طفلك ينام بعيد عنك

[رنا 2012]

السلام عليكم
كيف حالكم ياامهات.......بدخل في الموضوع
انا استغرب لما الوحده يكون عندها طفل واحد وينام في غرفه لوحده صح عشان يتعود لكن صعبه اولا لانه بعيد عن امه وثانيا يستفرد به الشيطان
من متى يبدا ينحط في غرفه لوحده لما يصير عمره 7سنوات او لما يكون عنده اخوان

اما لسى بيبي وينحط في غرفه لوحده غلط واكبر غلط الطفل مكانه حضن امه قريب منها
انتي نظمي وقت نومه عشان تهيئي الوضع لزوجك
وعادة ان الطفل ينام وحده وهو لسى بيبي مش من عاداتنا يالعرب

 

[كتكوته حبيبي]

صح كلامج انا لو شنو ماخلي ولدي ينام بروحه بغرفه تدرين انا اخلي ينام يمي بالفراش اخاف عليه بسريره واحاتيه وماقدر لازم اشم ريحته الزق فيه اكثر من ريلي ههههههههخخ واهوا بعد ماينام الا لما يمسك ايدي فديته

 

[رنا 2012]

تسلمي كتكوتة عالرد وخاصة لما يكون البكر

 

[صاعقة بيوتي]

مافي شي اسمه صح ولا غلط كل واحد يعمل اللي يناسبه، انا بالنسبة لي ان شا الله لما اولد بخليه بغرفة لحاله عشان يتعود ومايأذيني تدرين ليش لاني انا لما كنت صغيره كنت انام بدار امي وابوي وبعدها انتقلت لغرفة اختي وشنو كانت النتيجة صرت خوافة حيل مقدر انام لحالي الين دخلت الثانوي مع انه عندي دار بروحي وبعدها حاولت اغصب نفسي وتشجعت والين يومج (وانا الحين متزوجة ) تمر علي فترات اخاف انام بروحي ولازم الباب مفتوح وفي ضو يدش الغرفة. وشنو يستفرد فيه الشيطان خير وين قاعدين اقري البقرة كل ثلاث ايام ومارح تدش الشياطين ببيتج

 

[شيخه_البيض]

انا ضد هالشي

الطفل لازم يتعود ينام بروحه

والغرفه موبعيده اكيد قريبه

ع شانه اولا وع شاني ثانيا

والله يبعد عنا الشيطان ان شاءالله مايدخل بيوتنا

 

[M!SS.LOBY]

ضرووري يكون له غرفة بروحه

 

[Winter Q8]

مو حلو الواحد يتكلم من غير دليل و لا سند لكلامه ,, مجرد آراء من تفكيره ..
كل وحده تربي عيالها بطريقتها ..

 

[فـراوله]

مادري أختي شنو 7 سنوات بعدين ننقله غرفه بروحه وايد كبير اهني

واهو بيبي اذا الام خايفه عليه على الاقل لي 4 شهور أو 6 شهور بعدين لازم تعوده على غرفه بروحه

أنا ولدي الكبير نام عندي بالغرفه لين سنه و7 شهور تقريبا وولدي الثاني نام عندي بالغرفه شهرين أو 3 شهور

بالنسبه لي عشت المرحلتين وولدي الثاني للي نام بروحه من صغره من تحطينه بفراشه ينام عالطول واذا قعد

يقعد على سريره لعب ورد نام بروحه أما ولدي البجر تعبت على ما عودته على غرفه بروحه واذا قعد يبجي يجي ينام

عندي أروح رادته على سريره مره ثانيه عشان خلاص يتعود هذه داره

والشيطان والجن موجودين بكل مكان حتى لو نام بحضنج الوحده ترقي ولدها وتقرا المعوذات على ولدها قبل النوم

وأنا أحط عندهم سورة البقره



​

 

[شفايف كرزيه]

كل وحده وطريقتها ببيتها
عن نفسي ولدي صغير ينام معاي بنفس الغرفه وان شالله اذا كبر اكيد بحطله غرفه ينام فيها

 

[كتكوته حبيبي]

حاليا مومفكره احطه بغرفه بروح
والي قالت كانت تنام عند تمها وابوها انا ماكنت انام عند امي وابوي بس خوافه درجه اولى لي قبل لا اتزوج يعني اخر سنه ثانوي مانام بغرفتي بس كنت حاطتها جذي مره انام بالصاله مره عند اخوي الصغير وليحين متزوجه اخاف بس الي مخفف علي اني عند حمولتي وحسهم بالببت بس هم انام والليت مبطل والباب بعد الحين تطورت مع ولدي اسكر الباب بس الليت موجود احس بس تعودت على جذي معنى كل يوم اشغل سوره البقره من يطلع ريلي للدوام وانا موسالفت خايفه علي من جن وشياطين بس تعلقت فيه حيل واحب اشم ريحته قبل لا انام وهم اخاف يشرق ولايختنق لان خشمه مسكر وفيه بلغم بس من يصير سنه وشوي بحطه بغرفه

 

[حورية آلكويت]

انا انومهم والخدامه تنام معاهم

انزين اذا بخليهم بروحهم شلون لو شرقت ولا رجعت واهيا نايمه منو يدري عنها

جاااااااااااااااوبوني وفيدوني لأن ودي اخليهم بروحهم مابيها تنام عندهم

 

[رنا 2012]

انا اخذتها بعاطفتي يعني مااتخيل اني بنام بغرفه ورضيعي بغرفه ثانيه نفسي ماتقدر وفي نفس الوقت اخاف يكح يشرق يصيح ومااسمعه بس اقصد 7سنوات الوحيد الا اذا عنده اخوان هينا بعد سنه احطه عند اخوانه
طبعا هذي وجهة نظري لان ماافضل الرضيع بغرفه لحاله واكيد كل واحد حر يعياله

 

[ام رينـاد]

بناتي غرفه بروحهم

وولدي توه صغييير شهرين عندي

 

[shai6ona19]

بالعكس المفروض البيبي يكون بغرفه بروحه اريحلج واريحله عشان يتعود ينام بروحه

انا عايشه ابيت حمولتي وشقتي صغيره وماعندي غرفه ثانيه واتمنى يكون عندي نقطة مساحه اسويها غرفه لبنتي بس ماكووو

وبالنسبه للي يقولون شلون اذا شرقت او بجت

الله يخلي اجهز البيبي صوت وصووورة

 

[attoosh]

انا عيالي كلهم من بعد الاربعين بغرفتهم انامون مستحيل اخلي احد انام عندي ما احب هل الطبع وانا باليل اقوم اجيك عليهم كل ساعتين ومرات ابوهم اغير ملابسهم و حفاضاتهم واقلرا المعوذات والكرسي وخواتيم البقرة واحطهم بفراشهم وابطل باب الغرفة عليهم وابطل بعد باب غرفتي على الاخر واي حركه او صوت اسمعه على طول وما احب الخدامة تنام معاهم وييع ريحتها ونفسها بالغرفة انا اجيك عليهم باليل وبس وبجذيه مرتاحيين وانا بعد مرتاحه وطبعا انا اسوي هل شي لعدة اسباب اول شي :
- لازم يتعلم الطفل الاستقلاليه
- غرفتي حيل برد ريلي ما يقدر انام بالحر غرفتهم انا مسكره فتحات السنترال يعني جوها مناسب للاطفال
- مهما كان الام والابو اكيد بصير بينهم شي وهل شي مو زين كلش لصحة الطفل
- هدوء للطفل ولي انا بعد
ولله الحمد ربيتهم وماشفت مساوء لهل شي اسم الله عليهم اكبرو وجنهم البخت بفضل الله
وسلا متكم
-

 

[أم يزيد &سديم&]

ينامون في غرفتهم بس بالليل كلهم عندي تحت السرير
الله يحفظهم يا رب

 

[ككوته]

انا عن نفسي ولدي اللحين عمره ٤ شهور بليل احطه بفراشه عندي و الصبح اييبه يمي عشان ارضعه ومفكره ان شاء الله بعد شهرين اويه غرفه
لاني صراحه شفت اختي كانت تنوم عيالها عندها وجلبو فيها يعني واجهة صعوبه كبيره على ماتعزلهم بغرفه بروحهم بعدين في حديث عن الني بما معناه ان مكروه يصير شي بين الام والابو والولد موجود حتى لو كان بلاربعين

 

[رنا 2012]

كل وحده لها الطريقه المناسبه في تربية عيالها ولكن اضل اقول ان لايمكن طفلي ينام بغرفه وانا بغرفه ولام تؤجر على تعبها في تربية عيالها وياحلو الطفل لما ينام قريب من امه يحس بالامان لانه يحس ويدري ويشم ان امه قريب منه غير لما يكون نايم في غرفه لوحده
حتى في علاقه حلوه بينه وبين امه وذيك الساعه لما يكبر نحطه في غرفته مع اخوانه اما رضيع وفي غرفه لوحده صعبه
وتضل وجهة نظر والله يحفظ عيالي من كل سوء ومكروه ويحفظ لكم عيالكم

 

[princess meriam]

رانا ممكن تحذفى مسج لان ببعتلك ومش ينفع
​

 

[M!SS.LOBY]

كل وحدة وطريقتها