طفلي يعاني من الامساك ما الحل ؟

[اخصائية داون]

طفلي عمره سنتين و نص يعاني من الامساك
لديه زيادة في الوزن
ما العلاج ؟

 

[وشلون مغليك]

اختي عطيه علي الريج

ملعقه عسل مع ملعقه زيت زيتون مخلوطين يوميااا

والله يشافيه

 

[اخصائية داون]

مشكورة ما قصرتي حبيبتي

 

[اسينات]

عطيه عصير برتقال على الريج

 

[استندرا]

اختي جم عمره ولدج؟

 

[ام اطوطه]

حبيبتي انا بنتي كان فيها امساك ما فاد فيها الا عصير طبيعي كل يوم على الريج وانا وديها حق د سعاد البصيري وايد زينه اهيا الوحيده اللي اعرفت حق بنتي عطتها مشهي وجم شغله واهي اللي قالتلي عن العصير اللي على الريج والله يشافيه

 

[نجاة80]

شوفي حبيبتي ولدي كان فيه امساك ووديته عند سليمان البدر ونصحني والصراحه واااايد استفدت من نصايحه
عطيه ملوخيه ... باميه ... عنب... اي شي اخضر وااايد زين للامساك

واول شي ابتعدي عن الحلويات وخاااااصة البفك حييييل حذرني منه

وحاولي تودينه اخصائية تغذيه احسن له حرام الامساك وااايد مؤذي

 

[اخصائية داون]

مشكورين على الردود
وانا الحين قمت اعطيه برتقال فرش مقصص
وارز اسمر وعنب مقصص ومرق في كوسا و سلطة ناعمة و شوربات
الحمد لله وايد تحسن