طفى نبضي و قلبي حي .. !

[bacher a7la]

يعطيكم العافيه كويتيات ..

انا عندي مشكله وابي رايكم

انا صارلي سنين اعاني من كوابيس و احلام .. بس بالفتره الاخيره زاااااايد و صار عندي صداع نصفي و هالصداع اغلبه مع كوابيس اتخرع ! للعلم طبيا جيكت ماكو شي الحمدلله

و احلامي كلها صراصير و الصراصير معروفين حساد .. و هم في وحده حلمت فيني و من ضمن التفسير انه اقرا على نفسي
وانا ملتزمه بالاذكار يوميا الحمدلله .. و اقرا الرقيه الشرعيه اذا عندي مناسبة

ارد من عرس ينقلب حالي فوق تحت ثاني يوم .. و نفس الشي اذا رديت من السفر !

و صارلي حادث بسبة العين .. وانا كنت حاطه ابالي انه قضاء و قدر بس بعدها في ناس قالولي اني محسوده على شي فيني تعور بالحادث !


و صارتلي موااااااااقف اثبتتللي هالشي

هذا غير التعب من غير سبب طبي و كله مالي خلق و اعصاب و شعري يحت

باختصار مو مترقعه !!

و كلمت شيخ بهالموضوع قالي اقري على نفسج الرقيه و قوليلي شيصير معاج .. اول مره ماركزت عالاعراض اللي ذكرها بس ثاني مره قريت فيها قتله انه حسيت بجسمي حراره و تنميل خفيف بريلي اليسار شوي و يصعد فوق ! و تعب لمن اقرا الرقيه .. يقولي مافيج شي هذا من الحادث !!! شكو الحادث بالرقيه ! اعراض العين و الحسد معروفه ..

بس اللي خلاني اكتب هالموضوع اللي صارلي امس .. قريت اية الكرسي و نمت فجاه ولا احد ينزل راسه و يبوسي على خدي اليسار و لمست الايد و حسيت بكل شي جنه صج !!! اقول بقلبي اختي بايستني شهالحنيه الزايده .. بطلت عيني و لا ماكو احد ! اقول حق اختي انتي بستيني صح؟ اتقولي شكو ابوسج شبي فيج


انا اهني مت من الخرعه .. قلت حق امي و ما اهتمت للموضوع ! اتقول حطي مسك اسود ونامي !! انزين لي متى مو لازم اشوف علاج لهالموضوع تعببببببت ! واتصلت عالشيخ كان اجتهاد مني و لا امي اتقول ماله داعي !!!!

للعلم مو اول مره اتضايق من هالاحلام .. صارلي اكثر من موقف يخرع



اللي اترد و اتفيدني الله يرزقها اللي تتمنى يارب و بميزان حسناتها

 

[نبض السعاده]

العين حق والرقيه البقرا هم الشفاء

بنسبه للاحلام اصابه بالعين

عده طرق لتخلص من الاحلام

الوضوء قبل الخلووود الي النوم

قراءه البقره يومي
ا الاستغفار
حسن الظن بالله
العين الحسد الوسواس مع تطور العلم تحتاج الي علاج نفسي
علاج نفسي اما في تدخل طبيب او معالجه الانسان لنفسه اذا كان العارض بسيط
كيف اعالج نفسي
مراحل العين الحسد كثيرا

اهمها انج تحافظين علي البقرا يوميا الاستغفار
عدم اللاهتمام للاحلام او الحساد
ارقي نفسج توكلي علي ربج

 

[منيره آل ثاني]

اقري البقرة كل يوم
وخذي ماي وقري عليه آيات العين واشربي قلاص صبح وقلاص فليل
وآيات العين بتلقينه لو بحثتي في قوقل
وإذا ياتج أعراض معينه بعد القراءة كملي واستمري
والأعراض الي تيج لما تقرين لو كان عين معناته العين قاعده تطلع منج

والله اعلى واعلم

 

[منيره آل ثاني]

آيات العين

هذا الموقع

آيات إبطال العين

 

[هدوووشه]

حبيبتي ﻻ تخافين باذن الله مافيك الا الخير

انا حالتي اقوى من حالتك سبحان الله والله يشهد على كلامي كانك تتكلمين عني بعد ملكتي سويت حادث نفسك وربي ستر الحمدلله

واسالي مجرب يمكن الي فيك مرض رووحي مو عضووي حق مستشفياات

الكوابيس والحشرات وناس يلاحقوونك ساعات يكوون مس خاصة اللي انتي تقولينه احد يبوسك وماتشووفينه

انا فيني مس *** حسبي الله ونعم الوووكيل الله ينتقم لي انا شفت عذاااب محد يحس فيه الا ربي واللي ومثلي

المهم

ارقي نفسك على طوول لا التنميل بمكان محدد او تسرع بنبضات القلب او كوااابيس او كتمة او صدااع اغلبها اعراض مرض الرووحي

خليك دااايم على وضوء واذكار الصباح والمسااء وسورة البقرة يوميا والصلوات بووقتها وحاولي قد ماتقدرين تصدقي

بنية الشفاااء

وﻻ تقعدين لحالك ابد عشان لو فيك شي ماتزيد الوسوسة

اتروشي موية سدر يكون مقري فيها

اقري على زيت زيتوون واتدهني فيه قبل النووم

اذا صحيتي كلي عسل عالررريق

حاولي ذكر الله يكون على لسانك على طول ابتعدي عن الاغاني والمعاصي بانواعها

واخيرااا هاذي كلها اسباب الشافي هو الله علقي قلبك بالله

وﻻتنسيني من دعواتك

 

[رمادية الهوى]

اسال الله العظيم ان يشفيك ويعافيك ويلبسك ثؤب الصحه والعافيه وكل مريض يارب


كثري شرب ماي زمزم واقراي الاذكار والقران شفاء القلؤؤب

 

[منار123]

مريييييت بهالحالة كنت اشوف احلام داري كلها حشرات ابجي واروح لامي انام عندها



اختي نصيييييحة نصييييحة
اقري سوورة اابقرة كل يووووم
خليها شي مهم
ولاتقطعين القرآن

اكثري من الاستففار
ةالاذكاااااااار
قووي علاقتج بربج

روحي مكة اعتمري
عبادة ونقاهه وعلاااج
بالدعاء و شرب ماي زمزم


عسى الله يفرج هممج يارب
ونصيحة لاتسولفين وااجد عن نفسج
لاتاخذج الطيبة على حساب نفسج

 

[bacher a7la]

مستمره بالاستغفار الحمدلله .. و بسوي اللي اتقولون عنه :*

و الله كريم

ما قصرتوا

 

[M!SS.LOBY]

الله يكون بعونج

 

[mnoooll]

الحمد الله

لو شفتي ربع الي شفته كان زاغ عقلك




عليك بسورة البقرة يومياً


وزيت مقري فيه


ومويا زمزم اقري فيه كمان


وسدر تروشي فيه يومياً




واذكارك صباحاً ومساءً لا تنسينها.


وتناسي الأحلام ترا الشيطان يحب يأذي البني ادم لو بالأحلام




وربي حافظك بإذن واحد أحد

 

[@@نور الدنيا@@]

رووحي لواحد من المشاايخ او خلييه ايي بيتكم ويقراا علييج وان شاء الله مافيج الا كل خير وعليج بسووره البقره اقريها وشغليها ف البيت يوميا .. والله يفرج همج ياربي

 

[M!SS.LOBY]

لا حول ولا قوة الا بالله

 

[Ēŋѕαnħ ツ]

مايحس فيك غير اللي مجرب المرض الروحي
حتى أنا أهلي ماوقفوا معي و مو مصدقين فيه بهالدنيا أمراض روحيه تعذبنا
مالنا غير الله
الله يشفيك و يشفيني و يشفي كل مريض