طلبتكم طلبة يا بنات الكويت

[dubai 1]

:68_asmilies-com:

انا بروح الكويت فى تاريخ 23 من هذا الشهر بس ما ما اعرف وين اسكن
فى السالمية بس الفنادق فيها يقولون وايد غالية او اروح الفنطاس
شو تنصحونى ؟؟؟؟؟؟؟؟؟؟؟؟
ممكن اسم فندق زين واسعارة هم زينة وجريب من الاسواق
بالنسبة للسوق ابغى اماكن جلابيات حلوة لان معروف فى الكويت عن ذوقها وملابس اطفال بعد حلوة

شو الاشياء اليديدة اللى عندكم فى اللبس والنظارات والمكياج الرخيص لان مرة بيت عمى يابت لى روج واييييييييييد حلو من الكويت اسمة سلفر ليدى احمر بس شو طرررررررررررر من وين اجدر احصل مكياج حلو وماركات رخيصة مثل هذة الاروج


مشكوين بنات

 

[لوازم العائلة]

كتبت رد طويل وانمسح
اول شي حياج الله:68_asmilies-com:
انتي شنو نوع السكن الي تبينه شقه ولاغرفه
وبحدود جم
انا انصحج تسكنين بالسالميه
وفي عندج الحوش بالسالميه فيه كل الي تبينه من مكياج

 

[لوازم العائلة]

طيب جم يوم بتقعدين؟؟

 

[dubai 1]

6 ايام ابغى الغرف بحدود 200-300

 

[منيرة خالد]

بالنسبة للسكن ما عندي فكره


اما المشتريات


انصحج للجلابيات

مجمع الاوقاف >> بالعاصمه

مجمع الحمرا مول >> بالفروانيه

ملابس الاطفال >>> تقريبا كل المجمعات والاسوق فيها محلات لملابس الاطفال


المكياج >> روحي سوق المباركية بالسرداب وبتلقين محلات اشكثر تبيع ماركات ايطاليه وانجليزيه روووعه

وحياج الله بينا >>> عاد احنا نروح لدبي نتسوق

 

[لوازم العائلة]

يعني غرفة نوم لشخصين؟؟

 

[لوازم العائلة]

انصحج با ايبيس في واحد بسوق السالميه وال2بسوق شرق
غرفه صغار بس نظيف
انا جربتهم باوربا

 

[صوووت المطر]

رد : طلبتكم طلبة يا بنات الكويت

حيآآآآج الله حبيبتي بين اهلج راح تنورين الكويت اكيد

بالنسبة للسكن يالغلا مو شرط تسكنين الفنطاس عشان الرخص فيه بالديرة داخل شكثرررر شقق فندقية واسعارها معقولة 25 دينار او 30 وهي شقة يعني غرفة او اكثر وصالة وحمام كرمج الله ولو حسبناها تقريبا على طلبج تصير اماراتي 200 و300

وصراحة ماعندي خلفية كثيررر عن الفنادق بس اللي دايم اسمع فيها شقق تراس بحولي وموقعها حييييييل حلو قدام مجمع المهلب ووراها حولي بارك وقريب منها مركز سلطان واللي سمعته انه اسعارهم رووووعة ومستوى الفندق نظييف واسعارهم تبدأ من 25 دينار وهذا رقمهم خذيته لج من النت

تراس حولي : 0096599200539


وفيه شقق بالسالمية تبدأ اسعارها من 20 دينار بعد

وهذه ارقام فنادق بالسالمية واسعارها معقولة لو حابة تدقين وتحجزين قبل وصولكم ..


رويال إن - هاتف: (+965)25716111
25730603
- شارع عمرو بن العاص, السالمية - أسعار تبدأ من 20 دينار.

فلوري هوليديز سويت - هاتف: (+965)
25732605
25732606
25732607
- الشارع الأول,السالمية - إبتداءاً من 25-30 دينار.


سارة بلازا - هاتف: (+965)
25755306
5755304
5755307
5755308
- شارع دمنة(خلف الفنار),السالمية - إبتداءاً من 25 دينار

واكيد كلهم لهم مواقع بالنت اذا كلمتيهم وناسبتج الاسعار دشي على موقعهم وشوفي صور الفندق ومستوى نظافته


وبالنسبة للجلابيات على حسب موجودة بكل مكان وتختلف حسب الاسعار يعني اذا تبين الغالي تلقينه بمجمع المهلب فوووق الدور الثالث عند السينما ورا تلقين محلات جلبيات مو كثيرررر يعني اربع محلات تقريباً بس حلوة وفيه بمجمع الاوقاف ولو تبين شي حلو ورخيص روحي الفروانية مجمع العربيد (( قولي لهم مجمع العربيد للدراريع مو العربيد بلازا )) ترى فيه مجمعين بالفروانية اسمهم العربيد .. روحي العربيد مال الدراريع وراح تلقين مجمعين يم بعض كلللللللللللللهم خياطين تلقين عندهم الجاهز ولو تبين تفصال يخلصه لج بسرعة واسعارهم روووووعة وتناسب الكل ..

وبالنسبة للمكياج مثل ماقالوا لج البنات روحي المباركية تحت بالسرداب فيه محل اسمه المنصور وبالسرداب اصلا هنود شكثررر بعد هذا كله مكياج

اللي تكلمت عنه هذا كله الرخيص بإستثناء المهلب .. لو تبين الماركات والغالي فيه الافنيوز ومجمع 360 ومجمع انا ماجيته صراحة بس سمعت فيه انه كله محلات اطفال اسمه ديسكفري


وبس هذا اللي عندي فديتج واتمنى اني افدتج واتمنى لكم سفرررة سعيدة وحياج الله مرة ثانيه

 

[انفاس دخون]

رد : طلبتكم طلبة يا بنات الكويت

رفع

 

[ماي بيبي]

رد : طلبتكم طلبة يا بنات الكويت

حياج الله بالكويت اذا تبين الدراريع تلقينهم بالعربيد في منطقة الفروانية ورا الجمعية وعندج مجمع الاوقاف في الكريت وعندج المعارض حلوووه روحيلهم تلقين الحريم عارضين بدل استقبال ودراريع في معرض بيت ديفا ورا المستشفى الاميري ومعرض الروضان بالمنقف كل اسبوع عندهم معرض ومعرض فندق رمادا كل اسبوع عندهم معرض

 

[dubai 1]

تحياتى للجميع ومشكورين وايييييييييييييد

 

[لوازم العائلة]

حياج الله واي شي تبين راسليني عالخاص

 

[0ام الحلا0]

اشهدنج عرفتى تسافرين ياهنيج بالكويت واهل الكويت
وان ماشالتج الفنادق تشيلج عيونا
والخير واجد والنعمه واجد وروحى الفروانيه لاطوفج دراريع العربيد

 

[لوازم العائلة]

حبيبتي في عضوه منزله عن فندق كله سويتات وسعره 30
موقعه وايد حلو واهوه جديد بقراطيسه
رقمهم 0096560068264
في قسم السياحه في وطني
العنوان جناح ب30دينارفقط بالكويت 50%