طحت على زوجي رايح شقة

[أم خاودي]

السلام عليكم


بنات لحقووووني زوجي تأخر أمس بالليل وقلبي نغزني ولما رد سألته وين كان وحلفته توقعووووون شنو قالي
:0bee2e8d89::0bee2e8d89::0bee2e8d89::0bee2e8d89::0bee2e8d89::0bee2e8d89:

قالي إنه راح مع ربعه شقة وأنا صريح ماخش شي عنج بس والله ماسويت شي بس تطمشت وطلعت ماقعدت والله وشفت بنات ووووايد بس والله ياعمري أنج أحلى وارقى منهم كلهم ورديتلج ؟؟؟؟؟؟؟؟؟؟

بنات صدقوووون أنا مصدومه ومن أمس موووو نايمة سااااعدوني شلووون اتصرف الله يخليكم ​

 

[سارووه الاموره]

استغفر الله ياا ربي جذي يقوولها بكل وقااحه رحت شقه وشفت بنات واايد ماسويت شي !!!

الله يعينج عليه بصراحا هاذا يمكن بعدين ربعه الزباله يجرووناا معاه

عنده حلال وييروووح لحراام !!

ناسين ان الله يشووفهم ..

 

[منورة الكويتية]

رد : طحت على زوجي رايح شقة

حبيبتي ريلج مع احترامي لج مايستحي على ويهه
يكون صريح يعني!!
شوفي اول موقف لج اهو الي راح يحدد الخطوط بينكم خصوصا بهالامور الحساسه
لاتتعدينها له ولاتسكتتين له
قال شقه قال
يعني رايح يتطمش ليش؟ شنو هدفه بالظبط؟
حاولي اتقوين الوازع الديني عنده والخوف من رب العالمين
لان الي مايخاف من ربه ماراح يخاف الله فيج

 

[ناتشوو]

حده صريح لدرجة غريبة
اصلا حتى اللي مايروح شقق
مايجاوب ع هالسؤال
الله يبعد عنه ربع السوء ويهديه

 

[ريماس77]

رد : طحت على زوجي رايح شقة

ريلج صراحته تعور القلب لوساكت وايد ارحم ------------الله يهديهم ويصلحهم

 

[الرماسيه]

رد : طحت على زوجي رايح شقة

ريلج خفيف ومع الهوى شمال وجنوب

حاولى تسيطرين عليه وتخلينه يمشى ويه صحبه صالحه

ومبين على كلامه على نياته كل بنى ادم خطاء وخير الخطائون التوابون وماعليج من حجى البنات انتى تقدرين تغيرينه وتخلينه يمشى مع ناس تخاف الله

المرء على دين خليله

يعنى حاولى تغيرين الاخلاء الى الافضل

ربى يهدى زوجك يارب

 

[استعجلت الرحيل]

رد : طحت على زوجي رايح شقة

عسى الله يهديه يارب

والله كلامه قوي

بصراحه انصدمت ماادري شقول

 

[الحلوووه *_*]

يماااامي انا بيوقف قلبي لو صارحني والله حلاته ساكت الله يهديه ويبعد عنه بنات الحرام

 

[دمعه وهاجرت مني]

رد : طحت على زوجي رايح شقة

بنـــــــات اششفيكم
ريلها حاط لها قدر ويمكن اهي اتعرف ريلها اكثر منكم
بس اهو صريح وماجذب بشي بس بعضهم يحلفون الله جذب بس انا انصحج انج دوم خلج مجابلته
ونبشي من وراهـ حتى تلفونه

 

[- دنيا الوله -]

رد : طحت على زوجي رايح شقة

قوليله فديييييييتك ما سوويت شي
يا حياتي انت دامك صريح معاي
خلني اصير صريحه معاك
شرايك باجر تاخذني معاك ؟؟ حبيبي مابي اسوي شي بس بطالع واتطمش انا وياك ونضحك عليهم

انا اقول اصري على هالكلام وخلج وايد جديه جنه من صجج بتروحين
وشوفي رده اذا زف وعصب .. فـ عامل كما تعامل زفيه وعصبي وخلي موقفج قوي عشان يتحسف يسويها مره ثانيه ويفكر بالسالفه عدل
واذا قالج اوكي !! خلي اللي يتفاهمون معاه اهلج


وطبعا طبعا بالحالتين عاقبيه لا يقرب صوبج ولا تردين على كلامه طنشيه خل يحس ان اللي سواه غلط وان ربعه ماراح يفيدونه بشي
وان " انتي " مو مستواج ان يكون زوجج راعي شقق وبلاوي

 

[الشهد كله]

حبيبتي شنو في بالج تسوين مثلاً أو اشلون تعاقبينه غير البوز والحقران !!!!!!!!!!

بصراحة ما بيدج شي غير جذيه ...

حقريه خليه يحس باللي سواه وطنشيه أيام ولا تردين عليه عشان ما يكرر السالفة مرة ثانية

ولازم تعرفين إذا رديتي علاقتج فيه مو عشانه عشان العيال اللي بينكم

حبيبتي عليج بالدعاء والإستغفار وقراءة سورة البقرة ما بين صلاة المغرب والعشاء

وعسى الله يهديه ويثبته ​

 

[وينهم احباب قلبي]

امانه لاتسمعين كلام البنات

شوفي هو مدامه قالج هو مثل ماقالت لج وحده من البنات هو خفيف شوي شوي تقدرين تبعدينه عن هالربع

تغلي عليه تدلعي عليه

اكسبيه ولا تبعدينه عنه

اهم شئ لاتخلينه يتحسف انه قالج

يقولج ولا يلعب من وراج ويحسسج انه مو مسوي شئ وهو لاعب لعب بالدنيا ولما تواجهينه يقول جذابه انا مااعرف بنات >> تجربتي

 

[الأميرة جوري]

رد : طحت على زوجي رايح شقة

من صجه !!!!

 

[مريامه]

كبريها تكبر صغريها تصغر

ماقولج الموضوع عادى بس المفروض انج تستانسين من صراحه ريلج لانه عطاج طريقه يخليج تفكرين شلون تحافظين عليه وتراجعين نفسج وتغيرين بحياتج علشان تكسبينه

تبين نصيحتى لاتكبرين الموضوع وتصرفى بحكمه معه ادرى بتكونين مقهوره بس كابرى على نفسج علشانج وتدكري موقفج لو انتى عارفه السالفه من احد ثانى غيره

العوض ولا القطيعه وانا اختج ووكلى امرج لربج وادعيله دايما بصلاتج...

 

[روحي تحبه غصب]

مادري يمكن يطنز عليج لانه مستحيل ريال بيعترف بسهوله من غير لف ودوران

الا اذا كان ريلج من الرياييل اللي اذا واجهتيه عادي عنده ومايهمه اذا دريتي او عصبتي يعني عاجبج والا طقي راسج بالطوف

نصيحه لا تواجهينه باي شي لانه رده بيكون وقح مو صريح

وجهة نظر

 

[NFOOOL]

ماشالله حده صريح الأخ لا تسكتيله مو يعني قالج انتي أحلى وأرقى خلاص اطنشين وقوليله دام أني أحلى وأرقى من جذي منو قالك تفكر بالأساس تروح شقه:rgewrg::rgewrg:بس أكيد مافي غيرهم الربع الي ما وراهم ألا الخراب قطيعه تقطعهم

 

[M!sS v!P]

الله يهديه ان شاء الله
ويبعده عن هالطريق

 

[راوية**]

رد : طحت على زوجي رايح شقة

اسمعي نصيحتي ياحلوووه وريه انك زعلانه واذا تكررالوضع قوليله في ستين داااااااااهيه انت وياهم وشفي عمرك ولا يحطمك رجال ما قدر انوثتك

 

[Princess Lady]

رد : طحت على زوجي رايح شقة

ما خاف من ربه باعتقادج خايف من البشر !!!!

بس الشي راجع لج يا تصبرين / يا تحطين حد

 

[Galaxyaah]

رد : طحت على زوجي رايح شقة

قوليله فديييييييتك ما سوويت شي
يا حياتي انت دامك صريح معاي
خلني اصير صريحه معاك
شرايك باجر تاخذني معاك ؟؟ حبيبي مابي اسوي شي بس بطالع واتطمش انا وياك ونضحك عليهم

انا اقول اصري على هالكلام وخلج وايد جديه جنه من صجج بتروحين
وشوفي رده اذا زف وعصب .. فـ عامل كما تعامل زفيه وعصبي وخلي موقفج قوي عشان يتحسف يسويها مره ثانيه ويفكر بالسالفه عدل
واذا قالج اوكي !! خلي اللي يتفاهمون معاه اهلج


وطبعا طبعا بالحالتين عاقبيه لا يقرب صوبج ولا تردين على كلامه طنشيه خل يحس ان اللي سواه غلط وان ربعه ماراح يفيدونه بشي
وان " انتي " مو مستواج ان يكون زوجج راعي شقق وبلاوي

معاها!! خل يحتر مثل ماحر قلبج :\ هذا اذا عنده احساس :eh_s(14):
الله يعينج والله