السلام عليكم ورحمة الله وبركاته
شخباركم يا أحلى كويتيات ان شاءالله بخير و شخبار عرايسنا مع التجهيز ان شاءالله مرتاحين ؟؟
***
طبعاً غطيت عنكم فتره كنت محتاسه بشغل ليلة العرس من نفنوف وطرحه وكعب واكسسوار ووو ... الخ
السالفه الله يسلمكم :
كنت قاعده مع بنت خالتي ونسولف عن العرس وشنو بيفصلون والموديلات والألوان ,
ولاتنط مرت أخوهم بسالفه وتقول أنا عازمتكم على عرس بنت عمي وقالت لي راقيه
لازم تجين عشان تشوفين نفنوفها الي بياخذها مطيري وعايله معروفه بالكويت وجايبه
نفنوفها طلبيه من لبنان , قلت ان شاءالله خير , كان عرسهم قبل 3 اسابيع تقريباً رحنا
العرس ماشاءالله تبارك الرحمن صج ناس رزه وذوق وفخامه :rerrerek: كل شي بالصاله مرتب
ومظبوط تبارك الرحمن , وجت حزت دخلة العروس , بنات أول ما ادخلت من حلاتها
وحلات النفنوف الي لابسته الناس بطلت حلوجها 
نفنوفها كان جنااااااااااااااااااااان
نفنوفها كان جنااااااااااااااااااااان رووووووووووووعه شي شي ومكياجها بارز ملامحها وطالعه ملكة جمال ودخلتها كانت
حلوه , المهم طرررت :RoadRunner: على بنت عمها الي هي مرت ولد خالتي قلت لها تكفيييييين فلانه
من وين جايبه نفنوفها ولاتقول هذا موقع حق نفانيف عرايس وبدل سهره ...................
ردينا وعقبها بأسبوع راحت العروس بيت اهلها زواره وقلت حق مرت ولد خالتي تجيب
لي الموقع وكل التفاصيل , وفعلاً جابت لي كل المعلومات الله يجزاها خير , راسلتهم على
الايميل وشفت موديلاتهم شي روووووووووووووعه وطبعاً اخترت موديل والله العظيم
يابنات موديل أحلى من الي كانت لابسته العروس طبعاً الي ظايقني ان اول ماتبطلين
الموقع صورته بالوجه يعني الكل يشوفه بس هالموقع مو مومنتشر حيييل عندنا هذا الي
طمني . وطلبته بـ 1200 بس صراحه يستاهل وتعاملهم مع العرايس يهبل الي كانت
تراسلني لبنانيه دزتلي صورت الموديل بالبريد وطبعتها وقالت روحي لمحل نفانيف ياخذ
مقاسات عدل واكتبتلي شنو المقاسات الي تبيها وسويتها ودزيتها لهم والحمدلله
ماشاءالله تبارك الرحمن كل شي جا على ماتمنيت ان شاءالله احط لكم صورته بعد العرس
عشان محد يشوف الموديل من الحين ...
...ملاحظه : أعتذكر لكم ما اقدر احط الموقع لان النفنوف موجود بأول صفحه اول مايتبطل
الموقع موجوده صورته , فماقدر احطه أنا أسفه , بس وعد أحطه لكم بعد العرس
:eh_s(7): تحيــاتي :eh_s(7):
