طلعت تحااااليلي!!!

[زينة الجهراء]

السلام عليكم شلونكم بنااااات!!
مثل ماقتلكم حباااايبي اناسويت تحاااااليل بخصوووص الدورة الشهريه انهاطوووول معااي
واليوم رحت للدكتوووره وشااافت تحااااليلي تقول فيج تكيس بالمباااايض!!
بس ماادري شنوتكيس بالمبيض؟؟
وعطتني حبوووب اكلهم لدة 21يوم
و5يوم من الدوره ان شااااءالله راااح اسوي تحاليل بعد
تقووول الدكتوره سوي تحاليل عشان نشوووف راح عنج التكيس ولالا
وقااالتلي باذن الله عقب الحبووب هذي راح ترجع مدة دوورتج طبيعيه!!!
وان شااااءالله الله كريم وقاللتي سوي رياااضة حركي جسمج
وبنااات ادعوولي لمااسوي تحليلي الثاني يووح التكيس
الله يجزااكم الجنه بليز لحديبخل علي برده
ويعطييييكم العاافيه

 

[حبي لله اشد]

انا بصراحه ماعرف شنو يعني
بس سامعه انه تغير بالهرمونات تكون اقل انوثه ؟
مادري خل البنات يفيدونج انا مو عارفه بالضبط خخخ !
وحمدلله على سلامتج

 

[زينة الجهراء]

حبيبتي شكوالانووثه؟؟
ويعطيج العاافيه ع الرد ماااقصرتي..
نورتي الموووضووع

 

[قاهره عذالي]

عادي حبيبتي
انا فيني تكيس
كان مخربط عندي الدوره وتطول
شهر تجي وشهر لاء
وعقب عطوني حبوب استمر عليهم 4 شهور
حبوب تنظيم دوره اسمهم بريجليتون اكلهم كل يوم حبة مدة 21 يوم من خامس يوم بالدوره
والله الحمدلله انتظمت دورتي
وصارت طبيعيه
بس انتي حبيبتي اذا عندج وزن زايد نزليه لان تنزيل الوزن يساعد ان التكيس يروح
واشربي على طول بايام الدوره بردقوش تلقينه على شكل اكياس شاي عند العويد
واهتمي وقت دورتج والبسي دلاغ وسروال طويل وتدفي واشربي كل شي ساخن مثل حليب حار مع زنجبيل ودارسين مع الشاي
وقرنفل مطحون مع فلفل اسود رشيه على اكلج واكلي وقت الوره ..
وبعدي عن الاشياء البارده مثل الروب والعصاير واللبن والملوخيه والموز والمعكرونه والسبانخ والطماط هالاشياء ممنوعه وقت الدوره
وسوي لج عجينة تمر مع شوية سمن وحطي فيها شوي حبة حلوه وحبة سمره وكمون مطحون وحلبة شوي مطحونه وقرنفل من هالاشياء ملعقة شاي صغيره من كل شي منهم مع سمن شوي وتمره منزوعة النوى واعجني واكلي وقت الدوره ولما تخلصين عجنها مع هالاشياء من كل شي ملعقه شاي صغيره اخذي شوية رشاد حب مو مطحون ورشيه فوق التمر واكليه حيل يفيدج ويخفف عنج التكيس مع انج تستمرين بحبوب تنظيم الدوره مثل ما يقول الدكتور

 

[حبي لله اشد]

لووووول مادري قلتلج مو عارفه

 

[عسل مرت قيمر]

حبيبتي عادي لا تحاتين مافيج الا العافيه


وايد بنات اعرفهم شخصيا فيهم ومع العلاج كلش راح وماكو شي


استمري على علاجج وان شاءالله ماكو شي

 

[ريحانة المدينه]

أسـأل الله الكريم رب العرش العظيم ان يشفيك وكل مريض

 

[M!Ss Un!VerSe]

امي كان فيها وشالته بعمليه..

والحمدلله مافيها الا العافيه

 

[قاهره عذالي]

امي كان فيها وشالته بعمليه..

والحمدلله مافيها الا العافيه

حسب
ترا التكيس درجات
في اللي تكون الدوره منتظمه بس في خلل هرموني يبين بالتحاليل انه في تكيس وهذا اخف نوع بس انه ياثر ع التبويض ويضعفه ..
وفي النوع المتوسط اللي تكون الدوره مو منتظمه وبالتالي خلل هرموني والتبويض ضعيف ومرات يصاحبه ارتفاع بهرمون الحليب ومرات لاء ..
وفي النوع اللي صار مع امج اللي يكون تكيس شديد ساد المبيض مره وحده والدوره ماتنزل الا بحبوب او كل 6 شهور تنزل مره هذا ماينفع معاه حبوب تنظيم ولا اي علاج غير كي المبيض بالمنظار وهذي طريقه جديده بس مشكلتها تعجل بسن اليأس عند المراه عشان جذي اغلب الدراسات تحذر منها وخاصه الدراسات باوروبا انا قاريه لهم انه العمليه مالها فايده
لان سبب التكيس هرموني وبعد العمليه ب6 شهور يرجع التكيس مكانه

 

[فيونكه..~!]

مآدري

آن شـآء آلله ة آلبنآت يفيدونـــك

 

[زينة الجهراء]

عادي حبيبتي
انا فيني تكيس
كان مخربط عندي الدوره وتطول
شهر تجي وشهر لاء
وعقب عطوني حبوب استمر عليهم 4 شهور
حبوب تنظيم دوره اسمهم بريجليتون اكلهم كل يوم حبة مدة 21 يوم من خامس يوم بالدوره
والله الحمدلله انتظمت دورتي
وصارت طبيعيه
بس انتي حبيبتي اذا عندج وزن زايد نزليه لان تنزيل الوزن يساعد ان التكيس يروح
واشربي على طول بايام الدوره بردقوش تلقينه على شكل اكياس شاي عند العويد
واهتمي وقت دورتج والبسي دلاغ وسروال طويل وتدفي واشربي كل شي ساخن مثل حليب حار مع زنجبيل ودارسين مع الشاي
وقرنفل مطحون مع فلفل اسود رشيه على اكلج واكلي وقت الوره ..
وبعدي عن الاشياء البارده مثل الروب والعصاير واللبن والملوخيه والموز والمعكرونه والسبانخ والطماط هالاشياء ممنوعه وقت الدوره
وسوي لج عجينة تمر مع شوية سمن وحطي فيها شوي حبة حلوه وحبة سمره وكمون مطحون وحلبة شوي مطحونه وقرنفل من هالاشياء ملعقة شاي صغيره من كل شي منهم مع سمن شوي وتمره منزوعة النوى واعجني واكلي وقت الدوره ولما تخلصين عجنها مع هالاشياء من كل شي ملعقه شاي صغيره اخذي شوية رشاد حب مو مطحون ورشيه فوق التمر واكليه حيل يفيدج ويخفف عنج التكيس مع انج تستمرين بحبوب تنظيم الدوره مثل ما يقول الدكتور

حبيبتبي يعطيج العافيه ماقصرتي الله يجزاااج الجنه:eh_s(7):

 

[زينة الجهراء]

يعطيييييكم العااافيه ع الردوودصراااحة ماااقصرتوااا
وامين الله يشفي جميع المرضى
الله يجزاااكم الجنه

 

[توتا الكتكوته]

حبوبه التكيس هذا مرض مزمن ماله علاج مالقوله علاج ما يضر بس يظلون يعالجون اعراضه يعني على حسب الاكياس اللي عندج وحييييييييييييييل منتشر بين كل البنات والمتزوجات بشكل مو طبيعي ،،، المهم عندج قوقل وعندج يوتيوب ثقفي نفسج فيه

وبدز لج كم لقاء استفيدي منه بدل القيل والقال ،،، المهم اذا مانزل الكيس مع حبوب منع الحمل يعني كيس لازم ينشال ،،،

عادي اعرف وحده تحمد ربها انه شالته ولا يكون فيها تكيس ،، اساسا اللي فيهم بنات تحسينهم شكل واحد هو يعرض الجسم ،،، وحتى من الاكياس مرات الوزن ما ينزل سبحان الله ،،

و يطلع شعر بالذقن سميك نفس الرجال ،، وبالجسم ومع الوقت اذا ما اخذتي العلاج يصير فيج سكري لا سامح الله بس انتي انتضمي عليه وسوي رجيم لان مرات من السمنه يصير،، في دكاتره يوصفون حبوب كلوفاج وفوليك اسيد علشان ينظم الانسولين للخلية الجسم

 

[قاهره عذالي]

توتا الكتكوته


ترا في فرق

بين تكيس المبيض وهو متلازمة اعراض ..

وبين كيس على المبيض

هذا حاله ثانيه ولازم ينشال يا حبوب مانع تنزله او عمليه حسب الكيس اللي ع المبيض هل هو دم او ماي او دهن ..

اما التكيس يكون المبيض في السونار على شكل خلية نحل
بويضات صغار ما اوصلوا للحجم المطلوب انهم ينفجرون بسبب خلل هرموني فيظلون لازقين بالمبيض وصغار

 

[توتا الكتكوته]

ثقفي نفسج هاللقاء حلو شوفيه //


http://www.youtube.com/watch?v=ewZkrFXHQIQ

 

[منو انت]

ماعليج شر ان شاءالله اجر وعافيه يارب

 

[زينة الجهراء]

حبيبتي تووته الكتكوته مشكووورة حبيبتي ويعطيكم العااافيه بنااات
وخوفتيني ياتوته بس الدكتووورة قالت يروح ان شاااءالله من العلاج
وشكراااا للكل حباااايبي ماقصرتواا.,.,.,

 

[زينة الجهراء]

الشر مايجيج منو انت
يعطيج العافيه حبوووبه

 

[توتا الكتكوته]

حبيبتي تووته الكتكوته مشكووورة حبيبتي ويعطيكم العااافيه بنااات
وخوفتيني ياتوته بس الدكتووورة قالت يروح ان شاااءالله من العلاج
وشكراااا للكل حباااايبي ماقصرتواا.,.,.,

انا صديقاتي فيهم حبوبه يعني مو قاعده اجيب شي من عندي للحين وحده كانت دورتها مو منتظمه

وتاخذ حبوبه مخففه دايان منع حمل وبعدها تزوجت وحملت عادي

ووحده للحين ماتزوجت وللحين تعالج وزاد وزنها و همن شعر بالذقن موجود

شوفي اللقاء اللي حطيته ويوتيوب كللللللللللللللله شوفي شنو يقولون ؟؟

يعالجون اعراضه ترى اهم ما يدون اصلا من شنو يصير ،،، ولا تخافين ترى عادي

بس هذا شي من الله سبحان وتعالى انتي اهتمي بتغذيتج و امشي علشان لا يزيد وزنج

موفقه قلبي ،،، في ناس مع الحمل والولاده يقال يروح و في ناس مع نقصان الوزن يروح

وحتى سبحان الله مع الصيام هذي اخر معلومه سمعتها ،،،

 

[بحر هادي]

توتا الكتكوته


ترا في فرق

بين تكيس المبيض وهو متلازمة اعراض ..

وبين كيس على المبيض

هذا حاله ثانيه ولازم ينشال يا حبوب مانع تنزله او عمليه حسب الكيس اللي ع المبيض هل هو دم او ماي او دهن ..

اما التكيس يكون المبيض في السونار على شكل خلية نحل
بويضات صغار ما اوصلوا للحجم المطلوب انهم ينفجرون بسبب خلل هرموني فيظلون لازقين بالمبيض وصغار

قاهره مافهمت الفرق..
شلون يعني متلازمه؟؟

زين كيس على المبيض هذا خطير يعني؟؟
واذا تعالجت الوحده, يرجع والا خلاص يروح مع العلاج؟؟