طلاق ؟؟؟

[دلوعة كويتيات]

موضوعي حطيته اهني لان الحياة الزوجيه ماينزل الا بعد دهر
المهم
:
متي تطلبين الطلاق من ريلج ؟

اذا ريلج ايشك فيج وايد تطلبين الطلاق ؟
وشنو الفرق بين الغيره والشك ؟

 

[Meeesh]

الغيره اذا تعدت حدود الطبيعي تنقلب شك
الغيره ملح الحب بس لو زاد الملح تذبح الحب
يعني لو يغار علي بالاشياء الطبيعيه حلوو بس لو يشكك فيني وفي اخلاقي لا لازم يوقف عند حده ويعرف انه الشك معناته الثقه معدومه واذا راحت الثقه راح الحب

والطلاق اطلبه لو حسيت انه كل الطرق مسدوده ومافي امل لتصليح الامور واذا كان فيه مصلحه لي وراحه نفسيه

 

[Moon touch]

لو خاني اطلب الطلاق بعيد الشر ياااارب
لو شك فيا هاسيبلو البيت ومش هابقي طيقااااااااااااااه

 

[دلوعة كويتيات]

يسلمو عالردود حباببي
وبعد نبي نسمع من الحبايب
اب اب اب

 

[ديانا سبنسر]

وضحي مشكلتج علشان نساعدج والطلاق خلييييه اخر الحلول

 

[الجوهرا]

لاتبوق ولاتخاف اللي يمشي سيدا مايخاف وهو اللي راح يتعب لانه ماراح يلقى شي
كلميه وقولي اصابع ايدك مو سوا وفهميه وضعه واللي يسويه

 

[ورده عنابيه]

الله يبعد عنا وعنكم الطلاق بس اتوقع اذا فقدنا احترام بعض يستحيل استمرار الزواج

 

[حرم راشد الماجد]

والله حبيبتي الطلاق مو حل الطلاق هروب واذا طلبتي من ريلج الطلاق عشان بس يشك فيج يعني انتي انسانه سطحيه


لان كل ريال له عيوب وعيب واحد ما يخليج تتطلقين ايا كان حجم هالعيب

بعدين اذا تطلقتي شنو عقب الطلاق بتتزوجين مثلا ؟؟؟؟؟؟؟؟؟؟؟ ماراح اييج احسن من اللي عندج وهو مو اردى زمانه


شوفي الاشياء الحلوه فيه وتحملي عيوبه وصبري ان الله مع الصابرين والفرج بايد ربج مو بالطلاق ادعي ربج بصدق وبالحاح وصبري وارضي باللي عندج والله سبحانه بيفرجها عليج ويتغير لان ما كو شي يتم على حاله ودوام الحال من المحال لابد اييله يوم ويعرف قدرج واخلاقج وراح تقل هالشغله مع الايام

 

[عذبة الروح..]

بالنسبه لي انا أشوف ان الصبر زين ,الطلاق مو شي سهل مهما كان السبب لازم الوحده تعطي الزوج أكثر من فرصه وتتحمل والشك مو سبب مقنع للطلاق

 

[ام اغلى الناس]

اذا بس سالفة غيره فهو يحبج ولازم تتحملين
وتبينين له انه هالشي يضايقج
اما اذا يجك فيج لازم تحطين له حد وشروط

واذا عندج منه عيال لازم تتحملين
الطلاق مو سهل
وواجد بنات اندموا

 

[وصايف4]

شوووفي الغييره حلوه وبحدود المعقول بعد مو يكتم نفسي ويقوول هذي غيره لا
اقدر اتقبل غييييرته لو ساعات ما اشوف في محلها
بس الشك نووو وي لو يفكر دقيقه بس انا ماراح ارضاها لنفسي واكمل معاه

 

[أكذب عليك]

مو بالسهوله نطلب الطلاق
عن نفسي لو شفت خيانته بطلب الطلاق
بس غيره هذا شي طبيعي

 

[c a t w o m a n]

انسي هالفكرة و تعوذي من ابليس ولا تصير هالكلمة سهلة بحلجج.

كل مشكله و لها حل والحل يي بالصبر والنية الزينة

كلميه مرة على مرة خل يشوف بعينة إنج بنت سنع و أصول صايمه و مصلية وإن ما خفت غيرته و شكله عطيه قرصة إذن زعلي زعلة حسسيه إنج متضايقة مو سيدة عالطلاق اللهم يا كافي

مو هينة الريال يشك بمرته بس إنتي بذكائج حللي الموضوع لا تزيدين الطين بللة

والله يهديكم و يسخركم لبعض آمين

 

[فـراوله]

ينقـل للقســم المناســـب


.


.


​

 

[! بــدويه وآآيــد !]

،


حبيبتي الحين الام الي هي الام ماتدري شنو ورا بنتها ودونها
عشان جذي اهو يخاف من البلاوي الي يسمعها
انتي سايريه انا مريت بمثل تجربتج اول زواجي كنت اقعد بالصاله وزوجي بغرفة النوم كل سوي يدق رنه بيشوف معاي ويتنق او لا قلت ماعليه الدنيا تخرع وانا جديده عليه لان الحين الاخت ماتدري عن سوالف اختها كان يجيك على ملابسي الداخليه قبل اطلع كان وكان وكان وكان ... كان كل شي ممنوع حتى الواتس اب وكان يقولي انسي شي اسمه رفيجاتج
ومرحله وعدت الحين بينا الثقه عمياا فوق ماتتخيلين كل الممنوعات صارت عادي حتى بيت رفيجاتي اهو يقطني بنفسه انترنت عندي على طول مايجيك شنو دشيت عليه خدمه بي بي وواتس اب والبس الي ابي مايدقق ولا يجيك مثل اول
لان عرفني وعرف طبعي وعرف اني صفحه بيضا جدامه وعرف اني مره يقدر يأمنها على بيته وعياله

لاتبينين له انج متضايقه من تصرفه ترى بيشك اكثر خليج عادي ولا جنج حاسه ان قاعد يشك بيحوس بيحوس ويلقاج صفحه بيضا وبيرتاح ويعرف انج محط ثقه وتستاهلين تكونين مربية عياله وشايله اسمه وبيصير كل هذا مجرد ذكرى تضحكين عليها

استهدي بالرحمن وشيلي فكرة الطلاق من بالج

 

[مــســك]

رآيي مع البنآت ..:/

 

[ماتغير شي]

إذا كان مافيه ايجابيات كلش اصبرررر وأشوف إذا تغير استمر معاهـ إذا ماتغير اطلب الطلااااق

والطلاق اخر شي افكر فيه


وإذا كان يشگ فيني بصراحه ماطلب الطلاق لانه مصيره بيتغير إذا مالقى فيج شي

 

[حبيبي مالكني]

لمتا تكون حياة صعبه انها تنعاش
يعني في طرف عايف الثاني
اهني يكون الطلاق

 

[أبله شقحه]

شيلي هالكلمه من حياتج ليش تفكرين بالطلاق مهما كان حافظي علي بيتج والريال اخرته ربج بيهديه ولاتفكرون باي شي يفرق بينكم وبين ازواجكم ترا الحين الزواج صعب شوفو البيوت مليانه بسكم يابنات الكويت عن خبره الريال مايهمه يتزوج انتي الي بتطيحين بجبد عمرج ومالج من ينفعج غير الحسره والضيقه لاتزعلون من صراحتي هذا الواقع

 

[yam_yam]

الله يهديكم