طريج الاحزان

[om_nani]

عمري ابتدا وياك ..
قلبي رفض ينساك ..
يا اغلى ما في الكون ..
بحبك انا مجنون ..
ابحكيلك قصة حبي ..
و انت احكم و الشاهد علي و عليك ربي ..
من سنين ..
قلبي كان وحيد .. متعذب و حزين ..
تدري ليش قلبي كان مسكين ؟
لانه كان لحب بعض الناس أمين ..
بس فلان كان يلعب عليه ..
و على طول ما تاخر و غدر فيه ..
تدري ؟
قلبي كان يعزه ..
و بس يسمع بحروف اسمه يفز فزه ..
و يطير من الفرحة ..
.. و عليّه ما يدري ان فلان اهوا الي بيسبب له جرحه ..
طرت باحلامي بعيد ..
و ظن قلبي انه كان سعيد ..
ما كان يدري ان باجر بيصير فلان شخص جديد ..
شخص ما بقلبه رحمة ..
شخص طعن قلبي بكلمة ..
راح و خلاني ولا اهتم لاي دمعة ..

تميت بروحي .. انا و نوحي ..
من حر ما فيني
قعدت ابجي و ادعي على روحي ..
تمنيت الموت .. قلت ياليت تروح لربي روحي ..
تميت بروحي اداري جروحي ..

بس الحمدلله لاقيتك ..
انت يا فلان ..
بين ضلوعك و في بيتك ..
نسيتني هذيك الاحزان ..
حسستني انك طفلي و انا الي ربيتك ..
و بنفس الوقت كنت انت بمركبنا الربان ..
بشجاعتك و قوتك و طيبتك و هيبتك ..
حسيت انك صج انسان ..
دخلت قلبي ارتحت لك و عزيتك ..
دخّلت وياك بحياتي الامان ..
انت تدري بتكملة قصتي وياك و تدري اني بكل احساسي حبيتك ..
لا تروح بعيد يا اغلى انسان ..
لا تخليني عفية طلبتك و ترجيتك ..
تراني اخاف اضيع و ارجع لذاك الطريج الي ما فيه امان ..
طريج الاحزان ..

 

[امل مجروح]

مبدعة حبيبتي

 

[** باربي **]

اااااخ