طقطقة الفكين ......////

[أصدق شعور]

السلام عليكم .



.
.
.
.



.
.
.


بنات سمعتوا بطقطقة الفكين ......... امبيه ياناس مسببتلي ازعاااج ...........

في احد منكم فيه ..............

تكلم عنه د.عبدالباسط السيد .......... يقول علاجه تدهنين بزيت زيتون بالليل يوميا ..........

تدرون شنو فسرها ........ يقول هذا هواء ... تخيلوا انا الاحظ من اكل العلج تزيد معاي ....

وفي شغله مهمه ...... ان اللي يهمله بعدين يصير بين الفكين شي نفس الحصى مااذكر شنو ... بس قال انها خطره اذا اهملتوها ..........

.............

في احد فيه نفسي ​

 

[الصيدلانيه]

وعليكم السلام ورحمة الله وبركاته
والله ما فهمت الي تقصدينه...ياريت اتوضحين
أسأل الله العظيم رب العرش العظيم ان يشفيج

 

[غير كل الناس]

في ناس يطلع منهم هالصوت وهم نايمين

 

[أصدق شعور]

اشكر ردكم ع الموضوع ....

انا لما آكل .... الفكين يطقون بصوت واضح ....

ماادري ليش متوقعه في ناس مثلي ....

وجزاكم الله خير على الدعوه .... لاعدمناكم ........

 

[أصدق شعور]

الفكين اذا منتوا عارفينهم .... اهما المفصل للعظام حق الفم .... اللي قريب عند الاذن ......

 

[~Princess~]

كان عندي نفس المشكله.. كان طقطقه وألم ... كنت احط فوطه بماي حار واحطها على المكان كانت تريحني لأن يعور.. وكنت اسوي تمارين للفك طلعتها من الانترنت... و خفت المشكله عندي.... بس مره صار فيني التهاب حاد بالأذن وعطوني مضاد حيوي وسبحان الله الطقطقه راحت وليه يومج ما ادري اذا له علاقه ولا لأ !

للعلم انا رحت لطبيب اسنان وقالي ممكن من ظرس العقل روحي شيليه ودكتوره ثانيه قالت لي العلاج بالتقويم ... بس اهو راح بروحه الحمدلله

 

[كيكه عسوله]

انا اواجه نفس المشكله لدرجه البنات بداوم لما نتريق يسالوني شنو هذا الصوت لوول
بس ماادري بجرب زيت الزيتون شنو وراي

 

[~Princess~]

انا ظلت هالمشكله عندي فتره طويله ووايد تأذيت ما كنت اقدر افتح حلجي والحمدالله خفت وايد بعد التمارين والحين راحت.

للي فيهم جربوه هالطريقه كل يوم:

بللي فوطه بماي حار وخليها ربع ساعه كل ما تبرد ردي بلليها.. وما ينفع شي حار لازم يكون مبلل.

افتحي فمك شوي شوي ليه الأخير,, طبعاً راح يكون صعب و مؤلم وراح يطق بس تحملي.. سويها ٣ مرات
افتحي فمك بس هالمره مو تنزلين حنكك سيده ليه تحت, خليه رايح بجهة اليسار.. وكرريرها لليمين .. سويها ٣ مرات

كان يعورني ما اقدر افتح بالغصب فكنت ادلك الفك وانا اسوي التمارين او مرات وانا حاطه الفوطه الحاره.

دلكي المنطقه ٥ دقايق بزيت اللوز او زيت زيتون..

سويها كل يوم وانشالله بعد فتره راح تقدرين تفتحين حلجج بدون الطقطقه.

جربوها اسبوع واذا ما فاد راسلوني على الخاص واطلع لكم تمارين ثانيه.

 

[كوكب الدرر]

أنا اعاني من نفس المشكلة بس مرات تروح من كيفها ومرات ترجع
بس دكتور الأسنان لما سألته قال لي إذا نمتي لا تحطين ايدج تحت خدج ولا تفتحين حلجج كله لما تتثاوبين
مع اني لاحظت إن لما يطقطق فكي وافتح حلجي كله تخف الطقطقة
وهم لاحظت إني لما آكل شي يابس تزيد المشكلة مثلا العلج البصري أو حكوكة العيش إذا يابسة أو تكسير البنك
وتزيد المشكلة الصبح أول ما اقعد من النوم
وبعدين احرك الفكين يمين ويسار شوي شوي وهم أقتح حلجي واسكره ومع الأكل تختفي المشكلة

 

[رحاب]

أنا يطق الفك عندي لما أتثاوب وإلا لما أحركه يمين ويسار​

 

[بحرينية اصيله]

انا هالمشكله من فترة كانت عندي ورحت لدكاتره وايد منهم قالوا عمليه ومنهم قالوا لي حاله نفسيه لمن رحت لدكتور اسنان الله يجازيه كل خير يارب قالي المشكله من ظرس العقل اللي مسبب لي هالمشكله والطقه فالسن شالي 2 وعشان المشكله تروح نهائيا ركبت تقويم والحمدلله راحت الطقه نهائيا بس ترى اللي يحطون كمادات تروح الطقه فترة وترجع

 

[أصدق شعور]

مشكووووووووورييييين ع ردودكم حبيباااتي

princessانا طقطقة بدووووون ألم .......... وبمشي على طريقتج ان شاء الله ...

كيكة عسوله
هههههههههه نفس الشي يصيرلي بس مو مع رفيجااتي




كوكب الدرر
انا ملاحظة الشي نفسه .... من كليت العلج اليابس صارررت معاااي الطقطقة
بفتح حلجي وبلفه يمين ويساار جني مجنونة

ماراح اشيل ضروووس ... مادري اذا عندي ضروس عقل او لا ..... شكلي للحين ماعقلت

 

[دولفيين]

انا مثلج يطقطق حلجى خاصه لما اكل بس الغير ما يسمعونه بس انا اللى اسمعه والضاهر انه من ضرس العقل

 

[!الجادل الصعب!]

والله عبالي سببه نقص كآلسيوم ..!

انا يطقطق وزوجي انتبه لي بعد .. فشله :$

وبمرآهقتي كنت مدمنه بنك ..!

وكنت مركبه تقويم وشلته من 4 سنين ..!

تتوقعون له علاقه .. بس انا يطقطق بدون عوار يعني لما آفتح فمي لدرجه معينه بس مو حيل ..

 

[أصدق شعور]

.

.


ياالله حيّهم ................ منورين ............ انا طقطقة بدون ألم .......... بس احساس ماادري شلووون اقوله يعني احس بتعب او فتور وانا اكل من هالشي فمااقدر احرك الاكل براحتي يعني اوصل لمرحلة احس اني خلاص تعبت مو قادرة ......... مو عارفة اعبّر لكم :d

.

.

ماادري شالحل غير اني اشيل الضروس او اركب تقويم ........ مابي ولا وحدة والزيت متكاسلة مالي خلق احطه .......... بس على كلام د.عبدالباسط السيد انه ممتاز للمشكلة هذي ...................
وشفى الله الجميع

.

.

.

 

[كارلوفي فاري]

اختي انا معاج اكثر وحده عانت من الفكين وطقطقتهم اللي تطور الامر الى انزلاق غضروفي في مفصلة الفك (ديسك ) مع التهاب علشان جذيه الاخت برنسس حست ان الالم قل لما خذت مضاد لانه مفصلة الفك عندها فيبها التهاب في الاعصاب اللي حوالين المفصل
وطبعا يااختي المساله ماهي سهله مثل ماتتصورين انا بالبدايه كانت عندي طقطقه وياليت راجعت عليها كان بشويه تمارين وكمادات وتلبيسه مع جهاز يركبونه كان تغير كل شي بس انا اهملته لين تطور الوضع خصوصا اني فتره لما اكون اواحم (حامل )استخدم العلك البصري حتى يخفف مني اللوعه وهذا هو اللي ضاعف علي المشكله وبالاضافه انه اكل الحب والمكسرات يزيد من المشكله فاللي حصل معاي انه المفصله تحركت من مكانها لدرجه كبيره ودخلت داخل الاعصاب ورجوعها صعب جدا حتى لو بعمليه لانه راح تكون فيها خطوره لقربها من اعصاب الوجه والعين طبعا عانيت كثير من الالم وكنت اراجع المستشفى الاميري ويقول انتي تاخرتي حيل باكتشاف هذا الديسك -طبعا هم اكتشفوه باستخدام اشعه الرنين المغناطيسي لانه انا اللي ضيعني بالبدايه انهم سوولي الاشعه البانوراميه اللي على كل الاسنان وماكانوا يشوفون المفصل لانه متحرك فكان الطبيب يضن انها متآكله يعني متفتته وغير موجوده لكن الصحيح اضهرته اشعة الرنين بانه انزلاق غضروفي وليس تآكل طبعا الضيه اختلفت اربع سنين وهم يقولون انتي محتاجه لزلرعمفصل بدل المتآكل (هذوله لعدان )لكن الاميري بعد اشعة الرنين قالو لا انتي عمليتج خطره لانه احتمال يسبب قطع لاعصاب الوجه -مااطول عليج انا رحت عالجت علاج طبيعي بالتشيك وسويت تمارين ومساجات ولله الحمد خف الالم بس يااختي المشكله ماراحت لانه صع ب يرجع مكانه بدون تدخل جراحي طبيب التشيك حرني من العمليه وقال انتي سبب بدايه المشكله انه صارت عندج ربكه بالفك بسبب خلع الاسنان بوقت وعمر مبكر وانه الاسنان تكون في الجهتين مو متساويه فهذا اللي عمل على خلخلة الفك
انا طولت عليج بس الاكيد هدفي انج ماتسكتين عن الموضوع حتى مايوصل الي شي اكبر من جذيه
التدليك والكمادات طوالتمارين والزيت الدافي كلها طرق جيده علشان يرخي العصب ويسمح للفك بانه يااخذ موضعه الطبيعي
واذا حابه تستفسرين عن شي انتظرج وانا على اتم الاستعداد
وماتشوفين شر انشالله وهذا الكلام لكل من يعاني من الام او مشكلة بالفكين
وشكرا

 

[علولي]

عمتي عندها نفس المشكلة

بقول لها عن تجاربكم
ويارب يفيد

لانها راحت دكتور اسنان اداها تلبيس اسنان تدخلها بفمها وقت النوم
بس طفشها

يقولها هذا لانك تضغطي ع اسنانك وانتي نايمة

 

[أصدق شعور]

.

.

.





كارلوفيفاري ..

مشكورة ويعطيج العافية والصحة على النصيحةوفي ميزان حسناتج ..
صراحة إطالة لها قيمتها .. بالعكس حيل استفدت من كلامج ومنها قمت اعتني شوي .. بديت أحط زيت .. وبالنسبة للكمادات والتدليك اللي قلتي عنهم .. انا اسويهم بنفسي والا الطبيب ..

وأسأل الله لنا ولج وللجميع الصحة والعافية والراحة .. آمين ..




.

.

.

 

[أصدق شعور]

.

.

.






علولي



ماتشوف شر إن شاء الله ..







.

.

.

 

[SARA-78]

الفكين اذا منتوا عارفينهم .... اهما المفصل للعظام حق الفم .... اللي قريب عند الاذن ......

جنب واحد ولا الجنبين مع بعض؟