طلبتكم وماظنتي تردوني خايبه ..

[عآشقه طآغيه]

السلام عليكمـ ورحمه الله و بركاته ..

انا عضوه قديمه بالمنتدى .. يعجبني الترابط القوي الا بينكمـ

انا جايه و طالبتكم طلبه وما هقوتي فيكم تردوني خايبه

مع اني مفتشله بس راح اكتب قصتي و اتمنى تساعدوني

انا عمري 20 سنه .. متخرجه من الثانويه وماقبلتني ولا جامعه

تقدم لي شاب و الحمد لله حللت و كل شي تمام .. الله يتمم ع خير ..

زواجي ان شاء الله بعد شهرين .. و للحين م جهزت شي ..ليه ؟ رحت لامي من اسبوعين قلت لها يمه ابي المهر حقي بجهز ل الزواج .. قالت لي المهر مهب عندي .. خذاه ابوش و اصرفه كله

طيب وجهازي قالت لي مدري .!!
طبعا ابوي كان موظف في شركه ارامكو و بعد م تقاعد اعتفس وكان عين صابته ..
رهن البيت للبنك و صار م يدفع و نجلس احياننا بالشهرين فطورنا و غذانا و عشانا خبز وجبن الحمد لله ع كل حال

بنات عايله زوجي وضعها المادي ممتاز بس بعد م خطبني و بما اني منيب موظفه صارو يتكلمو علي
الا تقول اخذته عشان فلوسه و الا تقول طمعانه فيه و لا ليش وافقت ع واحد صغير
بس والله اني وافقت عشان اطلع من مشاكل بيت ابوي "(


انا مفتشله اطلب منكم هالطلب بس مالي بعد الله الا اانتو
والله العظيم ي بنات ان ححالتي م يعلم بها الا الله و محتاجه للفلس بس
تخيلو ان طول فتره الخطوبه كنت دايم الهيه ما اخليه يجي بيتنا عشان م انحرج من الا يصير

بنات الا عندها مقدره وتقدر تساعدني منها تدفع صدقه عن نفسها
والله يا بنات حالي م يعلم به الا رب العباد و كاني حلفت بعد
يمكن مبلغ قليل من اي وحده يساعدني و الله يكتب لها الخير و يسعدها و ييسر امورها يا رب
ويبعد عنها كل شر يا رب ..

و والله يابنات لو ماكنت محتاجه ما كتبت هالموضوع لكم

هذا رقم حساب البنك حقي : 057231839150

الله يسعدها و يوفقها و يحقق لها الا تتمناه الا تساعدني
ويكتب لها الزوج الصالح و الذريه الصالحه ي رب :eh_s(17):

 

[أم مهره وميثاء]

عيب والله اللي تسوينه يااختي
مافكرتي الناس او البنات شو بتقول عنج.....

لا تقولين مساعده.. مافكرتي تطلبين من اعمامج عماتج او خالاتج وخوالج..هم اقرب لج

الله يهديج حركه والله مب حلوه

 

[مآيكبرني نك]

يعني هو آصغر عنج !

افضل تعطين سايزج للبنآت واللي عندهآ شي يناسبج تطرشلج اياه

الله يفرجهآ عليكم

 

[Aloe Vera]

شوفي الناس اللي حوالينج اهلج خالاتج عماتج رفيجاتج يمكن احد يقدر يساعدج مو جذي حاطة رقم حسابج جدام العالم انصحج حاولي باللي تعرفينهم اول و الله يوفقج

 

[Aloe Vera]

و امج ليش ما تساعدج

 

[عآشقه طآغيه]

مشكورين بنآت
صدق الحاجه لغير الله مذله ..
انا لو ما كنت محتاجه ما نزلت الموضوع

اتمنى من المشرفه تحذف موضوعي ..

 

[ام هيا العلي]

اختي..الله يفرجها عليج يارب وتتسهل امورج..

الخطوه اللي انتي سويتيها ونزلتي موضوع طلب المساعده اكبر غلط,, بقولج ليش

اولا مشكلتج حلها بيدج مهب بيد الغير او بالصدقه والمستعدات..

مشكلتج لازم انتي اللي تحلينها او كان مفروض تطلبين مشورتنا في المساعده بان نعطيج الحلول لها مشكله اللي

تورطتي فيها من اهلج..

ثانيا اصلا اهلج مالهم حق يتصرفون في مهرج وكان لازم ينزل بحسابج ع طول وهذه امانه مفروض محدن

يصرفه غيرج..

ثالثا واجهي والدينج بموضوع المهر والعرس,, شالحل وايش الدبره ..

ورابعا..اذا والدينج ماعطوج اي رد طيب.. روحي قولي لزوجج كل السالفه..يمكن يلقى حل او يمكن يتصرف

مايصير تسكتين هذه حياتج والموضوع موضوع زواااج مهب لعبه

الله يكون في عونج

 

[نـعـومـه]

حرام خلي امج تكلم ابوج مايصير المهر حق لج انتي

المهر يتعوض بس الوهقه يزوجج فشله لايدري عن قصه مهرج عالاقل المهر يطير تتزوجين زوج يعوضج بس يدري فشله

وشي ثاني ولا جامعه خذتج يمكن عشان نسبتج قدمي تطبيقي

 

[sh_mashael]

انتي بالكويت ؟

 

[تبيني آرضى عليك]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الله يهدييييك ليه منزله الموضووع ايش الفايييده وحاطه رقم حسابببببك .....
اطلبي من اقاربك واهللللك جيرانك صديقاتك ولا تفشلي عمرك قدام الخلق منزللله هالموضوووووع
بعديين فييه جمعيات خيريه روحي لهم افضضضل

 

[نجمه السيد]

لااتعليق ابي افهم ليش حاطه رقم حسابش تبي مساعده طلبي من أهلج وابوج باي حق تصرف بالمهر

 

[فخر البداوه]

الفلوس مؤ كل شئ اهم شئ التوفيق والسترررر عادي لووتروحيييين له بدراااااعتج إذا هو شاريج ويبيجج ما تهمه المظااااهر كثيري من الاستغفاااار

 

[باتشي99]

الله يرزقك كثري دعاء واستغفار

 

[# غنوجة بيبي #]

الله يفرج همج

و صح كلام البنات عيب تحطين رقم حسابج
المفروض اهلج يوقفون معاج
عمامج خوالج و اذا كلش كلش كلمي زوجج يعطيج
بس صج عيب اللي سويتيه

الله يوفقج