طرارة غير شكل بصراحة في احد صادفة مثل هالمواقف و الا بس انا

[marimor]

واااي تذكرت سالفتي
مره انا وبنت خالي ويدتها رايحين الجمعيه
اوول مانزلنا من السياره ولا يستلمونا طرارين زلمات من سوريا
ويقولون عطونا احنا محتاجين الله يوفقكم الله ينجحكم الله يزوجكم الله يعطيكم لمبرغيني لوووووووووول >>> طراره اخر زمن
وماعطيناهم ويه ودشينا الجمعيه وطلعنا الا اهم مجابيلن يده بنت خالي بالسياره ويسولفون وينكتون ويستعبطون
عاااد احنا بنوخرهم بنفتك منهم عطيناهم ربع قاال مافي بعد ؟؟؟ لاااا والله طرار ويتشرط بعد
لا وقبل لا يروح عطانا معطر سياره يعني هديه خخخخ والله حااااله

 

[شيماء]

رد : طرارة غير شكل بصراحة في احد صادفة مثل هالمواقف و الا بس انا

وي مره وحده سوريه بالفروانيه جت تطر وكنت مع اختي وقلت لها الله يعطيج وقعدت تمشي ورانا لما ملت قالت الله يأطمكون هههههه

بس تحسفت اني ما رديت عليها لوووول

....


ومره وحده دشت علينا البيت ودخلتها الخدامه على بالها ضيفه كشخه وطوال وجمال ماشاء الله عليها بس دشت فصخت نقابها

وقعدت تسولف قصتها قالت لها امي ما تخافين البيت مايكون فيه حريم وبس رياييل وانتي توج شباب ...

وقامت تدعي الله يفك ضيقكم وفعلا كانت عندنا مشكله والله وامي ماقصرت معاها ... والحمدلله انحلت المشكله يمكن صج كانت محتاجه

 

[ANON AL-A]

اي مليان وفالسعوديه فالحج العمانين مليناين يقولون ماعندنا فلوسحق بنزين يرجعنا
وانا قد صار لي مره بالمستشفى وانا منومه وطفشانه استغفر الله المهم نزلت للبقاله حقت المستشفى والا اولماادخل جاني رجال سعودي قالي انا من اهل مكه وابي فلوس عشره ريال للتكسي عاد انا خفت ومارديت بس قلته اذا جا ابوي بعطيك والله رجال طول بعض والله عيب بس قولوا اميييييين الله لا يحوجنا لاحد
انا احس لوانه رجال ما جا كلمني انا راح شاف رجال زيه وقاله وضعه بس الله يرزقها ويرزقنا من واسع فضله ولا يحوجنا لاحد يارب

 

[!! D m i r a a !!]

سالفتج اتهون وانا عن نفسي ما اواطنهم بالذات ان تلزقوا اتليعن ومااعطيه ولافلس

عيل مره خالتي رايحه تسحب من البنك .. ماانزلت لا اللي تسحبين وانتي بالسياره

تخيليي يت وحده تطر وخالتي توها حاطه الرقم السري يعني حده مو وقتها

يايه تطر عند بنك ؟ يعني متوقعه جم يعطونها 100 ولا 1000

قطيعه

 

[!! D m i r a a !!]

رد: رد : طرارة غير شكل بصراحة في احد صادفة مثل هالمواقف و الا بس انا

وي مره وحده سوريه بالفروانيه جت تطر وكنت مع اختي وقلت لها الله يعطيج وقعدت تمشي ورانا لما ملت قالت الله يأطمكون هههههه

بس تحسفت اني ما رديت عليها لوووول

....


ومره وحده دشت علينا البيت ودخلتها الخدامه على بالها ضيفه كشخه وطوال وجمال ماشاء الله عليها بس دشت فصخت نقابها

وقعدت تسولف قصتها قالت لها امي ما تخافين البيت مايكون فيه حريم وبس رياييل وانتي توج شباب ...

وقامت تدعي الله يفك ضيقكم وفعلا كانت عندنا مشكله والله وامي ماقصرت معاها ... والحمدلله انحلت المشكله يمكن صج كانت محتاجه

امبيه نفسنا

مره ابوي كان توه فاتح الباب الا هاللي متغطيه مايبين منها شي

بس تحسينها نظيفه يعني عبايتها مو وصخه

ابوي على باله جارتنا تخيلي .. قالها اتفضلي وطلع على طول لانه بيلحق على صلاة المغرب

دخلتها الخدامه لستقبال .. جان تقول حق امي مدام في مره تحت وقالت لها لابسه نقاب

امي على بالها يارتنا .. قالت حق الخدامه عطيها عصير على ما أنزل

يوم انزلت امي انصدمت بالمره يايه وداخله البيت ومظيفينها واخرتها طراره :tongue22:

من الخوف امي عطتها المقسوم بعد ماقالت قصة حياتها وطلعت

 

[Johnson]

استغفر الله العظيم

صارت مهنه الطراره

 

[مرتاحه]

ليش تعطينهم انا ما احب اعطبهم لانهم كذبين
مره صار معاي موقف مع طراره
كنت انا وزوجي رايحين سوق الكويت
ولا طراره عطوني ومن هذا الكلام ولا ريلي يعطيها المقسوم
وشفتها نفس الطراره داشه محل العطورات العربيه وسمعتها
تطلب دهن عود ذا قيمه وشفتها ىدفعة وراحة
قلت لريلي شفت هذا الطراره مالت امساع قال اشعرفك
فيها قلت قلت نفس الخاتم الا لابسته ونفس الصبق
فارجوكم بنات لا يقصون عليكم وخاصتا احنى ياينا
شهر الخير ويا كثرهم الحين ويا كثر افلامهم

 

[*((كـارينـا))*]

انا ما اعطيهم ويه لاني اول مره بحياتي اشوف طراره عبايتها اكشخ من عبايتي ؟؟؟؟؟؟؟؟

امبيه والله حتى لو في وحده تطر صج هذول خربو على الكل


وعلى فكره هذول فرق منظمه على هالشي ويا ريت بس حق الطراره ؟؟؟؟؟؟ خلوني ساكته احسن الله يستر عليهم

 

[حزن عروس]

رد : طرارة غير شكل بصراحة في احد صادفة مثل هالمواقف و الا بس انا

لاا شخباري حريم يطروون

الحريم ريااجيل مغترين وشايب كشخه

يمر عليج عبالج من اهل الديره ويا بنتي مدري شنووووووووووووووو


والشباب عادي اشكره اخوي صارله حادث الخ

لو يستحوووووووون مايطرون ورا الحريم

وبرايي المحتااج صج يعف نفسسسه ولا يمد ايده

 

[Alia]

مره كنت بمارينا وانا بالمصافط ولا اتييني مصرية مادري سوريه كلامها مهجن !!! جان تقولي انا سعوديه استوعبوا !!!!!! وبيدها جيس متروووس اغراض ومعاها بنتها وحاطين مكياج كامل ولبسهم مافي شي والبنت تتعلج و تتحجي مصري ... و تطر بالله هذي من اي صنف شخلتها وقلت لها كاهوا الشرطي هناك ماشفت الا دخنتها

هذووول للالالالالالاسف يدشون بكروت زيارة او سياحة على فكرة ويطرون !!!! قلة ادب وماكو كرامة ولا اخلاقيات

لاهم محتاجين ولا شي .. وربي في ناس محتاجين لكن نفسهم عزيزة

هذا غير البحريني المشهور يمسك الباب مايوووخر الا اذا شديتوا شوي ويهذذذذذذذذذذذر

شفنااااه بالبحرين

جمعية الروضة
العديلية
كيفان
السرة
قرطبة
اليرموك
الضاحية
مشرف
مركز السلطان شرق
الجابريه

لوووول استغفر الله وكل مره يقول قصة غير ويدل الكويت اكثر مني ومنكم
مره ولده
مرته
اهوا
امه
ابوه

يعني خلالالالاص

وهم بالبحرين شفناه


ومره عراقية مع ولدها صوب وكالات السيارات هذي عاد صج اختي نادت لها الدورية وقققققحه ولسانها زفر تطر وتسب ! وكاولية الله يفكنا منهم

 

[^حبيبة الكل^]

مشكورين على المشاركة في الموضوع وطرح المواقف الي صارت معاكم
و الله الديرة صارت تخوف من هالاشكال كثرانين بكل مكان
رب لا يحوجنا لاحد ويعزنا ولا يذلنا يارب​

 

[حدي موصج]

انا من السعوديه ترا

وااااااااااااااي كنت اظن هالحركه بس عندنا طلعو انترناشونال هذيله هههههههههههههه
بس الي عندنا لانهم من السعوديه مايقدرون يجذبون هالجذبه يختارون ديره تانيه

الي صار اني كنت نازله السوبر ماركت وتوني مستلمه المكافأه الشهريه حقت الجامعه بحدود 100 دينار تقريبا
ومستانسه بروح اجيب كاكاوات وحركات لان امي حالفه ما تشتري هالشغلات لنا الا بالمعقول وانا ما يعجبني المعقول بالكاكاو ههههههههههههههه

المهم جان وانا طالعه قرب صوبي ريال ومعاه مره وولد صغير
حاجاني من بعيد وطبعا انا ماخفت لان المكان عام والسكيوريتي يمي

قال احنا من الامارات وانقطع فينا الطريق والسيارة ما فيها بنزين

طالعت ببوكي وماكان عندي خرده الا 50 ريال يعني بحدود 5 دنانير
قتله ماعندي غيرها والله يستر عليكم

جان يطل ببوكي<<يمون

ويقول الا اكو هني 100 عطيني اياها واردلج ال 50
<<لا ويعرف يفاصل الاخو

قتله خذ الخمسين ولا ردها لي غيرها ماكو

قال لا خلاص نعمه كريم

وانا ماشيه للسياره شفتهم يعيدون نفس السيناريو لواحد توه طالع من السوبرماركت

الزبده اني عارفه من قبل انهم نصابين

بس يختي دام جو لعندج وسألو عطيهم .. لله مو عشانهم

صج الرسول صلى الله عليه وسلم نهى عن التسول .. بس ترا هم قال.. بمعني الحديث
((اعط السائل ولو جاء على فرس ))

ف انتي احتسبيها عند الله والله يكتبلج الاجر فيها

 

[وهج الحب]

اي مليان وفالسعوديه فالحج العمانين مليناين يقولون ماعندنا فلوسحق بنزين يرجعنا
وانا قد صار لي مره بالمستشفى وانا منومه وطفشانه استغفر الله المهم نزلت للبقاله حقت المستشفى والا اولماادخل جاني رجال سعودي قالي انا من اهل مكه وابي فلوس عشره ريال للتكسي عاد انا خفت ومارديت بس قلته اذا جا ابوي بعطيك والله رجال طول بعض والله عيب بس قولوا اميييييين الله لا يحوجنا لاحد
انا احس لوانه رجال ما جا كلمني انا راح شاف رجال زيه وقاله وضعه بس الله يرزقها ويرزقنا من واسع فضله ولا يحوجنا لاحد يارب

السلام:
اختي انا بحياتي كلها ولا على سفراتي كلها ولا لزيراتي لعمان مرتين شفت عماني واحد بس واحد يطر العمانين عندهم عزة غير معقولة كان يومنا صغار كان الخدم عندنا عمانين والله كانوا غير معاشهم ما يرضون يخذون وقسم بالله كانوا يشترون لنا بالفلوس اللي عندهم ولا يرضون ابدا ان ابوي يشتري لهم نعال او ثوب الا اذا كان مسافر وجاب لهم هدية ..قد يكون جا واحد طر منك انا ما اكذبك بس اختي اكيد هذا بلوشي مش عماني لان البوش يسكنون بعد في عمان مثل الخليج ..والغريبة على كثر حجي وعمرتي ما مر علي عماني مثل ما تقولين اللي مر علي الافارقة ونسوان يلبسون بقرات ويتكلمون سعودي وبدوي عاد انتي شوفيهم من اي دولة بس عماني ما عمري شفت انا درت عمان بسيارة مرة من اولها الى اخرها ما شفت شحات واحد ..هم يبعونك شئ نعم اما شحات انا متاكدة انهم بلوش مش عمانين ..العماني ما يسويها ..

 

[وهج الحب]

اي مليان وفالسعوديه فالحج العمانين مليناين يقولون ماعندنا فلوسحق بنزين يرجعنا
وانا قد صار لي مره بالمستشفى وانا منومه وطفشانه استغفر الله المهم نزلت للبقاله حقت المستشفى والا اولماادخل جاني رجال سعودي قالي انا من اهل مكه وابي فلوس عشره ريال للتكسي عاد انا خفت ومارديت بس قلته اذا جا ابوي بعطيك والله رجال طول بعض والله عيب بس قولوا اميييييين الله لا يحوجنا لاحد
انا احس لوانه رجال ما جا كلمني انا راح شاف رجال زيه وقاله وضعه بس الله يرزقها ويرزقنا من واسع فضله ولا يحوجنا لاحد يارب

السلام:
اختي انا بحياتي كلها ولا على سفراتي كلها ولا لزيراتي لعمان مرتين شفت عماني واحد بس واحد يطر العمانين عندهم عزة غير معقولة كان يومنا صغار كان الخدم عندنا عمانين والله كانوا غير معاشهم ما يرضون يخذون وقسم بالله كانوا يشترون لنا بالفلوس اللي عندهم ولا يرضون ابدا ان ابوي يشتري لهم نعال او ثوب الا اذا كان مسافر وجاب لهم هدية ..قد يكون جا واحد طر منك انا ما اكذبك بس اختي اكيد هذا بلوشي مش عماني لان البوش يسكنون بعد في عمان مثل الخليج ..والغريبة على كثر حجي وعمرتي ما مر علي عماني مثل ما تقولين اللي مر علي الافارقة ونسوان يلبسون بقرات ويتكلمون سعودي وبدوي عاد انتي شوفيهم من اي دولة بس عماني ما عمري شفت انا درت عمان بسيارة مرة من اولها الى اخرها ما شفت شحات واحد ..هم يبعونك شئ نعم اما شحات انا متاكدة انهم بلوش مش عمانين ..العماني ما يسويها ..

 

[آلمترٍفه ِِِ~]

هذآ وقتهم آلحيين

وحييل زآيدين

ياليت بس اهم حتى آلحمآلي آلأي يشيل آلآغرآض

آعطييه دينآر يعيي يبي آكثثر

 

[^حبيبة الكل^]

يعطيكم العافية على ذكر مواقفكم
ورب يستر على هالديرة من هالاشكال
ويعزنا رب العالمين و يغني كل فقير وحتاج​

 

[بنت ابويksa]

جذابين من ويلهم فلوس البانزين الي يوصلهم الكويت وياسلام مالقوا حق الي يردهم

 

[¤§ زيتونة §¤]

وي حبيبتي

هذيلا موضة الحين شكثرهم انتشرو بالبلد وبكل منطقة





انا ايام ما كانت امي الله يرحمها بالمستشفى ونروح يوميا ونطول قاعدين عندها كل وحدة من خواتي تقول نفس الكلام قالته لها

ومرة قابلونا اثنين ووحدة منهم حامل مادري حاطة شي ببطنها ويت لنا انا وريلي بندش المستشفى ولا تقول له بغيت الاخت بكلمة راس ممكن

ريلي انصدم منها قلت له خل نشوف شتبي هذي بعد الله يستر
ولا تقعد تدق لي موالها المعتاد انا ياية من بعيد وما عندي احد ومحتاجة حتى دوا للياهل ما عندي ومادري شنو ومن هالحجي

عطيناها المقسوم بس انا اصلا هالنوعية ما اكلف على روحي وياهم اقصاها دينار ونص لاني عارفتهم نصابين بس دفعة بلا وصدقة عشان امي تتشافى الله يرحمها .......

ولما طلعنا يت لنا نفس الموال وخواتي عقبي نفس الشي ......... قلت لها انتي مو قبل شوي قابلتينا وعطيتج ما يصير اختي عيب توقفين العالم جذيه؟؟ خلاص ارضي بالمقسوم ولا تنادين بالرايحة والرادة




عاد انا لي انبطت جبدي افصل حدي ههههههههه






الله يكفينا شرهم والله ديرو بالكم يمكن تلهيكم بالكلام وتطلع رفيجتها ولا ريال وياهاا ويسوون شي ولا حتى يبوقونكم وينحاشون




عااااادي عاااااااااااادي يا جبيبتي هالنماين ما راح نفتك منها ولا تصدقون انهم من الدمام والخبر ولا من السعودية اصلا لانه اللغة واللهجة مالتهم فاضحتهم ......

 

[w7da_3ishtaw]

مره يوم كنا بدبي
قاعدين جان تيي وحده سعودية و تقول حق امي احنا سوينا حادث و باقوا فلوسنا و مادري شنو
عااد تالييف
و امي عطتها و تقول مايكفي الله يخليج عاد هديناها و مشينا


اظاااهر زادوا هالاشكال

 

[أم سعودي71]

حبيبة الكل ولايهونون الباقيين- باخبرك بقصة صديقتي وجاراتها مع طرارة ---(((((((((دقت ع بابهم طرارة الصبح والناس بعدهم نيام صديقتي حستها وقالت للشغالة قوليلها نيام --خرجت الطرارة الى البيت الي بجنبهم وقالت لصاحبة البيت جيرانكم -- قصدها بيت صديقتي-الله يكثر خيرهم ماقصروا معي عطوني 20والحين ماسكة عيالي وقالتلي شوفي جيرانا هذولا ناس طيبين وبايعطونك المتيسر--جارة صديقتي واجد طيبة صدقت القصة الحزينة وعطت ال20---بعد ماراحت الطرارة -----اتصلت الجارة بصديقتي تخبرها ان الطرارة بتمدحكم لانك ساعدتيها ومسكت اولادها --قالت صديقتي لجارتي ماشي منه هالكلام---وخبرتها بالي صار مع الطرارة


يعني الطرارين والطرارات صارت افكارهم جهنمية خخخخخخخخخخخخخخخخخخخخخخخخخخخخخخخخخخ