طريقة سحب الايشدوا !!! عليمية بالميك اب

[سارونة48]

السلام عليكم خواتي جميعا ورحمة الله

الاحظ في بعض الصور حق الماكييرات ان سحب الشدو خاصة اذا كان سموك او غامق يكون مستقييييييييييم مثل الي معمول بالمسطره
وتحت الخط هذا يكون نظيف وغالبا يكون تحته إضائه

شلون نسوي هذا الخط بشكل مستقيم والألوان فيه مدموجه




والشي الثاني

اشلون نوازي بين خط السحب في العين اليسار مع العين اليمين بحيث مايكون في جهه أعلى أو انزل من جهه خاصة مع الفتحات

الشي الثالث
معزومة على زواج والبدلة فوشي مع تايقر شنوا الوان الشدوا الي تناسبها
مع الخطوات بليز .... حدي متخوفة :eh_s(2):

حلفتكم بالله ماتطنشوني وأجركم على رب العالمين

 

[ღ Mzajiya ღ]

هلا حياتي
ان شاءالله اقدر افيدج بهالشغلتين

الشغله الاولى اللي سالتي عنها السحبه شلون يكون شكلها مستقيم
انا شايفه وايد باليوتيوب او البنات اللي يحطون مكياج يحطون لزاق بطرف العين وتقدرين تدمجين الالوان على كيفج

وبالنسبه للشغله الثانية سوري والله ماعرف لان انا ماعرف اضبطها كل مره

والشغله الثالثة
حطي الشدو سموكي بني بذهبي والحمره فوشيه او وردي فاتح

وبس سلامتج هذا اللي اقدر افيدج فيه ؛*​

 

[نآعمـه]

.
وعليكم السلآم
ما ودي اطنشج ~ بس انا طريقتي بالشدو مسحوبه ودايم نهايتي تكون سوده
من اخر العين ^_^ وتكون كل السسألفه " تخبيص بـ تخبيص " بس حمدلله يضبط
شلون اشرحهآ لج ~ ما اعرف شوفي مواضيع للبنات وفيديوات
ولآ تخافين ولا شى بس ع التعويد و التمرس .. و فستانج فوشي بتايقر
اممم الحُمره ممكن تكون فوشيه او وردي .. والشدو بما انج معزومه ع
زواج حلو يكون دخآني تدمجين الوردي او البُني او الذهبي مع الاسود واللمعه
والبلآشر ممكن يكون وردي بعد .. هذا اللي اقدر عليه +)


و ياربي قدرت اساعدج :* وتكونين احلى وحده بـ زواج :*
وو up​

 

[&موناليزا&]

عزيزتي رفع لعيووووووووونج

 

[عزتي شامخه]

شوفي حبيبتي
اول شي انا مع الي فوق فوق فوقي حطي لزقه او كلينكس وتضبط وبعد ماتشيلين لالزقه مشي بالفرشه المستقيمه اضاءه ع الخط ،، حلوو
ثاني شي الطول انا مثلج والله ابي اعرف شلون اوازيهم 
ثالث شي حطي حمرة فوشيه واسود بذهبي مع عدسات عسليه يطلع واااو انشالله
وبة

 

[للابداع اصول]

ان ششششالله
البنات ما يقصروون معاج
وتطلعين احلى وحده

 

[F.L.O.N.A]

بالنسبة للخط المستقيم انا شايفة باليوتيوووب يحطووون لزاق ..
انا بصراحه جربت احط خط خفييييف حيل بقلم الكونسيلر بحيث ما يبين وبعد ما اخلص دمج بمسحه خفيفه بصبعي اوديه

اما بالنسبة للعين شلون تضبطين العينين نفس الشي كل خطوة اتسوينها جيكي نفس الصوب الثاني والا لا ... انا بالبداية كنت لما اخلص عين وحده اصورها واخليها جدامي اطالعها واسوي نفسها

بالنسبة للدريس شوقتيني عليج بالعافية احب التايقر مع الفوشي ..
حطي حمرا فوشي وعيونج سوي رسمة الكات ايز ورمووووش وايد اهم شي وحطي عدسة زرقا اذا كانت تلوق مع بشرتج او رمادي لان يلوق مع كل البشرات <<< عشان تصير عيونج نفس التايقر .. والشدوو خليه سموكي اسود ودخلي فيه الذهبي والبيج

 

[*E.B.D.A.3*]

بالنسبة حق شلون توازينهم الاثنين
حطي لزاقين على الصوبين بنفس المستوى وتاكدي انهم بنفس الارتفاع والشكل
لا تحطين حق عين وتشتغلين بعدين تنتقلين للعين الثانيه لا
اثنينهم ضبطيهم من الاول بلزاقين ..
وراح تضبط معاج انشالله
وايي قبل مانسى
شفتي المنطقه الي بتحطين فيها لزاااق ، كثري الكونسيلر فيها يعني خليه اوووفر
لان اللزاق راح يشيل نصه ، ومو اي لزاق تستخدمين لا
الماجك تيب ..
وبيني وبينج مرات احط اللزاق العادي وبالطقاق ههههههههههه
بس قبل لا احطه ،، امسك مكان الصمغ باصابعي ليمه انشف نص الصمغ ولمه اتاكد انه صار خفيف
بعدين احطه ، تكون لزقته خفيفه ومايسحب كل المكياج معاه لي شلتيه

اما المكياج المناسب .
انا بالضبط مادري شلون صايره عينج بس بعطيج فكرة الالوان وانتي زيدي او نقصي حسب عينج

تحت الحواجب - ذهبي
وو على العين كلها فوشي لي عند عظمة العين
بعدين الي عند عظمه العين دخلي فيه نحااسي وخليه يندمج مع الفوشي بس لا تمسحين الفوشي كله لا
و عند زاوية العين،، اخذي بني محرووق وهم دخلييه على النحاسي، وسويلج زاوية حاده
وبعدين احذي بني ككاوي، حطيه على الجفن لي النص .. والجفن حزتها بيكون لونه فووشي فمشيه فوق الفوشي لكن الطرف الي جدام لا تمسحينه
خلي الفوشي يبين
طقي بالفرشه طقتين على اللون الذهبي وحطيه فوق الفوشي، بحيث ان الفوشي يبين لكن تكون لمعته ذهبيه

بشوفلج صور اذا اكو

 

[*E.B.D.A.3*]

كاااااااااك اللهم ياكافي طلعتلي هاذي @@

ياربي قوقل شنو هذا ههههههههههههههه
برب جاري البحث

 

[*E.B.D.A.3*]

هذا :

بس بدال الاسود خلج على البني المحروق والنحاااسي وبدال الابيض خلج على السكري والذهبي
وانا قاعده ادور لقيت مكس بين الوردي والنحاسي جيكي :

ترى هاللونين مع بعض ! مو صج @@
فانتي خلج على هالدرجات، راح توافقين بين الفوشية والتايقر

 

[سارونة48]

فديتكم ياحلى كويتيات
صج صج صج ماقصرتوا


جاررررري التطبيق
برب >>>> بروفه