طحت عليها وجكييييييييييتها

[! هُوْ وِينِه !]

لا حول ولا قوة إلا بالله هذول نفسنا بشر


صح عندنا غسالة للخدامات بس هذول نفسنا


الحمدلله والشكر

 

[حرم نايف باشا]

قاعده افكر لوالخدامه تقرى الموضوع والردود شنو ردة فعلها وبالنسبه للغسيل مافيها شى لو تغسل ملابسها نفس غسالتكم لكن تغسلها لوحدها وبعدين الما والصابون راح ينظف الغساله قوليلها تشطف الغساله كل غسله سواء ملابسها او ملابسكم وادا متقرفه اكسبي فيها اجر وشتري لها غساله صغيرونه

 

[غلاتي ديرتي]

اشتريلها غساله وارتااحي

 

[غمآزهـ]

ويييييييع غييري الغسآله

 

[الجود دهن العود]

ليش يعني .. هذيل موب بشر ؟؟

شو هالكبر هذا .. دام موب موفرة لهم غسالة خليهم يغسلون بغسالتج شو فيها ..

اشتري لهم ديو درنت


والله احنا ف بيتنا حتى فوط صحية وعطور وديو درنت وكريمات نييب لهم وهم نظاف الشاهد الله

كيف تهينينها وتقولين لها يا قليلة الادب ياللي وياللي ..



أختي الخادم موظف له حقوق وعليه واجبات .. وضحي هالشيء لها بكل احترام وعقلانية .. ليش نغلط ونسب الناس ..

شوفي الهدي النبوي مع الخدم ..


عن عائشة رضي الله عنها قالت : جاء رجل، فقعد بين يدي رسول الله صلى الله عليه وسلم فقال : يا رسول الله! إن لي مملوكين يكذبونني ويخونونني ويعصونني، وأشتمهم وأضربهم؛ فكيف أنا منهم؟! فقال رسول الله صلى الله عليه وسلم : إذا كان يوم القيامة؛ يحسب ما خانوك وعصوك وكذبوك، وعقابك إياهم؛ فإن كان عقابك إياهم بقدر ذنوبهم؛ كان كفافا لا لك ولا عليك، وإن كان عقابك إياهم دون ذنبهم، كان فضلا لك ، وإن كان عقابك إياهم فوق ذنوبهم ؛ اقتص لهم منك الفضل ، فتنحى الرجل وجعل يهتف ويبكي، فقال له رسول الله صلى الله عليه وسلم: أما تقرأ قول الله تعالى ( ونضع الموازين القسط ليوم القيامة فلا تظلم نفس شيئا وإن كان مثقال حبة من خردل أتينا بها وكفى بنا حاسبين ) (1) فقال الرجل : يا رسول الله! ما أجد لي ولهؤلاء شيئا خيرا من مفارقتهم؛ أشهدك أنهم كلهم أحرار (2)

كيف تسبينها وتغلطين عليها عقب ما قريتي هالحديث.. هذا والخدم أيام الرسول صلى الله عليه وسلم كانوا ملك يمين ينباعون وينشرون موب موظفين برواتب ..


يا بنات اتقوا الله في الخدم لا تعذبونهم علشان ريحة وعلشان تقزز من الناس .. علموهم الصح والخطأ والنظافة .. سنعوهم وما بتلاقون إلا الخير ..

كلنا عندنا خدم .. نحن في بيتنا 3 خدامات وسايق .. السايق له غسالته اللي يغسل فيها بملحقه .. والخادمات يستعملن غسالة البيت .. علمناهم النظافة والحمد لله عمرنا ما اشتكينا من ريحة .. يا اختي احنا نغسل فوط المطبخ في غسالتنا ما بنغسل ثياب الخدم؟؟


بعطيج نصيحة .. عطي الشغالة دفتر وخليها تكتب اللي يعجبج واللي ما يعجبج والمطلوب منها تأديه .. وبترتاحين .. أنا جيه أسوي ما الخادمات .. والله كنت مثل الريال اللي ماخذ حرمتين كل يوم افك الاشتباك بين امي والشغالات ومن عقب سالفة الدفتر برد راسي وارتحت نفسيا وعقليا من المشاكل .. جربي الحل هذا وان شاء الله امورج بتضبط ..


أخر كلامي بنقل هالاحاديث عن اساليب معاملة الخدم ..
قال صلى الله عليه وسلم ( من لايمكم من خدمكم فأطعموهم مما تأكلون وألبسوهم مما تلبسون , ومن لا يلايمكم منهم فبيعوه ولا تعذبوا خلق الله )


عن المعمور بن سويد قال: "رأيت أبا ذر الغفاري وعليه حلة وعلى غلامه حلة فسألناه عن ذلك فقال: ساببت رجلا فشكاني إلى رسول اللّه صلى الله عليه وسلم فقال لي النبي صلى الله عليه وسلم ( أعيرته بأمه؟! ثم قال: إخوانكم خولكم جعلهم اللّه تحت أيديكم فمن كان أخوه تحت يده فليطعمه مما يأكل وليلبسه مما يلبس ولا تكلفوهم ما يغلبهم فإن كلفتموهم ما يغلبهم فأعينوهم )
وعن أبي مسعود البدري رضي الله عنه قال : كنت أضرب غلاما لي , فسمعت من خلفي صوتا ( اعلم، أبا مسعود! لله أقدر عليك منك عليه) فالتفت فإذا هو رسول الله صلى الله عليه وسلم فقلت : يا رسول الله! هو حر لوجه الله , فقال ( أما لو لم تفعل، للفحتك النار، أو لمستك النار )

معاها الخدم بشر

خافوا الله فيهم

 

[memechii]

والله حرام عليج
اول شي ماعندج سالفه و حرام الي سويتي ماكو قلب

 

[يمة يادلبي]

شدعوة عليج
لا ترحمين ولا تخلين رحمة الله تنزل
لا ترضين تغسل بغسالتج ولا راضية تشترينلها غسالة
انا اقول جازيها شوي كافي انها قايمة بشغل بيتج ومتحملتج ومتحملة معاملتج الي مبين انها زفت بزفت
ولا سوتلج مصيبة او بلوة لا تقعدين تتشكين وتلطمين على روحج ترا انتي السبب ومحد يرضى ينذل

الله لا يبلانا

 

[بنت السلطان]

يعني المفروض الخدامة لها غسالة بروحها تكون صغيرة علشات تضمنين ماتغسل بغسالتج وتكون ملابسها نظيفة

 

[يوآش يوآش]

صراحه صراحه وبدون زعل

احس هالسالفه تأليف وحتن خدامه ماعندج

لووووووووووووووووووول

طريقة حجيج تحسين وحده ناقصه

المهم اذا السالفه صج اشتري غساله لهم

وترا همن اهما بشر !!!

 

[تيوليب]

الحل اشتري لها غساله صغيره *_^

 

[( المـلاك )]

يبيعون غسالات صغار و اسعارهم رخيصه

اشتريلها وحده

 

[غمزه وإبتسامه]

اشتريلهم غساله

 

[غلا ستايل]

احس فيه مبالغه بالموضوع
حيييل مو شويه مثل ريحة الاباط غيري التيايد وحطي كمفورت

 

[المكسيكيه]

وي الله يعينج

 

[ToOoTi]

اشتري لها غسالة صغيرة وافتكي

 

[البطريقة البردانة]

فعلا خصصي لهم غسالة صغيرونة بس حقهم عشان ما ينقلولج أمراض جلدية و هلسوالف...

الله يحميج قلبي..

 

[جوري وبنفسج]

السلام عليكم

على بالي جاكتها مسوية فاحشة أو زنا والعياذ بالله ولا ساحرتج أو حاطه قذارة بأكلكم ... أثاري الموضوع بسيط

وبعدين يعني خير يا طير أذا غسلوا بالغسالة >> ليش هم خالطين هدومهم وهدومج مع بعض ؟

أحنا بالبيت عندنا غسالة كبيرة وكل شيء نغسله بروحه حتى ملابس الخدامات والفوط والكفرات كل شيء لحاله والماي تغير مع كل غسلة وهدومنا تلق بالنظافة والريحة الحلوة والغسالة كل أسبوع نعقمها بغسلة ماي وكلوركس .

وأنتي الظاهر وسواسية نظافة أذا كان هذا حالج أشتري لهم غسالة صغيرة من جيان الله يديم الرخص

وترى هم بشر حالهم من حالنا والرسول صلى الله عليه وسلم وصانا نعاملهم بالحسنى وما نقصر معاهم باللبس والأكل

شدوعة هم مو عبيد عندنا علشان نكتبر عليهم

والحمدلله طول عمري تعاملت مع مختلف الجنسيات من الخدم ومن غير مشاكل لأني أحترم أنسانيتهم واللي تغلط عندي غلطة لا تغتفر بكل بساطة اخيرها بين المكتب وبين أنها تسافر مع أخذ معاش شهرين حتى أبري ذمتي جدام ربي والحمدلله اللي غلطوا معاي بعد فترة يتصلون ويبجون يبون يرجعون عني لأنهم عرفوا قيمتي ​

 

[ممرضه حنونه]

طيب خليها تغسل ملابسها اخر شي وتنظف الفسالة بعدها
او اشتري لها غساله صغيرة حقها علشااااااااااااااااااان تريحين مخك

 

[ام هلال]

انا خدامتي تغسل بغسالتنا اوكي عادي
بس مره لقيتها تغسل سروالها الداخلي
بالغساله بروحه ....لا وعليها الدوره
الصراحه مصخرتها اقول انا افركهم
بأيدي وانتي تغسلين وساختج في غسالتي
العن خيرهم يقهروون هالخدااامات