طب. صيدلة .هندسة .طب مساعد/شسوي !

[Juanna]

بنااااات ساعدوني حدي محتارة
اتمنى تتحملوني وتقرون وتساعدوني
انا انشالله مع بداية السنه راح ادش 12
انا حلمي واملي ادش طب اسنان انا نسبتي مو وايد عالية بس طب اسنان يقبلون حروة ال 90 و89 و جذي
انا الي خايفة منه انه يكون وايد صعبه علي الدراسه انا مو عبقرينو بس دريسة
وغير جذي خايفة مني ما يقبلوني لاني يمكن ما اييب نسبة وايد عالية والي نسبهم عالية ابدى انهم يدشون فقلت ادرس برة وهم خايفة اروح برة وانا ماقدر مو جريئة ابي الكويت ابي اهلي حياتي بالكويت

انا متعلقة بطب الاسنان وخايفة
قلت اذا مو طب اسنان يالله صيدلة , الصيدلة حلوه بس شغلها مو عاجبني قاعده وتوزع ادوية وبعدين !؟

انزين طب مساعد هم شي حلوو بس الي قاثني انه وايد مظلوم يقولون سنو سستر ؟ معنه كلش لا واصلا بامريكا حالهم حال الدكاترة !
وبصراحه انا مو عاجبتني تخصصاتهم

الهندسة
ماحبهههااا

مابي ابييي الطب مادري محتارة شسوي !
انا ابي شي علمي هذولي ميولي ابي هالتخصصات لها مركز و انا احب جذي
مادري شسوي
يعني لو يبت مثلا 90 انقبل طب اسنان الكويت !؟
مادري والله شسوي بالظبط اتمنى تساعدوني

ابي رايكم ونصيحتكم بليز

 

[Eng_Roka]

مشكلتج بس انج مو قادره تحددين اللي تبينه

اول شي بالنسبه للقبول انتي تنقبلين بمركز العلوم الطبيه اللي اهو فيه ( طب اسنان - طب بشري - صيدلة)

اول سنه تكون عامه وبعد السنه الاولى تحددين التخصص ويكون القبول بأي تخصص تبعا للمعدل

اعلى معدل يبونه اهو حق الاسنان بعدين البشري واخر شي الصيدله

الاسنان دراسته تكون اول سنه مثل ما قلنا عامه بعدين 3 سنين نفس البشري وعقبها سنتين اسنان وتتخرجين طبيبة اسنان

بس القبول بطب الاسنان واااايد صعب يبون معدل عالي بالسنه الاولى

89 و 90 ابدا مو كافي عشان تنقبلين بمركز العلوم الطبيه

تحتاجين فوق ال 96 بالثانويه ومعدل مكافى ما يقل عن 89 اذا مو اكثر

واذا انقبلتي لازم تييبين معدل عالي باول ينه عشان تقدرين تتخصصين اسنان

هذا بالنسبه للاسنان

اما البشري مثل ما قتلج ايي بالمرتبه الثانيه بعد الاسنان يبون معدل اقل بس هم مو هين

بعد السنه الاولى في 6 سنين وتتخرجين طبيبه عامه

والصيدلة يبون معدل اقل والدراسه سنه عامه وعقبها 4 سنين وتتخرجين عقبهم

الصيدلة مو مثل ما انتي تتخيلين ورا شباك وتوزعين دوا

الصيدلة بالمختبرات شغلهم بس شنو بالضبط مادري وعقب شغلج بسنتين تقدرين تقعدين بالبيت وتاجرين رخصتج اللي تقدرين تفتحين فيها صيدليه ب 1500 ويمكن اكثر

اما الطب المساعد محد ينصح فيه تعب بالدراسه ويكرفون واخر شي اشعه ولا سجلات طبيه يعني تعب بدون وظيفه زينه ومستوى اجتماعي عالي

الكل يقول ان العلوم الادارية افضل من المساعد

اما الهندسه اكيد تدرين ان اول سنه ونص مواد مشتركة وعقبها تتخصصين بس ماله داعي اشرح اكثر اذا انتي مو حابتها اصلا

ايي نسيت اقولج

ان دراسة مركز العلوم الطبيه تعتمد عالكيميا والاحياء بنسبه كبيرة جدا

والهندسه على الفيزيا والرياضيات

اما العلوم الاداريه كلها اخصاء ورياضيات وانجلش ومواد اداره

العلوم الاداريه مستقبلها جيد جدا لو دشيتي محاسبه وجيد لو باجي التخصصات

انتي شوفي وفكري والقرار لج

حطيلج رغبات يعني مثلا قولي انا بشد حيلي. بالقدرات وبالثنويه وراح احط الطب رغبه اولى

اذا قبلوني خير وبركة واذا ما قبلوني راح اروح ( مثلا ) علوم اداريه

يعني حددي لج جم مكان مو بس تحطين ببالج مكان واحد

نسيت اقولج

الهندسه يبون معدل مكافئ ( نسبه الثانويه + نتائج القدرات ) 83 تقريبا

والاداريه ناسيه بس عادي وايد يقبلون

اما المساعد جنا يبون اقل شي اواخر السبعينات

طبعا هذا كله مع المكافئ

موفقه حبيبتي واي سؤال تبينه لا تستحين

وشدي حيلج ب 12 ترا اسهل من 11 بس يبيلها تجابلين

*

 

[Juanna]

حبيييييبتي صج ما قصرتي
شوفي اختي انا نسبتي ب 10 8.4 من 10
و 11 26.9 من 30
يعني ب 12 لو حييييل شديت حيلي ويبت دايما امتياز 98 97 راح اييب 93
انا قارية ان يقبلون هالنسب طب اسنان انه نسبه اقل من طب العادي و برة البعثات هالسنة 85
ثوليلي شرايج يعني دراسة برة !!
انا ادري شنو ابي بس خايفة
ابي طب بسس احاتي دراستها والقبول وربي اتحطططمممم اذا ما دخلت
انا احب الاحياء والكيميا الفيزيا ماحبهه
هالمجالات ابيها
انزين ميسير ادش علوم واحول طب !
مليون سؤال براسي وخايفه
ولما بقدم يعني جم رغبة اقدر اكتب !
اكتب طب
طب مساعد
صيدلة !؟
مابي علوم ادارية ابي المجالات الي قلتلج عليها

انزين طب مساعد علاج طبيعي مو زين !؟
المشكلة ما بعيني وقلبي غير الطب

 

[Juanna]

مافهمت شنو يعني وشلون وعقب شغلي بسنتين اقدر اقعد بالبيت واجر رخصتياللي اقدر افتح فيها صيدليه ب 1500 ويمكن اكثر
شلون يعني ما اشتغل !؟
والصيدلة جم يبون نسب ؟!وشلون دراستها
علوم ادارية شنو تخصصاتها وشلون احسن

اتمنى تتحمليني
جزاج الله الف الف خير وبدعيلج

 

[Eng_Roka]

انتي تحتاجين نسبة الثانويه عشان تدشين مركز العلوم الطبيه وعقبها على حسب معدلج باول سنه تروحين اسنان او بشري او صيدله يعني اهما كلهم يبون نسبه وحدة بالثنويه

مركز العلوم الطبيه يقبل مع المكافئ اقل شي 89

المكافئ اهو نسبتج الثانويه + نتايج القدرات

ومعروف ان القدرات ينزل يعني ما يعتمد على نسبة الثانويه بروحها

عقب ما تنقبلين بمركز العلوم الطبيه تدرسين سنه عامه وعقبها تتخصصين

ومثل ما قتلج ان اعلى شي الاسنان

الطب المساعد قتلج انا ما اشوفه زين لان دراسه تعب ووظيفه ما تستاهل التعب ولا معاش عالي ولا مستوى اجتماعي زين

كان في موضوع بالقسم اسمه شنو طب مساعد عن تخصصات المساعد دوريه وشوفيه يمكن يفيدج

اما على مسئله الرخصه اللي تاجرينها اهو يكون لكل صيدلاني رخصه ان يقدر يفتح صيدليه

عقب ما يشتغل سنتين يعطونه الرخصه واذا ما يبي يفتح الصيدليه يقدر يأجر الرخصه على ناس يبون يبطلون صيدليه

سعر تاجير الرخصه 1500 واكثر شهريا
اما بالنسبه حق الدراسه برا شوفي نفسج اذا تقدرين على الغربه روحي

بس هم يبون نسبه عاليه لان مصعبينها هالسنه

رفيجتي يابت 92 بالثنويه وما انقبلت طب

خلاص دام ما تحبين الفيزيا وخري عن الهندسه

العلوم الاداريه تخصصاتها من اسمها *ماعرفهم كلهم بس بقولج اللي اعرفهم
محاسبه
تسويق
تمويل
اقتصاد
كلهم شغلهم مكتبي ويدرسون احصاء ورياضيات والاقوى من حيث الوظيفه اهو المحاسبه

عادي حبيبتي اخذي راحتج افا عليج ؛*

اي اي استفسار لا يردج الا لسانج

 

[Juanna]

فتحتي عيني على اشياء ماعرفها
صج ضاق خلقي
لو يبت 92 مثلا وقدرات بينزلني شلون ادش يعني حتى الصيدلة ماراح اقدر
امبيه ما كنت ادري ان النسبة وحدة حق القبول بعدين لما ادش اشوف وين ادش
شسوي بعمري الحين !!
ابي الحل لا تقوليلي تخصصات ثانية

 

[nicegirl94]

حبيبتي انا نفسج ابي طب بس ادري اني ماقدر و كنت ابي برا واهلي مو راضيين بس قالولي دشي طب مساعد واخذي مواد مشتركة و حولي طب او كملي دراستج يعني ماجستير و دكتوراه
و حبيبتي احنا ب ١٢ المفروض مانشغل نفسنا بهالسوالف واايد و انشالله اللي الله كاتبة بيصير وانا عندي احسن حل انه ندرس برا منها لغة و شهادة والله يوفقنا يارب*

 

[Miss.Piano]

Juanna .. لين تتخرجين راح تغيرين رايج مليون مرة

انا جذي كنت أبي ادش كلية العلوم البيولوجية ... مصممه اتخصص زولوجي (علم الحيوان )

تخيلي هالحلم تبخر (معنه سهل ادشها نفس المااي وانا متفوقه يعني عادي) ... بس دارت الدنيا

و دشيت كلية العلوم الرياضيه و الطبيعة .. و انشالله راح احول هندسة بإذن الله

>> شوفي شلون !


معني والله ماحب الا الاحياء ... بس من بغى شي خلى شي


تبين تسئليني ليش ما دشيت بيولوجي ؟؟؟؟


لأن ماله مستقبل سنع للأسف !!!

وانا أبي وظيفة مضمونه و راتب مغري



على كل حال الله يوفقج يارب

و شدي حيلج

و نصيحه .... وخري عن تخصصات تخليج تشتغلين بمستشفيات ... كثر ما تقدرين وخري عنها

لأن كله خفارات .. و انتي بنت يعني وراج زواج

يمكن طب اسنان اوكي لأنه مافيه خفارات



موفقه حبوبة :****

 

[قطوووة]

دشي اللي انتي تحبينه وتبينه
والصيدلة مو بقالة توزيع ادوية وبس

لا الصيدلة مهنه انسانية كافي انج تصرفين وتتعاملين مع ناس مرضى ..

<<< طالبة صيدلة :$

ومو بس صرف .. جرد وتوزيع وتحضير ادوية والخ ..
متعه

 

[قطوووة]

و نصيحه .... وخري عن تخصصات تخليج تشتغلين بمستشفيات ... كثر ما تقدرين وخري عنها

لأن كله خفارات .. و انتي بنت يعني وراج زواج

الكويتية مالها خفارة ع فكرة .. اختياري

 

[pinks]

طلبة العلوم الطبية كل سنة يقبلون طلبة عددهم 200 تقريبا ونسبهم حيييل عاليه

عقب أول سنة يتوزعون على التخصصات ( أسنان - بشري - صيدله )

أعلى معدل حق الاسنان ويقبلون 20 طالب فقط - بعده بشري ويقبلون بحدود 80 طالب - والباقي للصيدله

يعني اذا حيييل بخاطرج الاسنان انصحج تدرسينه برا الكويت وترا كلية الطب بجامعه الكويت وايد يعتمدون على الحفظ

مو على الشغل العملي عكس الجامعات الي برا

وبالنسبه حق الطب المساعد لاا طبعا مو سستر هاذي نظره الناس له وانا هالموضوع سويته اسمه شنو طب مساعد ان شاءء الله يفيدج لاني شارحه فيه التخصصات http://www.q8yat.com/t910023.html

والنسبه فوق ال80 ولازم تكونين ناجحه بالقدرات بالانجلش والكيميا وانا اقولج الكلية شوي صعبه والدكاتره يضغطون

بس احلى شي فيها ان تخصصات طبية دامج حابه الطب

 

[pinks]

حبيبتي انا نفسج ابي طب بس ادري اني ماقدر و كنت ابي برا واهلي مو راضيين بس قالولي دشي طب مساعد واخذي مواد مشتركة و حولي طب او كملي دراستج يعني ماجستير و دكتوراه
و حبيبتي احنا ب ١٢ المفروض مانشغل نفسنا بهالسوالف واايد و انشالله اللي الله كاتبة بيصير وانا عندي احسن حل انه ندرس برا منها لغة و شهادة والله يوفقنا يارب*

أختي سالفه التحويل ترا حييل تصعبت والله ماانصحج تدشين مكان عشان تحولين مكان ثاني

دشي من الاول شي تبينه وضامنته

أعرف وحده بالعلوم البيولوجيه وتبي تدش طب وحييل شاطره ماشاءء الله معدلها 4 نقاط ماشاءء الله و خلصت كل مواد التحويل اخر شي قالولها ماكو مقاعد

الله يوفقج يارب

 

[Eng_Roka]

لغوا التحويل من المساعد لي العلوم الطبيه

الحين اللي انا اشوفه انج تشوفين لج تخصص بديل

بس المساعد فيه تخصص واحد بسسس اللي يسوا

واهوا العلاج المهني بس حددددددددا صعب واهو يديد وهم اذا تبين تتخصصينه يبون معدل عالي جدا

 

[pinks]

لغوا التحويل من المساعد لي العلوم الطبيه

الحين اللي انا اشوفه انج تشوفين لج تخصص بديل

بس المساعد فيه تخصص واحد بسسس اللي يسوا

واهوا العلاج المهني بس حددددددددا صعب واهو يديد وهم اذا تبين تتخصصينه يبون معدل عالي جدا

ENG جنج مسخرتي باجي التخصصات يعني شوي احترام حق اصحاب هالمهنه


ترا تخصصات مطلوبه وصعبه بس للاسف حييل مظلومين بالكويت شوفي برا الكويت حالهم احسن منا مسميات وكل شي ، والله يوفق الجميع يارب

 

[Eng_Roka]

^^^

لالا والله مو قصدي

اي والله انا فاهمة بالكويت الصيدلة والمساعد مالهم مستقبل

برا دكاترة حالهم حال اللي درس طب

يعني هني الكل مستهين بهالتخصصين مع انهم ك دراسه مو هينين ابدا

وللأسف الوظايف تعزز الفكره اللي ببال الناس

يعني الصيدلاني برا يصنع ويبتكر ادويا هني لا !!

وتخصصات المساعد هني مو معطينها قيمتها كلششش

مو قصدي اهين او اقلل من اهمية اي شخص بس هذا الواقع

ولكم كل الاحترام والله

امين ؛*

 

[Juanna]

صج صج مشكورين و ماقصرتو بس اخخرر سؤال
الحين لما بقدم علجامعات
اكتب رغبة اولى طب اسنان
ثانية :طب مساعد
ثالثه : صيدلة
ولا ميسير !!

وتنصحوني برة !؟ كلش ماودي بس هاذا حلمي بعد شسوي
:bbbiu:

 

[Juanna]

خلاص قررت اذا مو طب اسنان راح ادش طب مساعد علاج طبيعي او صيدلة
يقبلوني لو 90-92 !؟

 

[Juanna]

بنات حبايبي والله ادري وايد سالت بس منو غيركم راح يفيدني ماعليه تحملوني بميزان حسناتكم يا رب
انا وحده تسيرلي يابت 91 نزلها القدرات صارت 89 شي جذي بالثمانينات واقبلوها طب مساعد
انا الي مو فاهمتة يعني لما بيي اقدم صيدلة اقدم عالكلية مالت الطب لازم النسبة عااالية جني بدش طب عادي بعدين سنه بالجامعه بعدين اتخصص بالمجال !؟
انا عبالي صيدلة بروح
والطب بروح
وكل مجال له نسبة
الحين شسوي بالضبط لما اتخرج اروح اقدم طب اسنان برة وبالكويت واقدم طب مساعد ولا شلون

 

[pinks]

^^^

لالا والله مو قصدي

اي والله انا فاهمة بالكويت الصيدلة والمساعد مالهم مستقبل

برا دكاترة حالهم حال اللي درس طب

يعني هني الكل مستهين بهالتخصصين مع انهم ك دراسه مو هينين ابدا

وللأسف الوظايف تعزز الفكره اللي ببال الناس

يعني الصيدلاني برا يصنع ويبتكر ادويا هني لا !!

وتخصصات المساعد هني مو معطينها قيمتها كلششش

مو قصدي اهين او اقلل من اهمية اي شخص بس هذا الواقع

ولكم كل الاحترام والله

امين ؛*

للاسف كل التخصصات النادره بالكويت مو معطينها قيمتها ولا تخصصاتنا ترا الكويتين شويه

بس هالسنين الي شوي قاعد يزيدون وهم قاعد يكتفون ويقللون العدد

ومشكووره على ردج :eh_s(7):

 

[Eng_Roka]

شوفي اول شي بالرغبات راح تلقين مركز العلوم الطبيه

هذا يضم ( اسنان - بشري - صيدله )

واذا انقبلتي تدشين ومالج تخصص ليلحين

بعد السنه الاولى تحددين يعني صح كلامج حق الصيدلة تبين نسبه عاليه جنج بتروحين طب ومعدلج بالسنه الاولى بمركز العلوم الطبيه اهو يحدد

اما المساعد هذا يعتبر شي مستقل بذاته بروحه

وتكون اسم الرغبه مركز / كلية العلوم الطبية المساعده

وعقب اول سنه تحددين شنو تبين تدرسين اي تخصص من تخصصات المساعد

الطب المساعد يقبلون مع المكافئ اواخر السبعينات ومركز العلوم الطبيه مثل ما قتلج يبون مكافئ اقل شي ٨٩ والقبول الفوري المكافئ ٩٢

ومعلومة : ما يصير تقدمين برا وبالكويت بنفس الوقت

اذا قدمتي برا تسحبين من جامعة الكويت او العكس

ما يصير مكانين بوقت واحد

وقتلج رفيجتي نسبتها ٩٢ ما انقبلت طب الحين اهي طب مساعد والكل يقولها ليش ولو رحتي علوم اداريه احسن ( لا تزعلون بنات المساعد )

ولا تنسين في امتحان ايلز عشان يحدد مستواج بالانجلش لازم تقدمينه وعلى اساسه يحددلج اذا تاخذين كورس لغه ولالا

عادي حبيبتي اخذي راحتج بالاسئله بس لا تنسيني بدعوه حلوه

مع ان ادري معلوماتي كلها احباط

بس شتسوين اهو الطب جذي مو هين كلششش

وفكري عدددددل بالدراسه برا

ترا غربه والله لا يقول شلون اذا مرضتي او صارلج اي شي

فكري تقدرين تتحملين الوحده؟

اي سؤال لا تستحين سدحيه هني واول ما اشوفه بجاوب عليج انشالله
*