طريقة غسيل الاندر وير..ساعدوني؟

[FuChSia]

السلام عليكم

انا بنوته و الخدامه اهيا اللي تغسل هدومي و الملابس الداخلية بس المشكلة الستيانات بو حديده قاعده تنعوي واضطر اقطه و الصراويل يصير لون اصفر بالنص و يصير شكله قديم ..مادري شسوي!!

احسن شي غسل بالايد ولا بالغساله؟؟

ممكن تساعدوني؟:eh_s(22):

 

[الاسطورية]

مشكله الستيانات صج مشكله احسن شي غسسيل الايد للستايانات
ومره وحده كانت تبيع قطعه بلاستيك تحطين داخلها الستيان وتقطينه بالغساله مايخترب بس ماذكر منو

بس السراويل غريبه تخترب انا تغسلهم بالغساله مايصير فيهم جذي شكلها تغسلهم غلط
خلاص خليهم غسيل ايد احسن شي بس المشكله ان السراويل احسن بالغساله عشان ينظفون عدل

 

[nero]

والله انا الاندر وير اغسلهم بروحي بالايد
لان بو حديده ما يصير يدش الغساله يخترب يا تنعوي الحديده يا تطلع من مكانه

 

[مسك]

انــا مــلابـســي الداخـليـه كلـهــا غســيــل بالايـــد

كلــه الستيانـــات والسـلـيـبــات​

 

[FuChSia]

مشكوورين شكلي بغسلهم بالايد

 

[التحدى والاصرار]

بالغسالة

وفيه تور عند الديسو
حطيهم فيه ما يغربهم

 

[[]نهاوند[]]

بمحلات الملابس الداخليه فيها أكياس حق الستيان تحطينه فيها وتقطينه بالغساله​

 

[LaSt WoMeN]

اي تصير مثل الشبك الصغار ..

 

[LaSt WoMeN]

حتى عند بو 100 تلاقينهم بس مادري شلون نوعيتهم اتوقع ما تفرق

 

[Raveena]

ملابسي الداخلية اغسلها بيدي و بعدين بالغسالة احسن شي علشان تنظف

و مرات انقعهم في ماي حااااار و بعدين اقطهم بالغسالة

بس اول مرة اسمع عن الجياس الشبك اللي تتكلمون عنهم

ممكن تحطون لنا الصورة علشان نعرف لأني بين فترة و فترة امر على بو 100 بس ولا مرة شفت نفسه

 

[7abebat elq8]

انا كل بالغساله حرارة عالية و ينظف عدل

 

[اهات الصمت]

انا اغسلهم بالغساله انظف

 

[COCOQ02]

اول شى الخدامه لازم ماتجيس الاندروير مالاتى
وبعدين انا عندى الغساله الاتوماتيك اغسلهم فيها وبعدين اطلعهم واغسلهم بماى حار علشان يتعقمون