طلعة المخيم او البر شنوا تاخذون وياكم

[عيد الفرح]

بنات اول شي عيدكم مبارك
اذا بتطلعون هالعيد البر او المخيم شنوا تاخذون وياكم من اكل وتجهيزات كل وحدة تحط افكارها ولاتنسون تحسبون حساب اليهال
ناطرتكم

 

[nitemare]

لوول اول شى الدوا والفحم والحم والدياي والككاو والحلاو وملابس علا حسب جم يوم رايحين ممم شنو بعد البقيات الخيم الزوالي الجاي القهوة والشكر وووو بانزيين جيكي السبير و ماي وايد و اونو وجنجفة و psp , ال ds و اهم شى الاب توب و جم فلم ايديد التلفزيون محول الكهربا وصعادي و جراغي و ما ادري هذا الي اقدر اتذكرا الحين

 

[nitemare]

هذا كله حقي اليهال مالهم شي

 

[عيد الفرح]

فديتج موتيني من الضحك ياقلبي
وين الباجين

 

[الحلوه نونو]

اول شي

البندول والشاش لا سمح الله يعني

والجاكيتات والسوس والكبوس

والكاكوات الحلوه

والبخصم ضروري مع الحليبــــــ

لوووووووووووووووووووووووووووووولز

والابتوبــــــــــــــــــــــــــــــــ

والمنتـأـــدى وياج خخخخخ

 

[قـــمـــرهم]

انا ما اايد التلفزيون بطلعة البر

يعني انتي رايحه تغيرين جو والله بدووونه ارييح يعني بالديرة معااج وبالبر معااجّّّّّّّّّ!!!!

حلااته قعدة الاهل وسوالللف وضحك وشوووي وااااااخر الليل الكل قااعد عالناار وتبدا افلااام الرعب ( سوالف الجنون يماااامي ) ههههههههه


والا غراض اللي تحتاجينها

طبعا العزبه اهم شي ويكون فيها غواري الجاي ودلة القهوة والقهوة والهيل والشكر والليبتون وجبريت وولاعه وملقاط للفحم وبيز وبعد هذول البيض المكعبات عشان تشبين فيهم النار<<ما اعرف اسمهم !!!

وطبعا الفحم وحليب كرنيشن والبقصم والبسكوت

وقلاصات وصحون وملاعق بلاستيك
وزوليه صغيرةاذا بتقعدون برا الخيام

طبعا على حسب طلعتكم انتو جم يوم؟؟

واذا بتطبخون عدة الطبخ شقول وشخلي انا خبرة بهالسوالف ههههههه

وطبعا الكاكاويات والبيبسي والبفكات والجراخيات بعد اهم شي

والجنجفه والاونو

واذا بتاجرون بقيات احلا واحلا عشان تلحقون الجرابيع هههههههه

وطبعا عدة صغيرة بندول وبلاستر وديتول وعطر وشاش سبحانه الله احد ينجرح والا شي

وترا في اشيااء وااجد بس شكثثثر اذا بكمل ماني خاااالصه ههههههه

طبعا اهم شي مو تنسون الدفاايات حق كل خيمه وحده والتريكات وجوله صغيرة مع غووري عشان اتدفون الماي اذا بتوضون عشاان لا تجمدوون من البرررررد

سووووووووووري عالقرقه