طلب وفزعه من بنت سعوديه الى خواتها الكويتيات لاعدمناكم

[انمار1]

السلام عليكم مساء الخير خواتي اهل الكويت
عندي طلب واتمنى القى مساعده
انا جايه للكويت دار العز والكرم بعد اسبوع وماعندي خلفيه كثير واستفساري هو ابغى شقق تكون مرتبه ونظيفه ولاتكون غاليه حيل لاني ابجلس اسبوع
وابغى اعرف عن اماكن تمشي ومنتزهات ومطاعم مميزه وعن اشياء مميزه عندكم.
وشكراً لكم
وربي يسعدكم

 

[أميرة-]

هلا فيج وحياج الله

شوفي الشقق مادري ماقدر انفعج بس شوفي شقق بودل الفندقية فيه منها بالسالمية بشارع عمرو بن العاص ( شارع المطاعم )

مجمعات طبعًا الأفنيور بالري على الدائري الخامس

مجمعات بالسالمية : ( سوق شرق - المرينا كله على شارع الخليج ) - شارع سالم المبارك فيه مجموعة مجمعات من بينها الفنار وزهرة ومارك سبنسر وليلى جاليري

حولي : المهلب و النقرة بشارع بيروت وقريب منهم حولي بارك بشارع تونس لو عايله ومعاكم أطفال حلو المكان وفيه مكتبة جرير

مجمع 360 على الدائري السادس .. وعندج الكوت والبيرق بالمنطقة العاشرة


ومري المباركية الصالحية والرايه

ولو بتجين هالأسبوع مري أرض المعارض فيه معرضين أعتقد مو متأكده إذا ليما الحين فاتحين كويتي وأفتخر والمعرض المصري



مطاعم شوفي المجمعات فيها مطاعم الأفنيوز بعد فيه مطاعم حلوة تشوكليت بار وفيلا فيروز و فرايديز وغيرها شكثر .. فريج صويلح و على شارع الخليج فيه مطاعم حلوة الصنوبر وبرج الحمام

 

[انمار1]

اميره
مشكوره الله يسعدك ماقصرتي

 

[انمار1]

وين البقبه الله يسعدكم

 

[القصيدة]

السلام عليكم و رحمة الله و بركاته

كتبت رد طويل و رااااااح :eh_s(2):

فندق الأجنحة الملكية Royal suit hotel http://www.booking.com/hotel/kw/royal-suite.ar.html

حلو و أسعاره مناسبة و موقعه حلو مررررة مطلة ع الخليج و الأبراج و خلف كافيه بزة مباشرة

و مقابله ع البحر مطاعم لونوتر + عبدالوهاب + أبل بيز و قريب منه مطعم الساحة رووووعة و مطعم ميس الغانم

و مجمع مارينا مول و مطعم برج الحمام و السالمية على امتداد شارع الخليج ع اليمين و سوق شرق و قرية يوم البحار و متحف بيت دكسون ع اليسار

و قريب منه فندق بلازا أثيني كثير يمدحونه بس للأمانة ما جربته http://www.booking.com/hotel/kw/plaza-athenee.ar.html

و برضو ميراج للأجنحة الفندقية يمدحونه بس ما جربته http://www.booking.com/hotel/kw/mirage-suites.ar.html?aid=356980;label=gog235jc-hotel-ar-kw-plazaNathenee-unspec-sa-com;sid=a82eadd3097019459a9850d9fee84382;dcid=1

المولات : مارينا مول + 360 بالفروانية الدائري الـ6 + الأفنيوز بالري الدائري الـ5 + الحمراء تاور في شرق + الكوت و المنشر في الفحيحيل

الأسواق الشعبية : المباركية + مجمع العربيد خاصة محل كريولاين للميك أب و أحذية هزار و العبايات و الدراعات

المطاعم في المجمعات أنواع لكن لا يفوتك مطعم بيت دكسون ( أطباق شعبية ) و مطعم هلو كيتي في البدع جنب الموفنبيك ( خاصة إذا عندك بنوتة صغيرة )

و إذا عندك ولد أو زوجك يجب السيارات القديمة ممكن تروحون متحف السيارات في الشويخ الصناعية

موفقين يا ربّ :eh_s(17):​

 

[kndrya]

اهلا وسهلا فيج بالكويت ورحلة سعيدة انصحج بسوق المباركيه تراث قديم

 

[انمار1]

القصيده
كفيتي ووفيتي الله يسعدك

 

[انمار1]

Kndrys
مشكوره

 

[عجب !!]

هلااااا فيج حبيبتي تنورينا

آنا بقولج شوية امور بس حلوووه

عندج الأفنيوز هذا بروحه يبيلج يوم كامل فيه مع التوسعه اليديده ( القراند ) يعني لايطوفج فريه فر وروحي صوب الكويت القديم بالقراند فيه كافيه بزه وغيره وحلويات كويتيه وهالسوالف يووونس

مجمع 360 في كافيهات ومطاعم حلوه ودشي السينما أحللى من سينما الأفنيو وأهدى

الكوت هم حلو وشرق والمباركيه هذا حلوووو من معالم الكويت والمارينا

وعندج المركز العلمي فيه الاكواريوم ولآي ماكس وطبعا ابراج الكويت

وعندج مطعم فريج صويلح هذا لااااا يطوفج يم المارينا اكل كويتي صج
روحيله وقت غدا احلللى وطلبي اللي تبين بس انصحج بمطبق زبيدي اذا تحبين السمج أو مجابيس اللي تبين

هذا اللي طلع معاي حاليا


ورحله سعيده :eh_s(7):



​

 

[برنسيسة2007]

حبيبتي بتنور الكويت والله ي هلا ومرحبا باخوانا السعوديين



عزيزتي عندج شقق فندقيه اسمها(وهج)نظيفه جداً ورخيصه بس غالباً تكون زحمه من اخوانا السعوديين يعني ان شا الله اتحصلون لكم فيها مكان وفيها خدمه وسيرفس وكوفي وعندها مطاعم يوصلون لكم لشقتكم
اهي بالمهبوله وقريبه حيل من المنقف والفحيحيل يعني قريبه من:مجمع كويت ماجيك(سوق ومكان ترفيهي وبحر) وقريبه من مجموعه من المطاعم اللي فيها كباين للعائلات(مجمع اسمه مجمع المطاعم)كله مطاعم الفايز ودعوات وبيتزا هت انصحج بدعوات-وقريبه من سوق الفحيحيل (عنده مجمع اجيال حلو واحيانا عنده تخفضات كبييييره)وقريب اقصد اجيال من مجمع الدبوس(فيه عبي رووووعه)
وفيه بعد حولهم عدة اسواق تكون مو غاليه حقالهدايا
وفيه بعد قريب من هذي الاسواق(مجمع المنشر ومجمع الكوت)>>هذول راقين جداً والكوت عنده مطاعم وكوفي شوب
عموما قريب من وهج ارع عام اذا مسكتيه ومشيتي سييييده راح اتمرين علا كل اللي قلتلج


عن اسعار وهج
استديو وهو اصغر شي يكون نفس سويت (غوفة نوم مطبخ تحضير وجلسه بتلفزيون وحمام) ب٢٥دينار
وفيه اكبر (غرفة نوم وحمام ومطبخ مجهز وغساله وصاله )ب٣٠دينار
واكبر بعد(غرفتين نوم وصاله وحمامين ومطبخ مجهز وغساله)ب٣٥



وحدديلي شنو تبين بالضبط من السوق واساعدج لان فيه مناطق كثيره واماكن سياحيه وشوبنق بس انا عطيتج اللي قريب من الفندق

 

[Mona Lisa]

هلا فيج حبيبتي بديرتج الثانيه وبتنورينا يا الغاليه


وما شاء البنات ما قصروا

 

[انمار1]

الله يجزاكم كل خير
ماقصرتو خواتي

 

[انمار1]

عندي كم استفسار
هل فيه سوق عندكم مخصص لشنط الماركات رخيص زي اللي عندنا ودبي
وهم بعد مدحو لي شغلات حلوه للجسم والبشره عندكم رخيصه وين القاها

وهل الجو بارد عندكم الان
ومشكورين

 

[انمار1]

عندي كم استفسار
هل فيه سوق عندكم مخصص لشنط الماركات رخيص زي اللي عندنا ودبي
وهم بعد مدحو لي شغلات حلوه للجسم والبشره عندكم رخيصه وين القاها

وهل الجو بارد عندكم الان
ومشكورين

 

[M!SS.LOBY]

افضل انا لج فندق الضيافة شقق فندقية بالفروانية تقريبا الليلة على 25 دينار

مقابل مجمع الحمر مول منطقة الاسواق الشعبية رخيصة واسعارهم مناسبة

 

[gala q8]

عندي كم استفسار
هل فيه سوق عندكم مخصص لشنط الماركات رخيص زي اللي عندنا ودبي
وهم بعد مدحو لي شغلات حلوه للجسم والبشره عندكم رخيصه وين القاها

وهل الجو بارد عندكم الان
ومشكورين

في مجمع كله ماركات ,, بس نسيت اسمه ,,
و عندج بالافنيووز مكااااان كله ماركات ,,

بس يبي لي اتذكر شوي ’’ و ارد لج خبر :eh_s(7):



UUUp

 

[ام حسين سوسو]

مرحبا خواتي
اني نفس طلب اختي من السوديه اني من البحرين وبإذن الله بجي كويت هالفتره عشان التسوق*ابي اعرف متى فتره التخفيضات عندكم
متى تبدا ومتى تخلص*ابي اسماء فنادق أسعارهم زينه في سالميه وابغي نصحتكم ابغي اخذ البضاعه ملابس وين تنصحوني اروح اسعار زينه والحلوين وسعارهم شنو وابغي نصحتكم تنصحوني وين اروح لاني مابي الف وادور واني اول مره اجي الكويت حق بزنز*اتمنى تساعدونى يا اهل الكويت الله يبارك لكم ويسر أموركم*