طلب ضروري ضروري

[شهد_الكويت]

مرحبا بنات اشلونكم

بغيت اعرف شنو يعني تكيس المبايض انا سمعت ان الوحده اذا فيها تكيس مبايض ما تحمل الا بعلاج احبوب او عمليه انزين وبعد العلاج اتحمل عادي يا ليت اتقولولي عن تجاربكم انطركم

 

[Snow_white]

رد : طلب ضروري ضروري

صباح الخير كويتيه

انا والله ماعندي فكره يمكن يفيدونج خواتي بالمنتدى

بس انتي لاتحاتين ياما قالو الدكاتره فيج الشي الفلاني وبالآخر مايطلع شي بس حق التخرع اللهم
ياكافي

انتي بس صلي وادعي ربج

وارقي نفسك وروحي لدكتور متخصص استشاري مو اي دكتور

وانشاءالله ماتشوفين شر وسلامتج الف سلامه




سنو^وايت

 

[كورن فليكس]

رد : طلب ضروري ضروري

انا كان فيني تكيس بالمبايض
بس عالجت عند الدكتورة معصومه مخصيد, علاجي طول بعد مدته كانت تقريبا 5 شهور بس صرت زينه الحين. وعلاجي كان بالحبوب,
بس انا مو متزوجه وسمعت انه اللي فيها ما تحمل !! عاد مادري عن هالشي.
بس الدكتورة ماقالتلي شي.

 

[شهد_الكويت]

رد : طلب ضروري ضروري

مشكوره سنو وايت


كورن فلكس انا مشكلتي ادكتور يقولي لازم عملية كيي مو بس علاج يعني الله يعيني بس قلت خحط الموضوع وشوف يمكن في بنات امسوين هالعمليه يقولولي عنها علشان ارتاح

 

[الشيف رقيقة]

رد : طلب ضروري ضروري

أنا اقولج كويتية
اختي كان فيها تكيس بالمبايض ، خوش وخافت انها ماتحمل قام الدكتور قالها لازم عملية مو بس كي ، وخافت وقامت تبجي وسوت لنا سالفة طويلة عريضة

تالي سوت العملية ولا يشيلون لها واحد من المبايض، وقامت تحاتي انها صعب تحمل بمبيض واحد، وربج كريم رزقها بالبنين والبنات ولله الحمد، عاد لاتخافين وتوكلي على الله وسوي الكي وانتي مطمنه وقبل لاتروحين سوي استخارة بعد احسن لج من اي وحدة تقول اي كلام، استخارة ربج افضل من اي كلام

والله يرزقج قولي آمين

 

[شهد_الكويت]

رد : طلب ضروري ضروري

مشكوره يا الشيف رقيقه علي الرد يا قلبي ريحتيني الله يريحج دنيا واخره يا رب انا خايفه حيل ما ادري ليش بس اختج احمل من مبيض واحد بس مشالله صج كل شي بيده سبحانه ويوم سوت العمليه تم جم شهر وحملت

 

[الشيف رقيقة]

رد : طلب ضروري ضروري

شوفي الله يسلمج ، اهي تمت تقريبا 4 اشهر وبعدها احملت لأن بعد العملية قالولها اتمين شهرين من غير شي ، مانبي حمل بهالشهرين، عاد كانت مانعة هالشهرين وبعدهم بشهرين احملت

ونفس ماقلتلج كل واحد له رزقه بهالدنيا عاد حطي املج كبير بربج وصدقيني ماراح يخذلج سبحانه

 

[شهد_الكويت]

رد : طلب ضروري ضروري

اي صح نفس الكلام الي قاله الي الدكتور يقولي شهرين اتمييين بعدين انشوف اذا ما حملتي اسويلج تلقيح صناعي مشكوره علي الرد ونعمه بالله بس ما تدرين صايره فيني حاله نفسيه من هشغله هذي وايد افكر فيها وريلي بعد من النوع الي يحن الله يعيني بس

 

[مُناي]

رد : طلب ضروري ضروري

أنا سمعت من وحده زمااااااااااااان إن كان فيها تكييس

وكل ماتعمل عمليه يرد التكيس

وإهي من تزوجت صار لها أكثر من عشر سنين

وماحملت



والتكيس من إسمه إن المبايض يكون عليها

مثل الغلاف يمنع من اخصابها

هذا اللي أعرفه

وربج كريم




تحياتي لج

 

[شهد_الكويت]

رد : طلب ضروري ضروري

بس انا سالت الدكتور اترد مره ثانيه التكيسات قالي لالالا ما ترد خلالاص

 

[كورن فليكس]

رد : طلب ضروري ضروري

لا عادي ترد التكيسات انا اعرف وحده رد لها التكيس!!
وانا الحين بعد شكله ردلي لأن نفس الاعراض قاعده تردلي مره ثانيه.
بس إنتي مالج شغل بحجينا التزمي مع دكتورج... والله يرزقج إنشالله,

 

[طير الحب]

رد : طلب ضروري ضروري

انا فينى تكيسات وهرمون حليب....... التكيسات اكتشفتها بعد رابع ولاده....

ولما قررت احمل سويت سونار قالتلى التكيش موجود خففى وزنك...وسويت تحليل للهرمون وطلع عالى....

قالتلى صعب الحمل مع هذه الاعراض وحتى كان عندى هرمون الاستروجين نازل وايد...

المهم ما نزلت وزنى وبس اخذت حبوب لهرمون الحليب ..... وقبل ما اهلص الحبوب حملت.....

حتى الطبيبه استغربت ....يعنى التكيس م شرط يكون السبب ممكن انه في خلل بالهرمونات..

وانا عندى تكيس بالمبيضين

توكلى على الله ولا تحاتين

ورفيجت اختى بالدوام فيله وعندها تكيس وقالولها نفس الكلام .... بس سبحان الله احملن اول مره اطرحت والحين حامل بالسادس

 

[السفيرة عزيزة]

رد : طلب ضروري ضروري

شوفي حبيبتي

انا كان فيني تكيس
تعالجت بالحبوب
و الحمد لله راح التكيس
و ما رجع
و حملت عادي من غير اي شي

بس بقولج شي
انا ما انصح تسوين كي
لان المره اللي ما حملت ما يسولها كي
لانه موزين على الرحم

انتي منو دكتورتج؟؟؟؟؟؟

 

[شهد_الكويت]

رد : طلب ضروري ضروري

دكتوري عاصم الحاروني الي بالهادي اتعرفينه السفيره عزيزه

 

[حبنا الله عليه]

رد : طلب ضروري ضروري

عزيزتي .... كويتية _26

اتكلي على الله واخذي بالأسباب

والله يفرج لج يارب ويرزقج الذرية الصالحه

قولي آميـــــــن ...

 

[شهد_الكويت]

رد : طلب ضروري ضروري

مشكوره حبنا الله عليه

 

[طير الحب]

رد : طلب ضروري ضروري

كويتيه ...... غريبه ما رديتى على على .... لا يكون زعلانه من هذاك اليوم

اذا صج قوليلى ....

 

[شهد_الكويت]

رد : طلب ضروري ضروري




لا يا عمري ماني زعلانه ولا شي عادي يا قلبي عادي

 

[ضحى الكويت]

رد : طلب ضروري ضروري

حطى املج بالله قوى وادعى والله انشاء الله بستجيبلج وماكوا الا العافيه انشاء الله ولا تشتيين افكارج بالكلام وايد هذى قالت وثانيه قالت ماكو فايده من الحجى توكلى علىالله هذا اهم شى والله الرازق

 

[ام اسيل]

رد : طلب ضروري ضروري

ماتشوفي شر ان شاء الله حبيبتي خذي هذا الرابط وان شاء الله اكون افدتك
http://www.ya3mri.com/zawaj/alteeb/14.htm