طريقة تزيين حق المعاريس

[Om_ToOoTa]

السلام عليكم
بنات بليييييييز ابي طريقه ازين فيها الفلوس عشان ابي اوديهم هديه حق معاريس و الله محتاره ما ادري اشلون ، فابي مساعدتكم ابي فنتك غريب ..

 

[زهور الشرق]

فلووس .. !!

ما ادرى هديه احسن ..

المهم ممكن تحطينهم بعلبه مستطيله واسفل العلبه ورد مجفف
وفوقهم الفلوس وعليهم كرت تهنئه وتسكرين العلبه وتغلفينها
توور موف ويا لمعه .. او تغليف شفاف عليه قلوب
وتأخذين الورد والتغليف والكرت لون واحد

ان شاء الله تكون الفكره واضحه وتعجبج

 

[فطيرة]

حبيبتى روووووووحى حق بوابة الهدايا واهوا يفنتق لج

 

[atosha]

يتني هدية وكان شكلها وايد ذرب ومرتبة..بقولج فكرتها
صندوق شفاف وفية مصحف صغير حجم كف اليد ويمة كيسة صغير فيها بيض الصعو وملفوفة بشريطة ذربة وبالنص ستراس..والفلوس مسوينهم على شكل الفراشة ومنثرينهم بالصندوق ...

وهذي طريقة ثانية انا سويتها حق رفيجتي ..
شريت صندوق صغير زاهب من بوابة الهدايا وترستة قش و ورد مجفف وحطيت بالنص دهن عود وكان شكلة حلو وناعم وخليتة بالنص وحطيت شمعتين الصغار الدائرين على طرف الصندق و الفلوس سويتهم بعد على طريقة الفراشة وخليتهم منثورين بالصندوق
يا ليت الافكار اعجبتج .. او اوحيتلج بفكرة يديدة
ومشكورة حبيبتي

 

[ساره ستايل]

انا قبل جم يوم كتبت فكرة حق وحده ابهالقسم..

ادورها واحطها لج اهنيه ..

ثواني

 

[ساره ستايل]

كاهو ردي :

انا بقول لج بالنسبة لي .. في هديه من هدايا عرسي لي اليوم انا وريلي نتذكرها

وهي افلوس 100دك من اختي

كانت امصرفه الفلوس كلها دنانير
ورابطه كل دينار بشريطه وفيونكه
ولما ربطت كل الدنانير
شرت من بوابة الهدايا علبة كلينكس كشخه حيل
وعلقت عليها الدنانير من داخل
بحيث انه لما اتبطلين العلبه .. راح يتدندلون الدنانير من داخل
والباجي انثرتهم مع ورد امجفف داخل العلبة

والله لي اليوم حتى ريلي متذكر هالسالفه
لأن قعدنا ليلة كاملة بس انفجج الشرايط من الدنانير ونفردهم

 

[ضحكة الدنيا]

انا اعجبتنى فكرة عتوشه حق الفراشات بس شلون انسوى الفلوس على شكل فراشات

 

[atosha]

حبيبتي نسويهم على شكل فراشة بهالطريقة ويا ليت تفهمين علي لان الشرح اصعب من النظر .. المهم ..

شفتي شلون نسوي مهفة من الورق؟؟ ان نجفس الورقة مرة من جدام ومرة من ورا ..جذي ناخذ شريطة نربطها بالنص... بعدين حاولي تشدين الاطراف اليمين واليسار عشان يبين الجناح ... وانشاللة تكوني فهمتيني واي سؤال حاضرين للطيبين

 

[Om_ToOoTa]

مشكووووووووورين و ما قصرتوا

 

[atosha]

العفو حبيبتي تستاهلين ام توتا ....

 

[ساره ستايل]

العفوووووووو
وشوفي موضوعي هذا يفيدج انشالله
http://q8yat.net/showthread.php?t=60185