طلبتكم تكفون ساعدوني:امتحان التطبيقي للدورات الخاصه 9شهورإدارة اعمال أبي معلومات عنه

[ليمونة كويتية]

الموضوع باين من عنوانه
أنا كويتية درست بمعهدخاص 9شهورإدارة أعمال وكنت أول وحدة بالمعهد أسجل فيها من فتحوا هالدورة بس انا اللي سجلت فيها و9شهوربالصف بروحي درست وخلصت والحمدلله ماواجهت اي صعوبه لكن الحين استلمت شهادتي وبقدمها عالديوان من يفتح وطبعا الديوان بيضبطلي موعد امتحان مع التطبيقي علشان يعترفون بشهادة المعهدالخاص اللي درست فيه9شهور اذا نجحت الحمدلله واذا سقطت كأنك يابوبديرماغزيت ولاكأني تعبت ولاكأني دخلت هالدورة وكلفتني 550دينار
تعبت والله لكن الحمدلله تخرجت من المعهد واستلمت شهادتي
ولما استفسرت من مدرسين المعهد شلون راح يكون امتحان التطبيقي قالوا ماندري لان تونا فتحنا هالمجال هالسنه وانتي اول وحده دخلتيها وبس مدرسة وحدة اتدرس هالمادة اللي هي درستج قلت لهم شلون طريقة امتحانهم ادخل ماعرف كوعي من بوعي يعني ماتدربوني ولاشي قالوا ماعندنا خلفية عن امتحان التطبيقي لادارة الاعمال شلون صايرالوضع جديدعلينا بس انتي شدي حيلج والله يوفقج
ظاااااااااااااايقه فيني الدنيا هو المعهد معروف ودراسته زينه الحمدلله بس انا وضعي يخوف غامرت بروحي من اول مافتحوا هالمجال دخلتها بروحي وخلصت بروحي ولا ادري عن امتحان التطبيقي شلون صاير مقابلة والا نظري والا عملي عن شنو بالضبط راح يمتحنوني الله اعلم
الله يدخلها الجنه من غير حساااااااب اللي اتعرفلها احد بالتطبيقي من اهلها او جماعتها او اي وحدة امتحنت ونجحت ادارة اعمال تسئلها شلون كان الامتحان ابي تفاصيل عنه بالتفصيل الممل الله يخليكم ولايحرمكم من عين ترجيكم مابي بعد هالتعب اللي تعبته اتفاجئ بشي ماكنت متوقعته
طلبتكم
تردون علي اللي اختبروا ادارة اعمال 9شهور دورات خاصه امتحان التطبيقي ابي طريقة امتحانكم شلونه بالتفصيل الممل من الالف الى الياء
واللي لها احد بالتطبيقي تسئله
ياهل الخير تكفووووووووووووووون فيدوني:yaaaaaarb:يارب انجح يارب

 

[غـلآوي ّ ~]

اول شي الديوان راح يعطيج كتاب معادله للتطبيقي عشان يعادلون شهادتج
ومراح يطلع نفس اليوم راح تودين لهم صور لج وصورة شهادة الدراسيه وصورة شهادة المعهد وصورة بطاقتج المدنيه

وتروحيـن التطبيقي بالعديليـه مبنى 2 .. ويحددون لج موعد امـتحان وطبعا مـاكو غش مشددين
وإن شاء الله سهالات ..

 

[أم*سلمان]

" لا إله إلا أنت سبحانك إني كنت من الظالمين "

اللهم استرني على الأرض و تحت الأرض و يوم العرض ​

 

[عشماويه]

ممم حبيبتي انزين ليش ما تروحين للمعهد اللي بتدرسين فيه اذا نجحتي ان شاء الله


يعني سئلي باي منطقة المعهد اللي يعطي دورات خاصة بادارة الاعمال هناك بتلاقين مدرسين وبنات وتسئلينهم

وبصراحه رحت دورت لج في موقع التطبيقي بس مو حاطين ولا معلومه والله يوفقج ولا تحاتين


وما حددتي اذا كان الامتحان اختبار مستوى ولا شنو بالضبططط !


اهم شي تعرفين الامتحان بيكون عربي ولا انجليزي

واظن ادارة الاعمال ما فيها عملي فأكيد بيكون امتحانج نظري

انتي راجعي دروسج وسوي سيرج على بعض المعلومات العامة في ادارة الاعمال

واذا تقدرين روحي لهم في مبنى التطبيقي بالعديليه وشوفي اذا بيفيدونج


موفقه