طريقة عمل الستيك

[كويتية135]

مرحبا بنات أريد طريقة عمل للستيك مع المشروم أو شوي الستيك بالفرن لان كل ما أشوي الستيك يطلع ناشف تضربيه بالحيط يرد عليك تاني وما بقى في لحمة بالسوق من كتر ما جربت كل مرة يطلع ناشف ترى زوجي المسكين وصل حده بالصبر علي مين تعرف كيف أنقع الستيك وأشوي ويحافظ على طراوته مع الايتواء الكامل بنفس الوقت وأكون شاكرة من كل قلبي لها

 

[برنسس أوراق]

انا ابي اعرفها بعد
رفععع

 

[ام الدرر]

حبوبة الستيك
يعتمد عقطعة اللحم نفسها
ويصير معاج ناشف لانج تشوينه بطئ بالفرن
الشوي يحتاج نار حامية مباشره ووقت قصير 20 دقيقة لكامل الشواء
10 دقايق لكل وجه
للشوي بالبيت ع نار الفرن العلويه
اختاري قطعه فيها دهون
وتبليها بملح وفلفل اسود ورقيها بمضرب الستيك عشان تتسطح
ادهني صاج الشوي(نفس التيفال مسطح وفيه خطوط )بزيت بعد مايسخن
وحطي الستيك 10 دقايق بدون تحريك و10 دقايق للوجه الثاني
صلصة المشروم
مشروم فرش مقشر ومغسول
زبدة+بصل مقطع حلقات يقلب ويضاف له مكعب ماجي خضار والمشروم ويقلب لحد مايذبل
يضاف طحين(ملعقتين ك) ويقلب ثم يضاف شويه ماي ليذوب الطحين ويقلب لحد ما تحصلين ع صلصة مشروم
او ممكن تسوين الصلصة بنفس الطريقة
زبدة -بصل - مشروم وتستغنين عن الماجي والملح باضافة ملعقتين كبار شوربة مشروم ماجي البودره وشويه ماي
راح تحصلين ع صلصة مشروم لذيذة
ارفعي الستيك من الصاج وقدميه مع الصلصة ​

 

[جارة القمر]

مشكوووووره أم الدرر

تفضلي طلبك::
http://www.q8yat.com/t298171.html