طريقتج بترتيب التسريحه

[white**angel]

سلاااااااااااام عراااايس شلونكم

حبايبي بغيت اعرف كل وحده وطريقتها بترتيب التسريحه

لانه لمن ارتبها واااااااااايد اتعب بترتيبها وتنظيفهاا انا احط العطورات والكريمات كلهم فوووق عالتسريحه واليرارات احط فيهم الشبابيص وفي درج حاطه بوكس الساعات و الباجي مكياجي والبخووور والاستشوارات

ابي كل وحده تكتب بالتفصيل شلون ترتبها وتخليهااا منظمه وتسهل عليها تنظيفهاااا واذا في صور يكووون المووضوع احلى :d

 

[alina]

up
up​

 

[بسمه غلا]

اناا مو متزوجه بس بفيدج بطريقتي​

وبالنسبه للتسريحه احب تكووون كيووت
يعني احط عليها جم عطر وجم كريم يكونون نفس اللون يعني يكون االعطر مثلا لونه وردي احط لوشنات يكونون لون علبتهم وردي
واخليهاا فاضيه والباجي احطهم تحت والميك اب بالمقسمات وارتبهم بالجرارات
هيك احلى يكون شكلها احلا
ماحب تكوون عفسه ولوويه يطلع شكلهاا x​

 

[kwait doll]

حلاااته بس عطووووور فووق

 

[white**angel]

بعد بنااات نبي افكار

 

[BeNt PaRiS]

انا عطوري و لوشناتي و بعض البخور مو كله فوق التسريحه


و الادراج :

واحد فيه اصباغ اظافر مع الاسيتون


و واحد فيه مكياجي مع عدساتي


و واحد احطط فيه بعض البخور الباقيه مع اكسسواراتي بعلبه


و واحد شباصاتي و شغل الشعر و السبريه و الفوم و المشط و الفير و كل شي يخص الشعر



و واحد لزوجي

و واحد لاغراض النظافه : معجون و شامبو و مزيل عرق و صابون جسم .....الخ



اتمنى اكون فدتج

 

[white**angel]

بنااات انزين لمن تحطين عطورج و عطور زوجج ماتحسين التسريحه وايد زحمه ولمن تنظفين تعالي شيليهم ومسحي ورديهم
انا عندي اسهال لمن يكون فوق عالتسريحه بس طريقت ترتيبهم ابي شي ينظمهم

 

[toofaa79]

في استاند بمجمع المغاتير تحت على شكل مدرج للعطور راح يكون شكلة مرتب وياخذ كمية اكبر اكثر من 20 عطر تقريبا بطريقة ذربة

 

[Miss Eteket]

آب آب

 

[MISS_PURPL]

اناعلى التسريحه ماحط ولاااااااااااااا شي بس حاطة شمعتين لونهم احمرمتناسق مع لون الكفر،،،،،
وانا ماخذه المقسمات من ايكيا واااحد حلوين ويشيلون واايد اغراض ،، كل درج حاطة فيه شغله
يعني الدرج الاول حاطة فيه مكياجي، والثاني حاطة عطوراتي كلها ، والثالث اكسسواراتي ، والرابع مخليته حق اغراض ريلي ساعاته ونظاراته وعطوراته وعندي بعد ادراج زايدة أحط فيها الاشيا الللي ماستعملها وايد وجذي
انا تسريحتي ماخذتها من ايكيا فيها 8 يرارات ،، متعمده عان لي زادت اغراضي الا عندي مكان احط في شغلي وبس

 

[انوثتي غير وياك]

up up

 

[حنايا الروح1]

بنات

جد

ترا مو حلو زحمه فوق تسريحه ترا ولله تجيب الضيق

حلاتها بعطرين ملركه وحركات دلع ورد عى شموع او كريستالات زينه صغيرونه او شمعتين معطرين بشكل حلو يعني شي خفيف

خليها نظيفه مرتبه مب زحمه

حتى زوج يضيق لخش ولقاهم معبين مكان


وبعدين عطور وكريمات تتغير تركيبتها للتعرضت للضوء وتقلب الجو الاحسن تحطونها بالادراج او في فترينا خاصه للعطور




مدري هذا الي اشوفه وانتو بكيفكم






ولله يوفقكم

 

[Janna-q8]

تسريحتي فااااااااااااااضيه ما عليخا الا مزهريه

الشغل كله داخل التواليت

 

[خرفنوك بغيآـآبي]

أنآ تسريحتي شريتها من ايكيا المنظره منفصله عن التواليت وكبيره حيل
وعلى اطرافها لمبات عشان الاضاءه ..

والتواليت كبير بعد وروحي إيكيا تلقين علب أو كرآتين في لون بنفسجي ولون اسود الكراتين متسفطه ..
تنفتح بسحاب واتسكر بسحاب عجججججيبه وواجد خليت علبه صغير ه لمكيآج العيون وعلبه صغيره للحمر والغلوسآت
والعلبتين الكبآر وحده كريمآت ووحده ة عطورات وبخور الدرج الثاني علبه حق توصيلات شعري مرات بالعروس احب اوصل
احط توصيلات فخليت ووحدهة لتوصيلاتي وشباصات البف هاذي والستريت مالي والسيروم واكسسوارتي بالعلبه الثانيه
والدرج اللي تحته شامبووات وصابوناتي مااخلي شغلي بالحمام ..
طبعا علب ايكيا فاآدتني حححححححيل وخلت تسريحتي روعه بشكل موطبيعي ومستحيل احط شي فوق التسريحه حاطه شموع
بس ووراح اشتري ورق مجفف هالايام يعطي منظر حلو ..

واذا تبوني اصورهآـآ من عنوني ..

>> ي كثر هذرتي

 

[&موناليزا&]

عزيزتي رفع لعيووووووونج

 

[3roo$ al.kon]

مو حلو التواليت يصير كل شي عليه منظره مو ششششي !!! حطي بس عطر عطرين دهن عود يعني اللي تستخدمينهم هالفتره وحطي شموع او فواحه عاد انتي وشطارتج بالتزيين و باجي شغلج كله بالادراج ارتب واحلى

 

[أدب عربي]

حلوووووووووووو الموضوع
نبي صور

 

[عروس مايو 2012]

مادري شراح اسوي

 

[ورد و عود]

مرات فاضي
ومرات عليه عطور وكريمات
علي حسب المود


يسلموا ع الموضوع

 

[ريري 2012]

اب للموضوع انا اشياء بس حلو الشغل فيه اكرستال ماخذته من سنتر بوينت من قسم المطبخ عشان انشره بين العطور وماخذه طقم تسريحه بعد وللكمدينه وماخذه من ايكيا ورده على الطقم الي شاريته لغرفتي وحده عن كمدينتي وحده عند كمدينته تعطي حس وبعد من سنتر بوينت ماخذه صناديق اصغيره قزاز شفاف عشان لعلوك وحلو المص و حاطه على التسريحه اشموع والله يبارك لنا فيها ادعولي تكفون حدي خايفه