طريقه تعقيم المميه ساعدوني بليز

[happy girl]

ساعدوني بلييز كم مره اعقم المميه بماي مغللي كم مرره باليوم؟؟؟؟؟ وهم كم مره اغسلها بالصابون ورا كل رضعه؟؟؟ والحلمه متا اغيرها

 

[شوكلاتة لزيزة]

والله انا بعد كنت بحط موضوع عن هالشي بس سبقتيني

ياريت الامعان يفيدووونه لاني بجرريه

 

[washwoshh]

اول شي تغسلين المميه بعد كل رضعه تحطين ماعون فيه ماي ونقطه صابون وتغسلين المميه وتحطين جدر في ماي وتغلينه 5 دقايق
او تحطينه بجهاز التعقيم

الحلمه على حسب عمر الطفل

 

[happy girl]

بليييييز اللي تعرف ترد هم انا بجريه وموعارفه وما احب اسال احد

 

[ام خير]

هاي قوه
مثل ماقالت لج اختي
اول شي تغسلينهم ماي وصابون
وبعدها تحطينهم بالجهاز تعقيم انا افضل الجهاز
وبالنسبة جم مره انا اخلي التعقيم مرتين الصبح وبليل قبل النوم
وبس اتمنى اكون فايدتج​

 

[دلع86]

غسليهم بالصابون بعد كل استخدام
والتعقيم اخر شي بليل عقب ماينام الياهل حطيهم بجدر ماي مغلي علجوله وشوي ملح وخلييه يغلي وبعدها غسليهم ونشفيهم وبس

 

[happy girl]

يعني مرتين باليوم بس اعقمهم بماي حااار وباجي الرضعات اغسلهم بالصابون بس ؟؟؟؟

 

[شوكلاتة لزيزة]

انا دكتورة بنتي قالت لي غسليهم بالماي والصاوبن وبعدها اغلي كل المميات لمدة 10 دقايق بالجدر عالنار

وبعدين اغسلهم بنفس الماي اللي بالجدر لان تتكون عليهم طبقة ملح ولان ماي الصنبور فيه بكتيريا ولو غسلتهم من ماي الصنبور عقب التعقيم راح اخرب كل التعقيم اللي سويته وما منه فايده وعقب من اكمل تغسيل احطهم بالفريزر.. وماقالت لي احط مللللللح ولاشي!!

 

[شوكلاتة لزيزة]

وهم الدكتورة ما قالت لي جم مررررره باليوم اعقمهم وانا نسيييييييييييييييييت اسالها

فقمت اعقهم مره باليوم وعقب كل رضعه اغسلهم بالماي والصابون وعلى طوول بالفريزر!!!!!!!!!!!!!

 

[غيمه ظميانه]

غسيل بماي وصابون عقب كل رضعه
وانا طريقتي كل يوم الصبح واليهال نايمين احط جدر فيه ماي وملح وداخل المميات شويه ماي وملح
واخليهم لمى يفوحون وعقب اغسلهم عدل وبس

 

[*ماي الورد*]

غسليهم بالفرشة و صابون بيجون مال الرضعات عقب كل رضعة و تغلينهم بعد كل رضعة

 

[شوكلاتة لزيزة]

انزين يا امهات انا اشووف حماتي كل شهر تبددل مميات بنتها؟!!! واهي تستخدم 3 مميات للشهر الواحد

فياريت تفيدونه كل بين جم نبدل المميات ونشتري يدد؟!!!!

 

[KOKO_284I]

ورا كل رضعه اغسله بالفرشه والصابون

وبعدين احطه بماي مغلي 5 دقايق

او اشتري جهاز التعقيم وافتكي

 

[أحلام قطر]

أنا أغليه الظهر وفالليل يعني مرتين فاليوم .. (( لاتغلينه أكثر من 5 دقايق مب زييييين ))
وبعد كل رضعه أغسلهم غسيل عادي أذا كنت برع وأذا كنت فالبيت بالماي والصابون وفرشاته

وأغير الحلمه كل شهر مره .. طبعا على حسب الياهل أذا شفتي الحلمه لونه تغير عن قبل غيريه

 

[صدفه نسيتك]

نفس طريقة ماي ورد

 

[noo7a]

بعد كل استخدام
لازم تغسلين المميه و تعقمينها
مايصير يستخدمها بدون ماتغسلين و تعقمينها

وجم مره باليوم يعتمد على جم مميه عندج

يعني انا ايمع كل ٥ مميات و اعقمهم مع بعض لان جهاز التعقيم مالي يشيل ٥

 

[*uM_MiMi*]

اغسلهم بماي وصابون عقب كل رضعه و اغليهم على طول ما استخدم رضعه بدون لا اغليها لازم اغليها عشان تكون معقمه لما استخدمها

 

[$ لازاورد $]

غسليهم بالفرشة و صابون بيجون مال الرضعات عقب كل رضعة و تغلينهم بعد كل رضعة

نفس الطريقة . .
ترا أهم شي التعقيم لأن الحليب يتخمر..
والحلمة غيرها حسب عمر البيبي، يكتبون حق حديثي الولادة ومن شهر لي 3 شهور وجذي..
أتمنى أكون فدتج :eh_s(7):

 

[Mednight Rain]

أغسل المميات والحلمات بماي وصابون ( بيجون ) مع فرشاة خاصة .
واحطهم بالتعقيم ( ماركة ايفنت بالبخار ) .
ولازم افصلمة الحلم عن غطاها .
واحطهم برا على الطاولة ( مادري ليش تحطونها بالثلاجة )

والحلمة اول شي اخذ حجم نيوبورن (smal) بعد 3 شهور أخذ أكبر .

 

[ابله ريما]

فيه جهاز خاص للتعقيم ..