طقيت الرقم القياسي!!!!!!!!؟؟؟؟

[Noooofa]

السلام عليكم اللي تقرا موضوعي ترد اذا سامعة نفس حالي عن حريم واستفادو...تزوجت من 11 سنة الله رزقني بولد وبنت سليمين الله يخليهم بعدين حملت بولد عنده تشوه بالجهاز العصبي عاش سنتين وتوفي ومن بعده بدأت الكارثه والحمد الله 12 اجهاض متكرر الجنين يتوقف النبض عنده لغاية 3شهور مايكمل الغريب انه قبل ما يوقف النبض احلم بحلم اما قطوة تاذيني او وحدة من قريباتي ماخذة. عباتي او جنيني وأكون زعلانة بالحلم بعد ه ينزل معاي دم بني علامة للإجهاض الحمد الله لا تقولون تحاليل أجسام مضادة فيروسات الذئبة الحمرا تجلطات المشيمه لان متخليت شي ماسويته حتى ابر الكليكسان خذيتها تخيلوا يابنات سبحان الله بآخر حمال كمل الجنين ل4 وطرت من الفرحة بس .....الجنين عاش بس طلع فيه عيب خلقي شديد وقال الطبيب ما راح يعيش لان تقريبا مافي مخ وانهرت لان مابي اعيد المعاناة نفس ولدي قبل قعد ببطني وبعدين توفي وولدوني ولادة طبيعة عن طريق الطلق الصناعي الحمد الله الف وقدر الله وما شاء فعل / للعلم انا وزوجي سوينا تحاليل جينات وراثة طلعت سليمه حتي ولدي قبل لتستوفي سويناله تحاليل طلعت طبيعية ؟؟!!!!!!!! اللي سمعت وشافت نفس الحالة تقول لان الحمد لله راضيه بقدره بس ودي اعرف السبب حتي لو يقولي الطبيب لاتحملين /انا اراجع عند ماجد الشمري تخصصه أجنة أتمني أني اكون خفيفة على اللي يقرا موضوعي وآسفة عالاطالة *

 

[Noooofa]

سبحان الله اخر مرة حلمت ان جنطتي ضاعت وفي قطوة لونها بني فاتح تخزني من بعيد بس ما اذتني مثل كل مرة / لست مؤمنه بالتابعة*

 

[امتى اشوفك]

انا مثلك بالظبط اجهاضات بدون سبب وكل التحاليل سليمة واحلم بامراة قبيحة تاخذة الطفل مني وبعد جم يوم اسقط اكثر شي وصلت للرابع وماعندي اطفال افكر اراجع عند الشمري مدحوه بنات بالمنتدى لكن من قريت معاناتك هبطت معنوياتي حيرتيني ماححد السبب الطبيب

 

[(أم نونو)]

بس اقري سورة البقرة كل ثلاث ايام تبعد عنج العين


واب لعيونج

 

[انوثة من حرير]

اختي استمري على قراة سورة البقرة وروحي الشيخ يقرا عليج اختي هاذي التابعة لازم قراة القران لانة اذى من الجن والله اعلم اتكلي على ربج واكثري استغفار

 

[قلب مغليك]

حبيبتي هذي التابعه لازم تقرين البقره والمعوذات والرقيه طول حمالج سبحان الله تجيج بالحلم وراها على طول تسقيط هذي تابعه

 

[كول سلو]

الله يرزقج ياااااارب

بس نصيحه استغفري باليوم 1000 مره واقري سورة البقره باستمرار وشغلي في بيتج قرآن

 

[دوت نت]

عسالله يعوضج انشالله هذي يسمونها التابعه

واغلبه تكون عين

لازم ترقين نفسج وتقرين سوره البقره

واحتسبي الاجر

 

[ام جبولي]

وااااي تصدقوون نفسي انا بعد حلمت قبل لا اجهض بقطوتين صغار قمت اصرخ خفت منهم وطلعوو على طوول ماأذوني بس بعدهااا اجهضت الحمدالله على كل حال ويعوضج انشاءالله حبوبه ويعوضنا خيرااا منهاااا ياارب

 

[Noooofa]

متى أشوفك نصيحتي روحي حق د. ماجد الشمري هو ممتاز بس سبحان الله ما استفدت منه لدرجة انه احتار بحالتي بس روحيله والله يرزقج الذرية الصالحة

 

[Noooofa]

يا بنات قريت عند الحداد مدة ٣ شهور وأسبح بالسدر كل يوم واداوم على الاذكار ورحت لحريم يعالجون ماكو فايدة بس بنات في ناس يمدحون بلجيكا شرايكم في احد راح واستفاد

 

[Noooofa]

انا مثلك بالظبط اجهاضات بدون سبب وكل التحاليل سليمة واحلم بامراة قبيحة تاخذة الطفل مني وبعد جم يوم اسقط اكثر شي وصلت للرابع وماعندي اطفال افكر اراجع عند الشمري مدحوه بنات بالمنتدى لكن من قريت معاناتك هبطت معنوياتي حيرتيني ماححد السبب الطبيب

روحي للدكتور يمكن تلقين عنده حل لأنه ممتاز واستفادو منه ناس واجد لا تيأسين روحيله والله يرزقج الذرية الصالحة

 

[شوتايم]

الله يرزق كل محرومه عاجلا غير اجلا ياااارب

 

[سارووه الاموره]

امبيه همن انا تحلمت حلم مو زين بعدين اجهضت الله كريم بس نصيحه كثرو من سوره البقره كثر ماتقدرون خصوصا بعد كل صلاه
ووقت ماتنامون واذا تقدرون روحو لعمره ..

 

[A7La Shaii]

والله اني ما اعرفج

بس والله والله ادعييلج من كل قلبي ...


يااااااااااااارب بحيل الي ماتنام عينه يااااارب يرزقج بالحمل السليم المعافا وبالولد او البنت طيبين الخلق والخلق يارب

الي ايعووضج عن كل شي ياارب العالمين

ويااارب الله يبعد عنج كل عين وكل حسد وكل شر يارب العالمين

 

[نكهةالبرتقال]

الله يرزقك و يرزقني

حبيبتي

بغض النظر عن التابعة


انت التزمي باذكار النوم و اذكار الصباح و المساء و اقري شوية من القرآن كل يوم


و اكلي اكل صحي و شربي ماي وايد و اقري الرقية الشرعية

و يعل ربي لا يضيع جهودنا و يرزقنا الذرية الصالحة

 

[جبنة بيضة]

لا حول و لا قوة الا بالله الله يعينج و صبرج ما اقدر اقول الا لزمي الرقيه و سوره البقره و اذا تذكرين من قبل في فز عليج شربي من وراه و ادعي الله يكون بعونج

و يعوضج يارب

 

[دانة الدنيا144]

والله يا اختي انا اخس من حالتج طبعا ماصار معاي حمل بس دايم احلم اجيب عيال وياخذونهم مني والدوره اذا تبي تييني اعرفها من الحلم بس يجيني اعرفها انها بنفس اليوم راح تنزل

وانا الحين اداوم على قراءة سورة البقره والاستغفار

والله يفرجها على الكل

 

[Noooofa]

الله يرفع قدر كل وحدة ردت علي في الدنيا والآخرة ويزرقكم اجمعين الذرية الصالحة عاجلا ياااارب احلى شي الله يجزاج خير ماقصرتي والله يااختي الناس كثر خيرهم وزاد حسدهم على اي شي والعياذ بالله اي شي يفزون فيه

 

[bint_looda]

عسى الله يعوضج ان شالله ويفعونلج يوم القيامه يارب .. اقري ابيتج وعلى نفسج وريلج وعيالج البقره باستمرار يمكن عين حايشتج لاسمح الله عسى الله يفرجها عليج قريب ان شالله