طريقة نوم الحامل

[NewMommy]

السلام عليكم بنات:eh_s(7):
أنا وأيد أعاني وقت النوم :eh_s(2): الدكتور قايلي النوم على جهة اليسار أحسن وضعيه للحامل عشان الدم يوصل للرحم

احاول أنام عاليسار "مع أني متعوده أنام عاليمين" بس ساعه وحده و جنبي اليسار ينمل و يخدر فأقلب عاليمين نص ساعه و ارجع

هاذي حالتي طول الليل:eh_s(11)::eh_s(11): تعبت و ما أنام عدل:eh_s(2):

انتوا شرايكم شلون تنامون وقت الحمل؟​

 

[ام الحلوااات]

افـــضـــل نــوومــه للـحــامـــل وخــاااصــــــــه بالاشـــهـــر الاخــيــره عــاالـيــسـاااار
مــع وضـــع مــخـــده مــثـــلا خــــلــف الــظـهــر لاســنــاااده
وكـــذلـك وضـــع مــخــدة بــيــن الــرجــلــيــن حـتــى لا يـكــوون الـضـغــظ عــاالــظــهـــــر

واللــــــه يــــسســهــل عــــلــيـــج​

 

[نور وضي القمر]

اشتري مخدة. الحمل حيل حلوه تلقينها عند مذركير مريحة أنا ارتحت عليها وخواتي ما حبوها تضايقهم

أنا صراحة مرتاحه عليها

 

[om_ibrahim]

أنا اشتريت مخده من مذركير وسبحان الله ما ارتحت الإسفنج مو مريح واتم على جهه وحده

بس الصراحه انا أنام يمين ويسار بس الأفيد يسار ولا تحاتين نامي وانتي مرتاحه ربج الحافظ

 

[NewMommy]

مشكورين بنات ما قصرتوا

المخده ما حبيتها مو مريحه

الله يسهل ان شاء الله​

 

[اهذريبك~]

نامي عاليسار و حطي مخده ورا ظهرج و بين رجولج اريححح نومة و بتتعودين عاليسار ان شاء الله

 

[قلب زوجي وولدي]

انا نفسج متعوده انام عاليمين

واذا نمت عاليسار انغمت وما اقدر اتنفس

للحين أفضل اليمين بس الثقل ذابحني وما أقدر اتنفس

اذا حطيت راسي عالمخده أختنق بموت من الخنقه


الله يعين ويسهل علينا

 

[أميرة-]

انا بالتاسع

اذا نمت على جهتي اليسرى احس الضغط على قلبي ماقدر اتنفس واحس البيبي جهة اليسار مادري شلون اشرح بس فعلا احس الجاهل ظهره جهة اليسار من بطني لما انام اضغط عليه

 

[حكآية قلب]

وااااااي انا ادري الحامل ظروري تنام ع اليسار


بس اذا نمت ع اليسار قامت و ضيق نفس

نفس حالتج وهم اذا يلتلج حسرة وااااااي وقت توج مرتاحه و يالله تقومين من الفراش

و تعلق عليج ريلج ولا وركج واااي

تعب الله يعينا

وياجرنا

 

[NewMommy]

انا والله يا بنات ما أنام ٤ ساعات متواصلة !! كل ساعه أقوم الحمام او أقوم اعدل نومتي من يسار الى يمين و العكس بس شنسوي بعد الله يعين و يسهل ، اشوه على بالي انا بروحي أعاني طلعتوا كلكم نفسي

 

[عجميه زوغه]

انا بعد مثلج تعبانه بنومتي الله يصبرنا ويأجرنا

 

[New_bride]

نامي عالجنب اللي يريحج
انا انام عاليمين
واحط مخده بين ريولي ومخدتين تحت راسي

اما مخدة الحمل خذتها من مذركير وماعجبتني وايد يابسه

 

[CuTe KuwaiTia]

نامي عاليسار واذا تعبتي قلبي شوي ريحي وبعدين ردي

نحاول كثر مانقدر بس والله حاسة فيج