طلبتكم شورو علي

[ღ شموخ أنثى ღ]

مساء الخير
كيفكم حبايبي

بنات انا زواجي عقب اشهرين ان شاء الله
وصديقاتي كلموني وقالو نبي نزورك وقالولي فرجينا على جهازك ياويلك لو خبيتيه عنا

نبي نشوفالذهب و الملابس حتى قمصان النوم نبي نشوفها احنا بينا ميانه انا واهم

انا ماعندي مشكله بوريهم لكن امي تهاوشني وتقول لاتفرجينهم ترا بينفسونك وينظروك بجهازك
ومنتي متوفقه عاد انا خفت علما ان فيه بنات ماتزوجو وانا محتاره

تنصحوني اطلع اغرضي و سالفة النظره والعين خرفات او لا
حتى منحرجه منهم اذا طلبو اغراضي شقولهم اخاف يشيلون بخاطرهم
شورو علي الله يعافيكم

 

[Tulips]

ممم مادري

انا منج ما اطلع الا حق رفيجاتي المقربات جدا جدا ..

مو عن شي بس في ناس عينها حاره بدون مايقصدون سبحان الله

يعني ممكن وحده تصكج عين قبل عرسج ولما يزورونج قوليلهم امي صاكه باب الدار اللي فيها الجهاز وطالعه

لوووول

الله يوفقج حبيبتي

 

[دلوعه ناعمه]

اولا العين مذكوره بالقرااان ويمكن بدووون مايقصدون يحسدووونج او وحده يكون بنفسها شي من الاغراض اذا انا اقووول راويهم بس الذهب اما الملابس لا وقمصااان النوم بعد لا اذا قالوا وينهم قولي بغرفت امي وطالعه ومقفله الباااب بـــس والله يوفقج انشاللله

 

[Tulips]

في طريقه ثانيه اذا ماتبين تنحرجين معاهم

وريهم جهازج عادي

وبعد مايروحون اخذي من اثرهم يعني حثال القهوه مثلا باقي الجاي او حتى الماي

وعقب مايطلعون تسبحي فيه عشان تتأكدين انه ماراح يحوشج شي باذن الله طبعا

 

[اصيله بنت البدو]

ايو والله احنا بزمان الله يرحمنا برحمته شوفي طلعي نص جهازج الذهب مو كله عشان امج او لاتطلعينه
يعني دوريلج على عذر والله يوفقج ويسعدج ويتتم عليك

 

[Tom ♥ Jerry]

.،


الصراحه لأ !
خصوصا قمصان النوم يعتبرون شي خاص بينج و بين زوجج
الاشياء العاديه الميكب و العطور و الملابس العاديه أوكي
بس مو قمصان النوم و الاشياء الخاصه
و مثل مآ قالت توليبس الرفيجآت المقربين حيل حيل حيل (=


موفقه يارب :*********

 

[نجاة80]

سمعي حبي انا رايي من راي امج

لا اطلعين ولا شي وقوليلهم زوجي موراضي ...

مبروك الله يتمم على خير ...

 

[أماني عمري]

يا شين الفضووووووووووووووول، الله يهديج وياهم لا تورينهم خصوصا قمصان النوم ما له داعي!! قولي لهم أمي قافلة على جهازي و ما تبي تعطيني المفتاح خاشته عندها و جذي ما تنحرجين معاهم

و ملابسج و الذهب مردهم بيشوفونهم عليج، مو شرط كل وحدة ما تزوجت عينها حارة بس الاحتياط واجب لأن العين حق

 

[dore~]

.....
كل مرأة تتزوج لازم يجون ناس ويشوفون اغراضها و ذهبها ..
انصحج تطلعين نص ذهب مالج مو كله عشان ما يحسدونج ..
و سولفي و ضيعي السالفه عنهم ...
و مبروك والله يتمم على خير ..

 

[♥ SWeeRa ♥]

احنا مانطلع اغراضنا الا لبنات خالتي لانهم ميانه ووعادي



اما بخصوص رفيجاتي لا ماطلع لهم الا الذهب والباقي اقولهم مفاجئه عن الملابس

واما قمصان النوم قولي لهم على ضحكه خصوصيات

 

[الدلـــع كله]

انا اقول اسمعي كلام امج ... طلعيلج اي عذر مع رفيجاتج ..

 

[آتعــبني غـلآآك]

اخبر العرايس يورونا الذهب اما قمصان النوم فـ هذي جديده

 

[ღ شموخ أنثى ღ]

مشكورين حبايبي ماقصرتو

بس والله منحرجه منهم اخاف يزعلون

 

[tbola]

مادري قوليلهم ابي مفااجئه اوو قولي لهم اجهازي بغرفة امي وامي قافله غرفتها وان شاء الله تشوفيني لابسته وانا عروس

 

[عتيبيه رزه]

طبعا نو حتى لو ميانه ماتوصل لي هالدرجة الصراحة اشوفها قوية

حتى لو بنات خالتي او بنات عمامي

ما اواري اي احد

 

[الغاليه ام احمد]

حبيبتي احنا ما نوري الجهاز لاحد

الا الذهب ام البنت تعزم عمات وخالات العروس والمقربين من ام العروس مثل بنات الخاله

وحريم الاخوان ويشوفون ذهب البنت ودبلتها وساعاتها بس ولا شي غيره

واذا ولدها المعرس توريهم شقته هذا المعروف عندنا

وانا بناتي ثنتين متزوجات ما ورينا الا ذهبهم

 

[زهراء 24]

هذي اشياء خاصه فيج احس ما له داعي تورينهم
سمعي كلام امج واعتذري منهم
لان ممكن يصيبونج بعين
الله يوفقج​

 

[gmar al-kuwait]

سمعي نصيحة امج والله يوفقج يارب

 

[رهوفه عرعر]

يؤؤؤؤؤؤ فشله صاحباتك قوليلهم انتو من جدكم انا عبالي تمزحون قولي احنا من عداتنا عيب نوري جهاز العروسه بس عشان خاطركم اذا تبوني اوريكم بروح اجيب المفتاح من عند امي عاد هم يفهمونها

 

[BaiTotia]

الأشياء الثمينة و قمصان النوم لا تراوينهم

خصوصا قمصان النوم شكوووووووووووووو