طلبتكم دشوا يمكن الحل القاه عندكم

[يبيلك قلب مايتعب]

السلام عليكم



بنات انا عندي اختي متينه مسكينه جذي متفوخه ماتآكل بس سبحان الله متفوخه سوت رجيم عند الدكتور عباس اكبر تنزل جم كيلو

وترد و وايد غالي وهم راحت للحكومه نفس الشي وايد امي تعبت معاها والمشكله موصغيره على سن زواج وايد حلوه بس مشكلتها

المتن مسكينه لما يصير في خطبه ويشوفونها الناس يروحون لانها متينه والله يعورني قلبي عليها اهي الوحيده من بينا متينه

بنات اللي ابيه منكم شنو اسهل عمليه لشفط الشحم او تصغير المعده انا ادري امي مستحيل توافق على العمليات الجراحيه ابي شي سهل

ومايخوف انا ماعندي خبره بهالمواضيع تكفون ساعدوني الله يساعدكم والله ماانساها بالدعاء​

 

[DL3.Q8]

رد : طلبتكم دشوا يمكن الحل القاه عندكم

والله مادري بس عمليات الشفط لها شروط وايد مو حق كل واحد .. والله يعافيها من غير شر يارب ..


اب لعنونج .. ماعرف شئ .. البنات يفيدونج ..

 

[يبيلك قلب مايتعب]

مشكوره بعد قلبي مو شرط شفط اي شي بس ابي نتيجه

 

[بنفســـــج]

هلا اختي

جم وزنها وطولها ؟!

 

[يبيلك قلب مايتعب]

وزنها 80 وطولها 158

 

[اماراتيه_دبي]

رد : طلبتكم دشوا يمكن الحل القاه عندكم

حليلها الله يعينها يارب ويوفقج لانج تهتمين فاختج بس يعني هي هب وايد متينه يعني احسها مربربه شوي ومايبالها عمليه اللهم تنقص كمن كيلو وبس وانشالله امورها طيبه وبييها احلى عريس انشالله شرايج اخطبها لاخوي لووووووول

 

[يبيلك قلب مايتعب]

اماراتيه فديتج هههههههههههه جان زين حياكم الله ...

اهي متنها مو بكل جسمها متنها بس بالبطن والصدر

 

[ii DareeN ii]

رد : طلبتكم دشوا يمكن الحل القاه عندكم

خل تفحص اول شي هرمونات يمكن بسببها ماينزل وزنها واتوقع ينفع وياها الشفط وزنها مو حيل كبير عشان تسوي تكميم بس خل تسوي قبلها فحص هرمونات وغده يمكن حل مشكلتها ادويه بدون ماتلجئ للحل الجراحي

 

[اماراتيه_دبي]

رد : رد: طلبتكم دشوا يمكن الحل القاه عندكم

اماراتيه فديتج هههههههههههه جان زين حياكم الله ...

اهي متنها مو بكل جسمها متنها بس بالبطن والصدر

مثل ماقالتلج الاخت داريين خليها تسوي فحوصات غده قبل لاتشوف الحل الجراحي خلاص الاسبوع الياي بخلي اخويه ييكم ويخطب اختج لوووووول

 

[بنفســـــج]

رد: رد : طلبتكم دشوا يمكن الحل القاه عندكم

خل تفحص اول شي هرمونات يمكن بسببها ماينزل وزنها واتوقع ينفع وياها الشفط وزنها مو حيل كبير عشان تسوي تكميم بس خل تسوي قبلها فحص هرمونات وغده يمكن حل مشكلتها ادويه بدون ماتلجئ للحل الجراحي

كلام الأخت دارين صحيح ,, حرام اي عملية على وزنها ,, إذا ما تاكل خليها ضروري التحاليل

ولو مافيها شي خليها تسوي بالون يمكن ينفعها

مع ان وزنها مو كبير لدرجة ان العرسان يغيرون رايهم !! ماعندهم نظر صراحة

 

[Pinup]

رد : طلبتكم دشوا يمكن الحل القاه عندكم

السلام عليكم​

بنات انا عندي اختي متينه مسكينه جذي متفوخه ماتآكل بس سبحان الله متفوخه سوت رجيم عند الدكتور عباس اكبر تنزل جم كيلو ​

وترد و وايد غالي وهم راحت للحكومه نفس الشي وايد امي تعبت معاها والمشكله موصغيره على سن زواج وايد حلوه بس مشكلتها ​

المتن مسكينه لما يصير في خطبه ويشوفونها الناس يروحون لانها متينه والله يعورني قلبي عليها اهي الوحيده من بينا متينه ​

بنات اللي ابيه منكم شنو اسهل عمليه لشفط الشحم او تصغير المعده انا ادري امي مستحيل توافق على العمليات الجراحيه ابي شي سهل ​

ومايخوف انا ماعندي خبره بهالمواضيع تكفون ساعدوني الله يساعدكم والله ماانساها بالدعاء​

سوال اختي , اختج دشت نادي ولا بس رجيم لانه ترى والله الرياضة المنتظمة و الجادة اكيد بتنزل وزنها؟