طريقتكم في التحويش للزمن

[om_lili]

السلام عليكم يا بنات ​

موضوعي هذا عبارة شقين الشق الاول فكرة التوفير والشق الثاني سؤالي عن طريقتكم للتحويش ​

في البداية بما اني على وشك اتوظف احب اعرف اكثر عن طرق التوفير وقعدت اسوي سيرج عشان اتشجع واخذ افكار ولقيت عدة افكار اولهم ​

وبما اني راح اوفر مبلغ محترم من راتبي كل شهر احترت في طريقة التوفير​

قلت مالي غير اخذ رايكم واقولكم طريقتي بالتوفير ​

في البداية ابي اوفر لين اوصل حق مبلغ معين حق ( بيت العمر , سيارة , سفر , راحة مادية وما احتاج احد , شوبينغ ... الخ ) ------ > يعني حاطتلي هدف​

و هم عندي مدة معينة -------> الفترة الزمنية موجوده​

ثاني نقطة لابد من مساعدة الزوج اذا كنتي متزوجة .. يعني تاخذين مصرووف محدد من زوجج بدون ماتضغطين عليه اتفقوا على مبلغ معين مايقطعه عنج ابد ​

خلي موضوع التوفير سر خاص فيج واذا كان زوجج قريب منج وماتخافين منه سوو منافسه بينكم وبين بعض اخذوا الموضوع بروح مرحه شوي بس لا تقوليله عن المبلغ الحقيقي دايما قللي المبلغ​

وهم نصيحة يا بنات لا تدخلون الامور المالية بالعلافات الزوجية قولي حق نفسج انا ابي راحتي ماله داعي اتهاوش على موضوع مثل هذا فلوسي اللي وفرتها اصرفها على ما حالة زوجي المادية تتحسن ​

الحين نوصل حق طرق التوفير ​

اول طريقة : الحصالة ​

ناخذ مبلغ معين ونحطة بالحصالة يعني بما ان الشهر 30 يوم نطبق فكرة كل 10 ايام نحط مبلغ حلو بالحصالة واذا يتنا هدية نقدية نحطها او اذا يتنا زيادة من الدوام نحطها وجذي بعد فترة يصير عندنا مبلغ محترم ​

يعني مثلا احسبها لكم نوفر مبلغ 45 وكل 10 ايام نقط مثل هالمبلغ بعد 6 اشهر يكون عندنا ​

810 انا اعتبره واااااااااااايد حلو على مبلغ 45​

الفكرة الثانية ​

الذهب

يعني كل شهر نشتري قطعة ذهب ونخشهم بس هالخطة ماتنفع الحين لان الذهب سعره طااااااااااااير​

الفكرة الثالثة ​

نخش مبلغ شهري عند احد ثقه يعني امج او ابوج لان الكبار عسرين شوي اذا بتقوليلهم بصرف منهم بيسألونج ليش وشعندج ومن هالحجي ​

والطريقة الرابعة ​

اهي حساب توفير ويتم تحويل الفلوس فيه بالاستقطاع​

وطبعا كل وحدة على حسب معاشها تقدر تسوي لها خطة تمشي عليها وتكون كونتلها مبلغ محترم يحميها من الزمن ومفاجآته ​

بس نصيحتي ياااااااااااابنات حطولكم هدف عشان توصلون للي تبون ​

يعني مثلا : مبلغ عشان تاخذين بيت بمنطقة محترمة او شقة تمليك او سيارة رزه او مشروع خاص فيج او سفرة حلوووه وفيها شوبنغ ووناسة يعني تقدرين تسوين خطة طويلة المدى وخطة قصيرة .. انتي واللي يريحج​

وصدقوني يابنات الفلس اللي بيكون عندج باجر بيعزج عن الطلب او السلف من احد شيلي نفسج وعيالج والله ييسر امورنا كلنا ​

وكل وحدة تقولي شنو طريقتها بالتوفير عشان استفيد انا وكلنا للمستقبل ​

ولا تنسوني بدعائكم الطيب وان الله اللي ينولني اللي فبالي بالقريييب العاجل ​

 

[:: Diva ::]

مشكوره حياتي
الله يحقق كل اهدافنا
و لا يحوجنا لاحد غيره


بالفعل مجتمع استهلاكي مبذر
اتمنى اتمكن من التوفير
يعني ذبحت عمري خلال سنتين ما يمعت فوق الالف لووووووووووووووووول


كل ما اقول هالمبلغ ما راح اجيسه
الا كل شوي صارفه و لا موفره شي



اخر مره
عطيت امي مبلغ
و قلت لها نص الشهر عطيني

وناااااااااساااااااااا
المبلغ الي عطتنا اياه هو الي صرفته و الباجي بقى منه مبلغ محترم
امس شريت فيه كاميرا بروفيشنال لووووووول
هم ماكو فايده !!

 

[zain-bh]

موضوع وايد حلو

فعلا نحتاجه

وانا اسنخدم طريقه ثانيه اني اسوي لسته قبل ما ينزل المعاش واحاول اني امشي عليها وبنفس الوقت احاول اوفر بس اللي صاير هالفتره كل التوفير حق شغلات قصيرة المدى يعني ما تحسين بطعمها

الحين ودي اوفر حق سفره

 

[بنت الاحلام]

يعطيج الف عافيه حبيبتي

 

[the white heart]

مشكووووووورة والله حدي محتاجة هالموضوع ذابحني عوار الضمير من الصرررررررررف ولا موفرة ولا فلس حق الزمن كله أقول ألحين لو أحتاج فجأة شلووووون ؟؟؟
صج موضوعج عملي ومفيد جزاج الله خير

 

[الأميرة كيرارا]

مشكوووورة حبيبتي
آنا طريقتي أحط هدف سنوي و أستقطع مبلغ كل شهر يروح بحساب توفير ما ينجاس المبلغ إلا حق سيارة او بيت العمر مثل ما قلتي ( و طبعا الحساب سر حتى ريلي مع إني أثق في ما يدري مو عن شي بس إذا درا راح يطمن و يفسفس الفلوس)

و عندي حساب ثاني للتوفير يكون مبلغ أقل طبعا و الزيادات و الهدايا هذا حق السفرات أو متى ما أحتاج

و باجي اللراتب يقسم بشكل أسبوعي و نصرف منه و طبعا في ميزانية طوارئ

 

[أم عامر]

حلو الموضوع وناطرين تجارب اكثر

 

[bint_looda]

احسن شي حساب توفير ماله كرت واستقطاع شهري عسى الله لايحوجنا لاحد

 

[om_lili]

مشكوووووووووووورين عالمرور والردود الطيبه
والله يزيدنا من خيره اكثر واكثر ولا يحوجنا لاحد غيره

بنات انا بلشت بالطريقة الاولى عندي حصالة ماتتبطل و بلشت احط فيها
وان شاء الله استمر :> قررت احط فيها لمدة 6 اشهر
وكتبت ورقة وقطيتها داخلها مكتوب فيها دعاء للامام الصادق عليه السلام
" اللهم ارزقني من فضلك الواسع ، الحلال الطيب ، رزقا واسعا حلالا طيبا ، بلاغا للدنيا والآخرة ، صبا صبا هنيئا مريئا ، من غير كد ، ولا من من أحد من خلقك ، إلا سعة من فضلك الواسع ، فإنك قلت : ( واسألوا الله من فصله ) من فضلك أسأل ، ومن عطيتك أسأل ، ومن يدك الملأى أسأل . "


وبغيت اسألكم عن طريقة غفلت عنها واهي
الجمعيات :> عطوني رايكم فيها

وتسلمووووووووون ;**​

 

[om_lili]

بس ابي طريقة مضمونة اكثر والله يصبرني وما اخذ راحتي بالصرف لاني ناوية اوفر حق سكن ملك حتى لو احصله بعد 10 سنين اذا الله عطانا عمر .. مفكرة بشقة او فبيت نشتريه ونأجره

وعلى فكرة ريلي مـــــــــــــــــــسرف يتبع مقولة اصرف مافي الجيب يأتيك مافي الغيب يعني لازم هالخطة تكون من وراه .. الله يقدرني واغير طبعه

ولي عودة ان شاء الله مع نصايح ان شاء الله تفيدنا كلنا ​

 

[ما كو اسم]

اذا انتي بنت تقدرين بس اذا متزوجه ما تقدرين .من تجربتي مو شرط كل الناس


وبعد انا كنت كشيخه خلاص ما اقدر انزل عقب الزواج والوظيفه ..والله ان خواتي وبنات خالاتي اذا شريت شئ عادي يقولوني فشلتينه ما تقدرين اتزيدينهم جم دينار وبعد انا همي زوجي لا يقولون محسر عليها

انا اقصد كل وحده وظروفها واحنا نسوي اشياء مو مقتنعين فيها بس الوضع مرات صعب

 

[بنت الاحلام]

انا حاليا سويت حصاله لوووي
وايدي تحكني ودي افتحها واشوف جم جمعت بس مادري بصبر لين تدور عليها السنه وبشوف جم يطلع منها

 

[ديما الكويت]

جمعي 10% من كل راتب .
وكل ما نزلج راتبج حاولي تجمعين >>>ثلاث رواتب وتسوينم وديعة بالبنك .

 

[أم سيف وسلطان]

يعطيج العافيه

وانا طريتي ادخل جمعيات

 

[أم رنو]

سبحانك اللهم وبحمدك ، أشهد أن لا إله إلا أنت أستغفرك وأتوب إليك
اللهم صل على محمد وعلى آله وصحبه أجمعين

سبحانك اللهم وبحمدك ، أشهد أن لا إله إلا أنت أستغفرك وأتوب إليك
اللهم صل على محمد وعلى آله وصحبه أجمعين

سبحانك اللهم وبحمدك ، أشهد أن لا إله إلا أنت أستغفرك وأتوب إليك
اللهم صل على محمد وعلى آله وصحبه أجمعين

سبحانك اللهم وبحمدك ، أشهد أن لا إله إلا أنت أستغفرك وأتوب إليك
اللهم صل على محمد وعلى آله وصحبه أجمعين ​

مووووووفقه يـــالـــ غ ـــــــــــــلا فكره حلوووووه
​

 

[استكانه1]

الذهـــــــــــــــــــــــــــــــــــــــــــــــــــــــــــــــب ماكوا غيره ,,,

 

[هنودة 26]

بسم الله الرحمن الرحيم

السلام عليكم يا حلوين
شخباركم ......

اولا للمتزوجين

حطي راتبج مه راتب زوجج وراح يطلع مبلغ كبير
بالنسبة لي انا اداوم بالدوام ونقط قطية الدوام كل شهر بس اخلي في جنطتي دينار واحد فقط للصرف يمكن احتاج شي اشتريه ماي عصير والخ .....
والباجي من الدينار احطه في حصاله
ونفس الطريقه حق زوجي مصروفه اليومي 10 دنانير لانه يشمل كروت التلفون لي وله وبانزين السيارة راح تقولولي ما تكفي مثلا اليوم شرا كروت ثاني يوم مراح يشتري بيعبي بنزين وهكذا واللي يبقى بنهاية اليوم يحطه بالحصاله معاي سواء 100 فلس ولادينار ولا خمس دنانير ...
هذا كصرف يومي
اما الاشياء الاساسية حاطه حق كل شي مبلغ
ماجلة البيت
مصروف شهري لي
ومصرف شهري لزوجي وهذا غير اني داشة جمعيه ب مبلغ 600 دينار
وغير الايجار والخدامه واللهم لك الحمد همن يبقى من معاشنا
والباقي نخش نصه والنص الثاني نرفعه


انا الصراحة اشوف ان كل وحدة متزوجه ما تصرف من معاشها ولا فلس تخشه لها كله وتعتمد على مصروف اللي يعطيها زوجها لانج اذا ما جستي معاشج لمدة اقل شي سنه بتكون عندج ثروة ، وانصح ايضا بشراء ارض بالخارج للضمان ومو شرط تبنينها خليها ضمان لج ولعيالج ةتكون باسمج اهم شي ومن فلوسج
واشتروا الذهب ترا الذهب غالي بس الغالي كل ماله يغلى فنصيحة مني بسكم لبس بسكم اكل ماله داعي بسكم طلعات مالها داعي قعدوا في البيت ابتكروا لكم اشياء حلوة دشوا دورات تعليم في اي شي انتو حابينه لا تقولون ما في وقت , اذا ما فيه وقت اشلون احنا عايشين ، الوقت موجود بيدينكم بدال ما تقعدين 3 ساعات قبال التلفزيون روحي النادي ولا طالعوا برامج وثائقية ولا اقروا كتب اقروا كتب احنا امة اقراء ومحد فينا يقرا اقروا وسعوووا مداركم واللي يبي نصايح اكثر مني او يتواصل معاي يرسل رساله خاصة برقم البن مال البلاك بيري او اللي حابه اني اضيفها بالوتس اب عندي تدزلي رقم تلفونها وانا مستعدة اني اساعدها واعطيها حلول وارفع معنوياتها ..... وحياكم الله

 

[ما كو اسم]

بسم الله الرحمن الرحيم

السلام عليكم يا حلوين
شخباركم ......

اولا للمتزوجين

حطي راتبج مه راتب زوجج وراح يطلع مبلغ كبير
بالنسبة لي انا اداوم بالدوام ونقط قطية الدوام كل شهر بس اخلي في جنطتي دينار واحد فقط للصرف يمكن احتاج شي اشتريه ماي عصير والخ .....
والباجي من الدينار احطه في حصاله
ونفس الطريقه حق زوجي مصروفه اليومي 10 دنانير لانه يشمل كروت التلفون لي وله وبانزين السيارة راح تقولولي ما تكفي مثلا اليوم شرا كروت ثاني يوم مراح يشتري بيعبي بنزين وهكذا واللي يبقى بنهاية اليوم يحطه بالحصاله معاي سواء 100 فلس ولادينار ولا خمس دنانير ...
هذا كصرف يومي
اما الاشياء الاساسية حاطه حق كل شي مبلغ
ماجلة البيت
مصروف شهري لي
ومصرف شهري لزوجي وهذا غير اني داشة جمعيه ب مبلغ 600 دينار
وغير الايجار والخدامه واللهم لك الحمد همن يبقى من معاشنا
والباقي نخش نصه والنص الثاني نرفعه


انا الصراحة اشوف ان كل وحدة متزوجه ما تصرف من معاشها ولا فلس تخشه لها كله وتعتمد على مصروف اللي يعطيها زوجها لانج اذا ما جستي معاشج لمدة اقل شي سنه بتكون عندج ثروة ، وانصح ايضا بشراء ارض بالخارج للضمان ومو شرط تبنينها خليها ضمان لج ولعيالج ةتكون باسمج اهم شي ومن فلوسج
واشتروا الذهب ترا الذهب غالي بس الغالي كل ماله يغلى فنصيحة مني بسكم لبس بسكم اكل ماله داعي بسكم طلعات مالها داعي قعدوا في البيت ابتكروا لكم اشياء حلوة دشوا دورات تعليم في اي شي انتو حابينه لا تقولون ما في وقت , اذا ما فيه وقت اشلون احنا عايشين ، الوقت موجود بيدينكم بدال ما تقعدين 3 ساعات قبال التلفزيون روحي النادي ولا طالعوا برامج وثائقية ولا اقروا كتب اقروا كتب احنا امة اقراء ومحد فينا يقرا اقروا وسعوووا مداركم واللي يبي نصايح اكثر مني او يتواصل معاي يرسل رساله خاصة برقم البن مال البلاك بيري او اللي حابه اني اضيفها بالوتس اب عندي تدزلي رقم تلفونها وانا مستعدة اني اساعدها واعطيها حلول وارفع معنوياتها ..... وحياكم الله

مشكوره على قلبج الطيب وعسى الله يعطيج على نيتج:hjy5jewf::hjy5jewf::hjy5jewf:

 

[هيفو777]

واي هنوده كلامج يهبل ابي اصير رفيجتج ممكن
انا اتبع نفس طريقتج بس انا مو مزوجه ولا عندي مسؤليات ولا اقصاد الحمدالله بس ابي مورد ثاني غير معاشي
الن كل شي غالي

 

[yuoni]

انا ماعندي وظيفه بس زوجي يعطيني مصروف خاص يعني ماله شغل في البيت يعني لسوق واغراضي بس صرت امسك نفسي يعني اقعد من السوق 3او4شهور مااروح واحط مصروفي في حصاله واي صرف من ريالات خمسات عشرات احطه بعد فيها والحمدلله حصلت مبلغ معقول وفك عندي ازمات ..والله يرزقني وياكم والمسلمين اجمعين