طمنوني .. كيس على الكلية اليمنى للجنين

[aauu-]

السلااام عليگم،،
انا حامل بالشهر الثامن واول حمل لي
وتكفون الي مرت عليها او سمعت نفس حالة جنيني تطمني

سويت سونار عند دكتوره ديانا بمستوصف الظامر بالجهرا وهي شاطره بالسونارات
وقالت فيه كيس على كلية الجنين اليمنى وقالت بعد الولاده ان شاء الله يشوفه دكتور اطفال ويسوي للجنين سونار ويعالجه او يسوي عمليه بعد الولاده
وقلت لها ممكن يروح بروحه قالت لا

وقريت بالنت ان راح يعيش على كليه وحده بسبه الكيس

وانا حالتي النفسيه تعباااااااااااانه تكفووووووووون طمنوني

 

[نـور الكويت]

حبيبتي ان شاءالله ماكو الا العافيه
وعسى ربي يفرحج بشوفته سليم ومعافى يارب ..

انا اعرف وحده قالولها كليه البيبي فيها شي وقاموا يطلعوون كلام عن كليته ..
مدحولها الدكتوره خالده المجيبل بمستشفى رويال حياة تخصصها بالاجنه ..راحت وقالت البيبي مافيه شي
بس لاولدتي نسويله تحاليل ونتاكد والحمداللع ولدها اسم عليه مافيه الا عافية ربي والله يخليه لها ويحفظه ..

انتي روحي لها وشوفي شتقوولج وسونارها واضح ومطور صج رووعه تطمني وربي يسر امورج حبيبتي ..

 

[om_saleem]

لا تعبين نفسيتج وتضرين نفسج والجنين .. انتي الحين بفتره تصفين ذهنج وماتفكرين بشي لان الجنين يحس بتوتر الام والحزن الزايد يخليه يزعل وممكن يخرج في بطنج وجذي راح يصير بدال السالفه سالفتين .. الي الله كاتبه لج بيصير واذا نولد يصير خير سويله فحوصات شامله وتطمني عليه وتاكدي كل ابتلاء من رب العالمين يختبر فيه عبده .. وترى وايد دكاتره نتردد عليهم ونشوفهم شطار وتوب بس هم يغلطون بالتشخيص .. حطي ايمانج بالله قوي وادعي عليج بالدعاء والله يحفظلج بيبيج وينولد كامل الخلق ويجعله كن تلذريه الصالحه .. نصيحه والله ابيلج الخير لا تسمعين تجارب الناس ولا تسبقين الاحداث

 

[aauu-]

اميييين الله يجيبه بالسلامه والله يجزاكم كل خير ،، مشكورين على الرد��

 

[# غنوجة بيبي #]

قل لن يصيبنا الا ما كتب الله لنا

ان شاءالله ينولد بصحته و عافيته و يطلع مافيه شي

الحكومه ياما خرعو ناس

كفاءتهم ضعيفه و اجهزتهم قديمه

روحي لاشرف بالسلام سوناره دقيق و اهو شاطر

 

[aauu-]

امييين الله يكتب له الصحه والعافيه ،، مشكورة اختي

 

[انتيكا]

ان شاء الله ماكو الا العافيه شي اهون من شي الحمدلله

روحي لدكتور متخصص بالسونار نفس اشرف اللي بالسلام او خالده المجيبل او واحد مادري شسمه بس شمري هذول متخصصين وعليهم مدح

 

[travel_addicted]

الله يطمن قلبج
روحي حق دكتور ماجد الشمري عيادته في الجهرا
تخصصه اجنه و سوناراته دقيقه و يسوي عمليات حق الجنين في بطن امه
و لا تنسين الصدقات

 

[أغلى المشاعر]

اختي انا نفسج قالوا فيه كيس علي الكليه وقال الدكتور سوي سونار للبييبعد الولاده واحتمال مايكون فيه شي احيانا تكون المثانه مليانه تكرمين بول فيكون بالسونار فيه كيس وكنت احاتيه وبعد الولاده ثاني يوم سويت سونار لها وطلع الحمدلله مافيها شي