نك رفيجتي
السلام عليكم
انا عمري23 سنة تزوجت من جم شهر واحد احبه والحمدلله خوش ريال
بس
أهله
خلاص موقادرة اتحمل
كان يبيني من 3 سنين وكلم ابوه الله يرحمه ومارضى ليش لاني بدون
وحاول ومافاد وشخصية ابوهم حييل قوية عليهم
يقوله انتو بس ثنين بفرح فيكم عيالي
اخوه الكبير متزوج وعازل لانه مرته ماتحاجيهم
وخواته 5
المهم مات الابو الله يرحمه
ورد كلم امه بالموضوع ومارضت وبطلعة الروح تزوجني
بنات عيشتي فالبيت جحيم
معطيني شقة صغيرة حدها غرفتين وحمام ومطبخ تحضير
والله من دشيت البيت احسبهم حسبة اهلي
ولي ياهم احد طول اليوم احوس بالمطبخ واساعد واسوي حلو واجابل العالم
بس خل اقعد تنفس خالتي وتقط حجي اي بنات هالوقت الله يستر على بناتي ياخذون عن حب وخرابيط
يضحكون عالريال بجم كلمة عشان يتزوجهم ، عاد ردت وحدة من الموجودين قالت والله يا ام فلان كل الشباب اللي يغازلون ويخربطون اخر شي يختارون مثل الزينين يختارون زوجة تصلح تكون زوجة له وتشيل اسمه
جان تسكت خالتي
والله تعبت اخش بقلبي
بخطوبة وحدة من حمواتي من الصبح حلو واطباق سنعة وهذي حماتي طيبة معاي صج احيانا تجييها حالات بس اطوف
واحنا قاعدين جان تقول ام المعرس تسلم ايدين اللي سوت هالحلو ينن جان قلت بالعافية وابتسمت لي قالت انتي مسويته
ولا تنط خالتي تقول لا بنتي مسويته وانا سكت قلت يالله حرام عروس ولما قمت بروح المطبخ جان تقول ويع استغفر الله
شهالكيكة اللي ماتنبلع مرت اخوج ماتعرف السنع رغم انه الكيكة حماتي سوتها ، رحت غرفتي وبجيت بجي سنة بساعه بروحي توني حامل والنفسية من غير شي زيرو وريلي حبيبي حيييل مطيع امه ويخاف الله فيها بس مليت كلم امه اول بس موراضية تتغير ومابي اطلعه من البيت حرام هو ريال البيت
موقادرة اصبر انا شذنبي ليش ماعيش مرتاحة ، الحمدلله على كل حال بس كل يوم انقهر زود، ولدهم حبني وانا حبيته شذنبنا مانعيش بهدوء
التعديل الأخير:
