طيبه ام خبااااال

[مي الصغيره]

السلام عليكم ورحمه الله وبركاته
بنات بدش بالموضوع على طول وكل اللي ابي رايكم باللي سويته :080402ask_prv:

انا الحين صار لي فتره طويله متغربه بره وكنت كله بالسكن او اطلع اقضي حاجاتي وارد ومالي اي اتصال باي احد لا من اهل البلد اليي انا فيه ولا غيرهم
في يوم من الايام تعرفت على شله بنات كويتيات حنيت وفرحت وقلت اخيرا خل اتعرف عليهم واقعد معاهم نسولف عن ديرتنا وعن ذكريات الوطن الحبيب
بس انصدمت صدمه عمري
من اول مره شوفتهم فيها كشيت حيييييل وكان الجو مكهرب ؟؟؟
تسلمين يردون عليج بالقطاره غير اتافاف والتطنز وسوالف جانبيه ؟؟؟؟:eh_s(10):
انا قلت ليش جذي خل اسكت واقعد يمكن انا غلطت بشي :bbbiu: احاول اشارك بسالفه يلبسوني ؟؟؟

مرت الايام وقلت خل اشوفهم مره ثانيه يمكن ظلمتهم اول ما ييتهم الا من بعيد ياشرون ويضحكون ييت سلمت قعدت والا قاعدين حش بخلق الله؟؟؟ من البنات اللي اصلا معاهم وعشره عمر بعد ومن تدخل البنت يسكتون وكانهم ماكاوا قبل اشوي يحشون فيها
انا قلت خلاص ما اني رايحه قعدتي بروحي احسن بوايد

بعدين سمعت ان وحده منهم تعبانه ودخلت المستشفى قلت لازم اشوفها واطمن قلبي ما يطاوعنا ما اشوفها واطمن عليها

تالي هالبنت قالت لي انا ما احب هالشله خل تصادق مع بعض وانقاطعهم ترا ما يحبونج ومحترين منج موت ؟؟؟؟:eh_s(12):


خصوصا فلانه وفلانه الثانيه قايله عنج كذا وكذا

سالتها ليش جذي قالت ما ادري اهم جذي طبعهم وتصيدون بخلق الله وتطنز وعادين نفسهم احسن ناس

انا انصدمت ليش جذي ؟؟ا
ليش ما حنوا على بعض بهالغربه ليش الحش بس بعرف وتحتر من اختها ليش ؟؟؟ يا اختي عاجبج شي فيني لا تحسديني وتحترين الله مقسم الارزاق ليش جذي محتره (مريضه نفسيا) مع ذالك انا ظليت زينه معاهم وعاملتهم بالمعروف وكل من يعمل باصله

ذالك اليوم وبعد انقطاع طويل دقيت اسال عن احوالهم يظلون اهل ديرتي ولاجل عين الكويت تكرم الف عين
قلت بروح اشوفهم يمكن محتاجين شي والا احد تعبان والا شي ونفسي تقول بس لا تروحين ما منهم فايده :eh_s(10):


وفعلا
رحت لهم وقعدت طبعا لا سلموا ولا قدموا لي شي كاني عدوه مو اخت لهم فقلت انا بس كنت حابه ايلم عليكم طول القعده مطنشيني ولما تكلمت والا المحتره مني قامت تنتفخ وطالع رفيجتها ويتغامزون
قمت شلت عمري ومشيت وبراسي مليون سوال وسوال ؟؟



اهم ليش جذي؟؟
انا شسويت؟؟؟
اذا اهم جذي طبعهم بالله قلبهم هاذا صخر مايلين ؟؟؟
انا شنو ضريتهم فيه؟؟؟


المهم حسيت اني غلطانه حدي ناس ما تحبني وتحسدني شكو رايحه لهم

الحين شنو رايكم انا طيبه والا خبله:wqedqw:

 

[Tom ♥ Jerry]

.


حبيبتي خليهم خلاص لا تقطين نفسج عليهم
هذول بأختصار ( مو مستوآج ) =) !

و ان شاء الله تصآدفين بنات ثآنيين من بنآت الخليج و يكونون قد المقآم > شكو !

.

 

[مي الصغيره]

اختي مشكوره على مرورج
وثلج صدري ردج يعلم الله اني ما ضريتهم بشي وان نيتي صافيه
غريبه هالبشر اول مره اشوف ناس جذي حش ونميمه وتحاسد عمري ما شفته

 

[مواصله]

رد : طيبه ام خبااااال

باين عليك حبوبه وطيبه وانتي حاولتي اكثر من مره تكسبينهم وتتقربين لهم ومالاقيتي رد ،

المفروض لما حسيتي انهم شلة طنز وحش بالناس بعدتي والمفروض لما صارحتج البنت انهم يحشون فيك ومايحبونك خلاص ابتعدتي عنهم

وثقلتي مالها داعي الزياره اش جبتي لنفسج الا انهم غثوج

خلاص اللي صار صار خليهم ورى ظهرك وخليك معاهم رسميه مجرد سلام والله يعينك على الغربه ويهديهم

 

[futooosh]

في ناس معقده
خليج منهم واهتمي بنفسج

 

[مي الصغيره]

مشكورين خواتي على اهتمامكم ونصيحتكم
قال تعالى {أم يحسبون أنا لا نسمع سرهم ونجواهم بلى ورسلنا لديهم يكتبون} [الزخرف:80

قال صلى الله عليه وسلم : (( أتدرون من المفلس؟ قالوا: المفلس فينا من لا درهم له ولا متاع ، قال : المفلس من أمتي من يأتي يوم القيامة بصلاة وزكاة وصيام ، وقد شتم هذا وضرب هذا وأكل مال هذا ، فيأخذ هذا من حسناته ، وهذا من حسناته ، فإن فنيت حسناتهم أخذ من سيئاتهم فطرحت عليه ثم طرح في النار)) .




والله في ناس عقد

الله يكافينا شرهم

 

[كنوشة 2009]

اكيد انت طيبة وسنعة وعلى نياتج بس اهم الحمدالله والشكر ما ادري اشلون صايرين اصلا لو انا منج من زمان صاك بابهم
وراح ايي يوم ويعرفون قيمتج والله يوفقك ويسهل امورك في الغربة

 

[جلاديلياس]

طنشي واهتمي بنفسج يقلبي

 

[ام الدرر]

ياعمري الظاهر طبعج غير عنهم
هم يحشون بربعهم وغمز ولمز
وانتي سيده واضحه وصريحه
اكيد ما تعجبينهم ولايبون صداقتج
الزم ماعليج نفسج ودراستج
منتي بحاجتهم ان شاءالله
عسى الله يتمم عليج ثقلج وعقلج
وعسى الله يهديهم ويصلح حالهم​

​