طريقه ترتيب الثلاجه

[الشيخه فطامي]

موضوعي كل وحده تصورلي ثلاجتها

اوشلون ترتبها

خصوصا الزيتون او الجبن بشنو تحفظونا

تحطونه بتبروير ولا تخلونه بنفس علبته

مرات يوصخ الزيت او شي

الادواج اللي بالثلاجه حق شنو تستخدمونها

الارفف

مكان البيض او غيره

نبي تفاعل موضوع مهم

 

[صلوا على النبي]

فكرة حلوووة تشكرين عليها حبيبتي :yaaaaaarb:
أنا أحط الجبن والزيتون وغيره بعلب بلاستك لحفظ الأكل وطبعا اللي وياهم ماي أحط فيهم ماي عشان مايخرب وجبن القلاص و المايونيز وغيرها من القراش شارية من دايسو منظم بلاستك طوالي أصفهم فيه وأحطه بالطول عرفتي يعني مجرد مااسحبة جنه درج آخذ اللي أبيه هذيل في أول رفين والرف اللي بعدهم شارية من ايكيا منظم بلاستك هم بس عميق واكبر حق فواكة ثلاثة يم بعض والرف اللي تحته منظم للخضرة شاريته من اكيا مشخل من تحت عشان التهويه ويطول عمر الخضره هذيل اثنين والدرج اللي تحت الكبير أحط فيه الطماط يمه الليمون ويمه اللي عندي من الخضره جذي يعني وسلااااامتج :eh_s(7):

 

[نعوووووومه]

خووووووش موضوع

 

[أم نواف غير]

يعطيكم العافيه

 

[الشيخه فطامي]

حبيبتي صلو على النبي


ممكن تصوريلنا المقسمات

 

[sunshine22]

الخضره اللي تنحط بالثلاجه اعبيهم بأكياس حراريه
والبقدونس والنعناع والخش والورقيات عموما اذكر وحده بموضع هنيه تكلمت عن الخيشه تلفينه فيهم يطول بعمرها وما تعفن والدليل بياع الخضار بالشارع دايم يلف عربانته بخياش


واحط الخضره تالي بصندوق الخضار بالثلاجه ارتب وكل كميه صغيره بكيس عشان وقت الاستعمال اقط الكيس كل 4 طماطات وجذي

اما الزيتون اشريه من مركز سلطان اساسا يعبونه ببلاستيك
مو نفس الجمعيات يخر وجذي

البيض بمكانه الطبيعي بالثلاجه


الخبز بالفريزر

الاجبان برف ولاين لحالهم

 

[الشيخه فطامي]

حبايبي كل وحده تذكر من وين تشتري الحافظات او الاكياس اذا ممكن صور عساس الكل يستفيد

 

[صلوا على النبي]

للأسف ماأعرف أصور والله :bbbiu:
بس انتي مري على دايسو اكيد بتلاقينهم مكودين صوب علب ومقسمات البلاستك

 

[amami al-kuwai]

شي حلو

ان شالله نستفيد من هالموضوع

 

[الشيخه فطامي]

اذا زاد عندكم الاكل مثلا عيش او سلطه مال الغدا

شلون تخزنونه بالثلاجه

او هل تخلون تبرويرات خاصه بس حق حفظ الاكل الزايد ولا عادي اي تبروير

اذا قصيتو نص ليمونه او النص الثاني بتحفظونه بالثلاجه شلون وين تحطونه
يلا بنات نبي تفاعل

 

[صلوا على النبي]

نص الليمونة او الطماطة أحطهم بحافظة بلاستيكية أنا شارية من ايكيا طقم مجموعة أحجام وموجوده أكيد بالأسواق الشعبية أما باقي الأكل قليل مايزيد وان زاد من العيش والله أخليه بالجدر عشان نصخنه للعشا بس مايطول أكثر من يوم أما المرق أو الدقوس أو المكرونا في بايركسات واغطيهم بنايلون الرول وبالثلاجة وياريت يعلمونا البنات شيسون عشان نستفيد ومشكورة على الموضوع حبيبتي

 

[الشيخه فطامي]

اي والله اهم شي الاكل الزايد على قولتكم العيش او نص ليمونه او تفاحه يعني مرات تفتحين العلبه ماتكملينها


نبي خبراتكم حبايبي

او اللي تصور شغلها بعد احلى

يعطيكم الف عافيه

 

[رووح ابووها]

اب

اب

 

[اسيرة زوجها]

نبي صور

 

[ديانا سبنسر]

ااااااااااااب

 

[((shoOoshoOo))]

بعد اذن صاحبه الموضوووع عندي سؤال

بشنوووو انظف الثلاجه

 

[((shoOoshoOo))]

اب



اب

 

[أم ناصر93]

السلام عليكم

حبيباتي بالنسبة للحافظات انا افضل الزجاج اللي لهم غطاء ملون ويكونون احجام

موجودين بهوم سنتر وبنتا ب750 فلس حتى اذا فتحت المرتديلا احطه فيهم

ويصلحون للمعبوج واذا بترفعين سلطة حق احد من العيال

وايد حلوين وشكلهم مرتب بالثلاجة

***********


لكم تحياتي

 

[أم ناصر93]

ونسيت ماقلت لكم ان عدد المجموعة خمسة وشريت 4 كراتين

احط فيهم الجبن والزيتون واللبنة والمكدوس

وتقدرين بعد تحطينهم على طاولة الطعام وقت الأكل شكلهم حلو

اتمنى اني افدتكم

وأي سؤال انا حاضرة لأني احب المطبخ واحب اشتري المواعين

************

لكم تحياتي

 

[رووح ابووها]

بعد اذن صاحبه الموضوووع عندي سؤال

بشنوووو انظف الثلاجه

في منظف خاص بالثلاجات تلقينه بمركز سلطان :rerrerek: