طقو اكبر تحيه لبنت الايوب

[حوري2004]

مرحبا بنات والله موقع تيوب هذا عججججججججججججيب بس ديرو بالكم ترى ملغم يعني الوحده تسوي كنترول على طقة الاطبع
بناتجد والله اللي تعرف تهاني الايوب توصلها سلامي وتعطيها بوستين اهداء مني لها على تصويرها اللي اكثر من روعه وبووووووووووووووووووووووووووووسه كبيييييييييره على راسها لموقفها لما قالت كان بخاطرها يشوف التصوير بابا جابر الله يرحمه والله يا بنات حسيت ان الحب بنط من عيونها وتعابير وجها كلها تقدير لاميرنا الراحل جابر الاحمد الله يرحمه ومثواه الجنه اللهم امين ( شكثر حبي لك يا بابا جابر )

شوفو الرابط
http://www.youtube.com/watch?v=m2fHf95cdG4&feature=related

 

[حناينq8]

عساها عالقوه

 

[^^DADDIES GIRL^^]

اي شايفته عجييييييييييييب

مشكوره حبي

 

[ThirTy_Three]

يا بعد عمري والله يالكويت !!
كنا صغار حزتها !!!
ويوم ان كبرنا تعلمنا !!
بالمدرسة !!
الاهتمام بهالموضوع قل مو مثل قبل !!
ولكن بين اهلنا !!
شي ضروري نعلم الصغار عن هالشغله وشلون كانت !!
قواج الله !!
ويعطيها العافية تهاني !! :q8:

 

[coffee]

واي بجاني مقطع اليهال اللي يخترعون والريال العود اللي يبجي ما أحب أشوف ذكريات هالأيام التعيسه كافي أنها في بالنا بكل وقت

حبايبي اللي اصمدو والله صج عانينا الله لا يعود الشر والله يحفظ ديرتنا .. وألف الحمدلله

 

[مطيريه ماركه]

ماشاء الله عليها مالها ويب سايت

 

[*طيبه*]

ماشالله عليها

 

[حوري2004]

المطيريه - للاسف مالها ويب سايت
كوفي - ليش تبين تنسين لا هذا الشي ما ينسى المفروض نذكره ولا ننساه ابدا اللي صار مو شويه الي يومنا هذا اذكر دمعن بابا جابر والله اذكر كنت صغيره ولمت اهلي عند التلفزيون وصوت امي وخالي واهم يمسكون عباراتهم وانا قعدت ابكي واقول ليش بابا جابر يبكي ليش
الله لا يعيدها

 

[blue diamond]

يزاها الله خير
وشكوره حبوبه على الموضوع اللي ما يتنسى

 

[عسله*]

كفوااا والله بنت الكويت



والله بجيت ما قدرت امسك دمعتي ذكرتوني بالغزو الله لا يعيدها من ايااااااااااااام



يارب تحفظ الكويت من كل شر


قولوا اميين

 

[أميرة الورد]

أبلة تهاني الأيوب معروفة كانت مدرستي بالثانوية قمه بالادب والأخلاق والرقي بالتعامل ماشالله عليها

 

[N.springflawer]

ما قصرت وعسى الله يوفقها

 

[أميرة الورد]

الفيديو جدا مؤثر ذكرتني بأيام

 

[فروحة الكويتية]

قواج الله

 

[بنت الدلال]

مـت من البجي حــده مــؤثـر وفعـلا يعطيها العافيه



تسلم ايدج

 

[A7la 7la]

حبيبتي بليز حطي الرابط مره ثانيه .. لإنه مو راضي يشتغل عندي .. طالع error...!!

 

[girl_in_abottle]

جهد تشكر عليه

لابد من التوثيق , و هذا الفلم نوعه غير

فلم عن حياة كويتية عادية اثناء الغزو

يعطي فكرة اشلون كانوا ياكلون و الأطفال اشلون كانوا يلعبون

و لازم نعيد و نزيد و نذكر و نعلم الجيل إلي ماعاش هل فترة, علشان يعيشة و يعرف الحقيقة

مشكورة على النقل

 

[sKyLiTeGirL]

وااااااااااااااااي عوار قلب ماقدرت أكمل

ايشرفون بناتنا عساهم ع القوه

ومشــــــــــــــــــــكوره حبــــــــــوبه

وتستاهل أكبر تحيه بنت الكويت تهاني الأيوب

 

[Arnoba]

القلب اعتصر والعين ادمعت

 

[د.شريفة]

والله بجيت على الشايب اللي بجى تذكرت ذاك اليوم اللي ماراح انساه طول ماني حيه يوم التحرير كان عمري وقتها 11 سنة بس الله يفرحتنا يوم طلعنا بالشارع وشفنا الجيش الكويتي داخل علينا الله الله واكبر ويبباب الحريم بالفريج الله