طلبتكم بنات تكفون لاتردوني عن الحلال والحرام

[almeda]

بنات انا عندي عرس اخوي وعرس ولد خالتي وعرس حماة اختي يعني ابي مايقل عن ست نفانيف سهره
بنات انا بتسوق بروحي حاولت وحاولت مافي احد بيي وياي فانا فكرت النفانيف الي تعجبني اصورها وراويها لمرت اخوي وخواتي وبنات خالتي واان عجبوهم بشتريهم
بس المشكله ان ابي محل نفافيف سهرات يقبلون اصور انا مابي اصور من وراهم عن الحلال والحرام
ابي محلات يقبلون اصور عن تجربه ولي تساعدني اسال ربي يرزقها بلي فبالها عاجلا غير اجلا

 

[سكره في زمن مر]

اذا على الحلال والحرام حرام ٦ نفانيف يا عمري في ناس مو لاقيه تلبس على الاقل اربعه معقوله حتى لو انك مو محتاجه او مو قاصرك شي بس هذا رايي وحبيت اقوله وملبوس العافيه مقدما

 

[almeda]

حياتي هذا عرس اخوي مو اي عرس وباجي العروس واحد

 

[almeda]

بنات شصاير محد يرد

 

[قطوووة]

لا يكون انتي من اللي يلبسون نفنوفين بعرس واحد ؟؟؟؟؟؟؟؟؟

انا لو مكانج بدلتين حق 3 او 4 مناسبات ..

 

[قطيووه^_^]

انا مع البنات
حرام تشترين اكثر من ثوبين
وبالنسبة للتصوير احفظي الموديل واوصفيه لاختج
او قولي للعاملة بصوره وبدزه لاختي اخذ رايها

 

[M!SS.LOBY]

ررفع

بس محد يرضى تصورين موديلات المشغل لان رزقتهم هذي .

 

[كويتيه فرنسيه]

عادي ترا محلات ليلى غاليري قبل مصوره بدله منهم روحي شوفيهم

والبنات الي فوقي سلامات؟؟ كيفها البنت يمكن عندها خير مشالله تلبس وتتصدق وتتهنى بالحياه

 

[اميره بعيونه88]

حبيبتي عادي انا استاذن من صاحب المحل ويقول لي المحل كولو تحت امرك

ومااذكر في محل قالي لا تصورين :ch12: عندج الحمرا مو المحل اللي تحت سوري بس موديلاته تركيه وعندج النقره الشمالي والجنوبي

 

[ام الموج]

up up

 

[منال $]

عادي استاذني من صاحب المحل وصورية
بس لية بتشتري 6 فساتين مو كانة كتير؟؟؟