طلق بالشهر الثامن

[غزالة سعودية]

السلام عليكم خواتى وحبيباتى كويتيات بغيت اسألكم انا بنص الثامن ومن يومين وانا حاسه بوجع بالظهر والبطن زى الطلق تمام وثقل بالحوض والرجول ولمن شد على رحت الدكتوره قالت بكشف عليك بشوف الرحم مفتوح او لا يمكن ولاده :rgewrg:انا هنا قلتلها لا اكيد اذا كشفتى بيزيد الطلق قلت ابى مسكن لطلق وعطتنى حبوب اكلتها والحمد لله ارتحت من الم الظهر الحين فينى عوار بس اكثر شى الشد على الحوض بنات تتوقعون ولاده وهل فيه حريم ولدو بالثامن وعاشو الاجنه والحبوب الى عطتنى لها ضرر اولا على البيبى الله يفرج لها الى ترد على والله اني خايفه وزياده انا بمدينه بعيده عن اهلى يعنى احتمال اولد لحالى :eh_s(11):الله يجزاكم خير طمنونى وشورو على شسوي

 

[Q8Ya GiRL]

اول شي بالنسبه حق الولاده
عادي وايد ناس يولدون بنص الثامن او نهايته
يعني من هالناحيه ان شاءالله مافي خوف
ثاني شغله الدكتوره مستحيل تعطيج شي مضر للبيبي
اكيد عندها خبره وتعرف شنو تعطيج
وثالث شغله لما يكون فيج الم الطلق ما راح تحسين بالفحص
ويا رب يكتبلج اللي فيه الخير

 

[ام_ركون و دندون]

ربي يسهل عليج ويسر امرج وتشوفين اجنتج معافين

 

[auoma]

حبيبتي انا بحمالي الي طاف من السابع طلق وبالثامن عوار طلق يروح ويرد ولا يوقت كل نص ساعه
وثقل من تحت قصب امشي وطبعاً غياب ومرضيات لاني من قبل عندي ولادات مبكره
واخذت إبرة الرئه على٣٣اسبوع وجهزت اغراضي وريحت عمري وبس انسدح
ومن دخلت التاسع ومافيني شي والعوار راح واكلت ٢٠ يوم من شهري تمنيت أولد مبجر ولا التاسع والثقل
لاتوسوسين مافيج الا العافيه العوار مثل الدوره عادي لازم ييج بالثامن

 

[كل الحلا فحبيبي]

حبيبتي عادي انا ولدت بجري باول خمس ايام من الثامن لا تحاتين وكاهو يهبل اسم الله عليه ما فيه الا العافيه بس طبعا قعد بالشيشه شهرين وطلع وانتي ان شاء الله ما تحتاجين وان شاااااااااااااااااااء الله تولدين بالتاسع ياااااااااااارب

 

[غزالة سعودية]

الله يوفقكم ويسخر لكم يارب ويطمنكم والى عندها عيال الله يرزقها برهم والى ماعندها الى يرزقها الاطفال الصالحين يارب العالمين

 

[NeW-life]

أنا يبت ولدي بنص الثامن الحمدلله هم يالي الم بس الطبيب طلع ذكي وعطاني إبرة الرئه عشان اذا ولدت تكون رئة البيبي جاهزه للتنفس

وسبحان الله ولدت بعدها بجم يوم وظل ولدي ١٨يوم بالحضانه وكاهو ربي يحفظه عمره ٣ونص

الله يثبته ليه التاسع وتولدين بالسلامه ويهون عليج

 

[" ام حمود "]

اختي ولدت بأخر الثامن ومافيهاا شي لا اهيه ولا الياهل بالعكس وايد
جذي الله يقومج بالسلامة ياارب

 

[q8helwa]

الله يكتب اللي فيه الخير

 

[**Um '9a7oya**]

انا ولدت بنتي باخر الثامن و عطوني ابره الرئه و حطوهاىبالحضانه يوم واحد والحين اسم الله عليها تعبل كبرت عمرها ١٠ شهور لا تخافين

 

[كربون امها]

انا ولد بنص الثامن ولدي الله يخلي وخلو بالحضانة بس ديري بالج يقصون عليج ويقول لج لازم نشوف ظهر البيبي سليم ولا لا ويطقونة ابر ديري بالج لان حجوة الدكاترة بعيال الثامن يقولون اكيد في شي اسم الله عليه خرطي كلامهم عالى بو ان ناقص ولدي الحمدالله سلم من شرهم الله يكافينا شرهم
ولا تروحين لطبيب احتمال تعديلات يسبب مقص مشابه للولادة الله يرزقج يارب

 

[غزالة سعودية]

الله يوفقكم خواتي ويخليكم عيالكم يارب وكل من ردت بموازين اعمالكم يارب

 

[awashamen7asha]

اي انا ولدت بالثامن , ياني طلق و مادري ان هذا عوار طلق لدرجه ماتحملها و هم ساكته واللي زاد الطين بله ماخذه راحتي مع ريلي عالاخر و هالشي زود الطلق.. يوم كشفتني الدكتوره تقول احس براس البيبي مفتوحه 3 !ودخلوني ولاده حطوه بالشيشه 3 اسابيع و طلع الحمدلله كل شي فيه طبيعي.

نصيحتي:
قيسي الفترات بين كل طلقه وطلقه.
لاحظي حركه البيبي. ان خفت حيل يعني مفتوحه و احتمال ولاده.
شوفي تحت صدرج دايركت اذا نازل بطنج بتحسين بعظم صدرج.

الله يسهل عليج

 

[أعشقه]

قريبه اذا تحسين بالم طلق المستشفى يحطون عليك جهاز يشفون اذا فيه طلق ولا
عادي ترى احيانا تصير في الالم في الشهر 8 وهذا تهيئه لرحم وان الولاده قربت لا تخافين
بس لو حسيتي الالم قوووي ماتتحملينه يعني ولاده او طلق صحيح
ربي يهون عليك وعلينا يارب