طحت لكم على وحده تسوي تساريح و مكياااج صراحه لقطه !!!! بهيربل سبا ...و الله مو هين

[عيون ملكيه]

بنات تعالو استفيدو ... لأن انا صراحه بستفيد خصوصا و ان العروس تحتاج ان يكون عندها اماكن تعتمد عليها .. خصوصا التسريحات يعني مناسبه خاصه ولا عامه ...

انتو تدرون ان زوجي بيروح الحج و انشالله 1\1 عرسنا

و راح يروح مع امه و بنات خالته و اخوهم اللي عمره 17 سنه ...

و يوم الاثنين دق قالي ترا الثلاثا بمركم ...

عاد انا قلت خل اروح اسوي شيره و احف ويهي هالحجي الاثنين و النيه اروح للشرقيه اسوي تسريحتي و مكياجي انا بسويه نعوووم ...

المهم

مني مناك ما حصلي اروح خيطان رحت هيربل سبا اللي بعمارات العربيد اللي مقابله فندق رامادا

انا دخلت لقيت ثنتين والله اذكر وحده كان شعرها بوي و حاطه مكياااج يهبل فوشي
و الثانيه شعرها ويفي مسويه تسريحه و مركبه اكستنشن اشقر و حاطه مكياج سلفر والحمره مشمشي

والله بنات مكياجهم يهبل و كله قلتر و قوي ..

انا ما كنت ابي احط مكياج و لا ابي اسوي شعري .. بس قلت حلوه اسوي تسريحه

بس من شفت الشغل قلت لهم خلاص باجر انا عندكم الساعه 3

و رحت والله يا بنات سوتلي تسريحه رفع اسمها اسبانيول نظام اسباني كلها ويفي و حطتلي حشوه كبيره كانها دونتس كبيره و لفت الشعر كله عليه و رفعتلي القذله جذي تأليف من عندها ..
بس طلعت واااو حتى امي اعجبت فيها قالت هاذي تسريحه عروس و صورتها عندي عشان اسوي نفس الطريقه ... لان مع الطرحه تصير عجيبه
و انا ما كنت ابي مكياج بس شفت شغلها على ثنتين و حده تحط حق المعارض تسويلهم دعايه
و الثانيه ملجت حماتها والله يابنات شي عجيب انا ماتوقعتها جذي
انا لمن جربتها طرت على بالي فكرة اني يمكن احتاج اسوي تسريحات لو صار استقبالات و ما ابي اقكط اكثر من 20 .. التسريحه مع الحشوه كلفتني 15 بلاااااااااش صراحه ....

شوفو ...
نفس هالصور بس الشعر مو مفلول من وره لافته لي داخل طالع عجييييب مغطي رقبتي من ورا ...

اسمها هناء صوماليه نفسها عسل و صج تعرف تسوي الشغل فن ...
حتى ريلي قالي شعرج حلو انا احب هالستايل !!!

و قط علي نغزه قالي بتخربين علي حجتي الله يسامحج ... لوووول انا ويهي قام يقط الوان الطيف

 

[وآحشنــي زمآنـك]

رد : طحت لكم على وحده تسوي تساريح و مكياااج صراحه لقطه !!!! بهيربل سبا ...و الله مو ه

أهــم شي أنج عجبتني زوجج ..


ولاا هالتسريحــه أناا مــاا حبهــاا ..



مشكووره حبيبتي ع الإفــآده ..

 

[طموحه بزياده]

الله يهنيج يبيله نشووووف


مشكوره

 

[الأميرة جوري]

رد : طحت لكم على وحده تسوي تساريح و مكياااج صراحه لقطه !!!! بهيربل سبا ...و الله مو ه

بروح لها ....دوم اشوف اعلاناتهم ......يعطيج العافيه حبوبه

 

[خذاني الشوق]

الله يسعدج وحلوه ان شالله بروح القى نظره عليهم

 

[f@rsaq8]

تشكرااات

 

[* EMY *]

رقمهم وعنوانهم حبيبتي بليز

 

[همسات الدافئة]

يعطيج العافية،،،،،،،

 

[NaturaL.GurL]

ثانكس حبيبتي ..

 

[عيون ملكيه]

رقمهم وعنوانهم حبيبتي بليز

هذا رقمهم

24888020

بالرقعي

و قوليلهم ابي اشوف شغل هناء الصوماليه ... يهبل شغلها والله مو دعايه و لا شي بس ابيكم تستفيدون
و مكياجها حلو تعرف كذا طريقه عندها طريقة حنان دشتي و عندها طريقة رشا شيك لأن اسمع البنات اللي يسوون عندها يقولولها شنو يبون ...

و اهي شاطره بالكيراتين و الصبغ و التسريحات

انا ما جربت منها شي غير التسريحه و ترا بنات احلى احلى احلى من الصوره انا حاطه شي تقريبي لها بس كانت روووووعه
اهم شي عجبت ابو الشباب اللي كله يبيني فاله الشعر .. عجبه هالستايل و حطيتها في بالي ..

:sfg:

 

[جروح خالده]

رد : طحت لكم على وحده تسوي تساريح و مكياااج صراحه لقطه !!!! بهيربل سبا ...و الله مو ه

بجم سويتي المكياج والتسريحه ؟

 

[كيـف أسيـبكـ]

رد : طحت لكم على وحده تسوي تساريح و مكياااج صراحه لقطه !!!! بهيربل سبا ...و الله مو ه

التسريحه هذي عاجبتني

بس تنفع حق عرس قريب احسها نااعمه وفخمه بنفس الوقت




يسلمووووووووو



زين قلتيلنا ووقت العازه حللللللللللللللو

 

[سرقت النوم]

مشكوره حبيبتي لأن انا قاعده ادور بالمنتدى وحده تسويلي شعري و مكياج بالرقعي

سويت سيرج علا رامادا ما اشوف يمدحونه
و جواهر و لمسة فن ما احبهم

انا اموت بشغل رشا شيك بس خايفه من الدرب

ما لنا غير هيربيل سبا

مشكوره

 

[apfel girl]

الله يهنيييييج حبيبتي ومشكووورة

 

[أماني عمري]

يزاج الله خير على هالموضوع و الله يوفقج يا رب، خزنت الرقم و كتبت اسم هناء عشان ما انسى