني
انا انشالله مع بداية السنه راح ادش 12
انا حلمي واملي ادش طب اسنان انا نسبتي مو وايد عالية بس طب اسنان يقبلون حروة ال 90 و89 و جذي
انا الي خايفة منه انه يكون وايد صعبه علي الدراسه انا مو عبقرينو بس دريسة
وغير جذي خايفة مني ما يقبلوني لاني يمكن ما اييب نسبة وايد عالية والي نسبهم عالية ابدى انهم يدشون فقلت ادرس برة وهم خايفة اروح برة وانا ماقدر مو جريئة ابي الكويت ابي اهلي حياتي بالكويت

انا متعلقة بطب الاسنان وخايفة
قلت اذا مو طب اسنان يالله صيدلة , الصيدلة حلوه بس شغلها مو عاجبني قاعده وتوزع ادوية وبعدين !؟

انزين طب مساعد هم شي حلوو بس الي قاثني انه وايد مظلوم يقولون سنو سستر ؟ معنه كلش لا واصلا بامريكا حالهم حال الدكاترة !
وبصراحه انا مو عاجبتني تخصصاتهم

الهندسة
ماحبهههااا

مابي ابييي الطب مادري محتارة شسوي !
انا ابي شي علمي هذولي ميولي ابي هالتخصصات لها مركز و انا احب جذي
مادري شسوي
يعني لو يبت مثلا 90 انقبل طب اسنان الكويت !؟
مادري والله شسوي بالظبط اتمنى تساعدوني

 

[فديت توام روحي]

اب اب اب اب لعيوووووونج حياااتو
والله ماادري بس ان شاء الله البنات يفيدونج
مووووووووووووفقه
تقبلي مروري

 

[Juanna]

اتمنى تساعدوي لاني وايد محتارة شنو رايكم شنو تنصحوني لو بمكاني تبون احد يرد عليكم ويساعدكم

 

[فديت توام روحي]

شوفي حياااتي انقلي موضوعج عند طالبات الجامعه والتطبيقي
واهم اكيد ان شاء الله راح يردون عليج


موووووووفقه والله لو اقدر اساعدج جان ساعدتج

 

[7lawah]

لو تجيبين أعلى نسبة ، بدون إمتحآن قدرآت مآ تدخلين ،

بس آذآ نجحتي بإمتحآن آلقدرآت إن شآء آلله يقبلونج ..

و آلله يوفقج حبوبه :


’

 

[PO PO22]

اي صح امتحان القدرات مهم

ثاني شي حتى الصيدله اذكر رحنا رحله هناك والطالبات قالو ان الطب اسهل

والله انا نفسج ودي بطب الاسنان بس ادري بالكويت ماراح ادشه الحين ناس نسبهم ع ٩٨ ماقدرو انا ادش !

وبعدين حبيبتي الطب كله اول ماتدشينه تدرسين مع الطب البشري بعدين ع حسب نسبتج اللي اخذتيها باول سنه تختارين تخصصج هذا اللي اعرفه

والهندسه استغفرالله كلش مادشت مزاج ام مزاجي

طب مساعد مايسمونج دكتوره قهرر

انا قلت ياطب اسنان ياشريعه ونشوووف يمكن اسافر برا

 

[fabulous-]

حبيبتي انا متخرجة هالسنة يبت 90 وما انقبلت بسبت القدرات الزفت الله يسهل شدي حيلج بالقدرات اهوا اهم شي

 

[غفوة حـلم]

حيااااتي انتي اظمني تيبن93 ب الثانويه العامه
ويبي 90 بكل ماده بالقدرات
راااح يقبلج االمركز لان اهم اقل نسبه
مع القدراات يقبلون 89

 

[LuLiTa]

شوفي اهو بـ جامعة الكويت القبول بـ العلوم الطبية اول شي يعتمد عـ القدرات و النسبة ... و عقبها لما ادشين تبدين السنة التمهيدية و حزتها اتصير منافسة عـ المقاعد حسب النقاط ... و حزتها حسب انتي و شطارتج و مستوى طلبة دفعتج ...

تذكرين سالفة الـ 9 بنات اللي ما انقبلو طب ؟ الله يسلمج دفعتهم اللي العام كانو حيل شطااااااار يعني ثلاث ترباع الدفعة يايبين فوق الـ 4 نقاط فـ المقاعد حق الطب بسرعة راحت .. و اللي نقاطهم 3.8 ما صار لهم اماكن الا بـ الصيدلة مع انهم كلهم نسبهم بـ الثانوية فوق الـ 96% ! بس هـ السنة الدفعة نسبهم نازلة فـ صارو يدشون العلوم الطبية حتى بدون قدرات !


و اذا تبيبن تدرسين بره .. فـ لازم نسبتج فوق الـ 90% و يكون عندج ايلتز او التوفل (طبعا الايلتز اسهل) .. حق طب الاسنان احسن شي اتروحين امريكا... لكن اذا ما تقدرين عـ البعد دشي طب بشري في البحرين ... و تجربة الغربة وااايد حلوة بس يبيلها قلب قوي

 

[حلوه بس بلووه]

والله مادري بهالسوالف الله يوفقج ويمتبلج الي فيه الخير انشالله

 

[ألم صمت]

بنات يعني الحيين لو جبت 90 وامتحنت قدرات وزفت فيه شوي اقدر ادخل طب مسااعد الله يجزاها الخير الي تررد ...

 

[دلوعة بيان 98]

انا برد على سؤالج اذا يبتي ٩٠ و زفتي بالقدرات لا ما تقدرين اتدشين طب اسنان
او حتى كلية العلوم الطبية و اذا دشيتي العلوم الطبية انشالله اول سنة ما راح تدرسين لا طب بشري و لااسنان و لا صيدلة يعني اول سنة راح يعطونج مواد مثل انجليزي و كيمياء و مواد بعد بس ما ادري شنو و اذا خلصتي السنة تحطون رغباتج مثلا الرغبة الاولى طب اسنان الثانية بشري الثالثة صيدلة و اهما يجوفون نسبتج اذا عالية تنقبلين طب اسنان و اذا ما تنقبلين طب اسنان يقبلونج بشري لان اعلى نسبة يبونها العلوم الطبية اهيا طب اسنان و ترى صيدلة منو قالج ان شغلتهم يبيعون ادوية لا ترى هذول التطبيقي يشتغلون بالمستشفيات يعني يكونون مسؤولين هناك او بالرقابة الدوائية او المستودعات الطبية هذول اللي اعرفهم و بس اتمنى اني فدتج:eh_s(7):
​