طيب اخذتو حقوقكم ونسيتو حقوق ............ )

[photoshopia]

السلام عليكم

اليوؤم بتكلم عن حقوق الحيوان ..
وهو موضوع جدا مهم بالنسبه لي ولكم

الانسان ماخذ حقوقه كامله ولله الحمد .. لكن نسيتو حقوق الحيوان وماطبقتوها بدولتنا !!!


الغرب مطبقين حقوق الحيوان وحنا يا الاسلام ما نطبقه ّ!!

ليه الرسول عليه الصلاة والسلام خص الحريه والحقوق للانسان بس !!


لا يا بنات لا يا بششر ترا هم الحيوان روح وعنده احساس .. والي قاعد نشوفه انه يجي واحد ابو عشر سنين ويطق القطوه بطابوقه على رجولها

ويمسك الحمامه من رجولها ويفرها


هذا الي علمتو عيالكم عليه

تبوؤن الغرب لا جو ياخذون عنا انطباع سيئ !!

تبون يقولون المسلمين ماعندهم رحمه بالحيوان !!

وليه ماتعلمون عيالكم من صغرهم الحيوان مايطقونه

بدول الغرب من تطقون الحيوان يا غرامه يا سسجن !!


ابي رايكم ووجهه نظركم بهالموضوع ومن رايكم هل الحل انه نطبق هني حقوق الحيوان !

:eh_s(17):

 

[manoooram]

قواج الله على الموضوع يا قلبي
واجب على الاهل يعلمون عيالهم ويزرعون بقلوبهم الرحمة والرأفه بالحيوان
واذا أخطأ الطفل بضربه او تعذيبه له احاسبه واذكره بأن فوقنا رب كبير
ووجوب ان نرحم ونعطف الحيوان

 

[* ليــــدي *]

آتمنى ان يآخذون قطاوة الشوارع و يودونهآ حديقة الحيوآن
لوعوا جبودنا كل خطوتين قطوه ناطه ستين بريك بالدقيقه
و الرأفه بالحيوآن لآزم والدليل مليون مره بغيت ادعم سيايير و آوادم لعيون قطوه

< متنرفزه من هالموضوع

 

[سوسو حبيبتى]

الله يعطيكي العافيه

فتحتي موضوع كان عقدتي من وانا صغيره

كل ماكنت اشوف عيل يضرب قطه او راجل يضرب حصان سايقه اعزكم الله

او عيل ماسك عصفور وقاعد يعذبه

كنت ابكي واتضايق

مش لاني احب الحيوانات بالعكس مااقدر المسهم ولا اربيهم

بس من باب الرحمه

والحين قاعدة اربي بنتي انه حرام نضايقهم

حتي لو شافت حمامه قاعدة تاكل اقول لها ياماما حراام نضايقهم نمشي بعيد عشان ما يطيروش

خلاصه كلامي ان التربيه عليها اساس

ولازم كل ام تربي اولادها على مبداء

ارحموا من ف الارض يرحمكم من ف السماء

 

[قمر بيت أبوها]

كل شخص وتربيته أطفال يطقونها طق ==>>عيال جيرانا
وأطفال عسي مايحطونها بعيونهم==>>أخوي الصغنون
وأطفال يهجون من كل كائن حي
== قبل البلوغ وبعده== >> مثلي
والمفروض كل حي سكني تكون فيه أرض للحيوانات ومنها تصير حديقة حيوانات محليه بالحي للعشاقها ومنها يلمونها عن اللي يكرهونهاويريحونهم وبس

 

[photoshopia]

جزاكم الله خير ع الردود =)

 

[Pinky -cat]

تبين الصج السالفة تعور القلب يوم نشوف هالمنظر جدامنا وانا بالاخص لان عندي قطوة من زمان واربيها واحب الحيوانات

ما خليت شي ما يبته وربيته عندي وازعل واتضايق لا شفت حيوان متأذي .


فعلا حملة حلوة وانشالة تيب النتيجة الحلوة

 

[photoshopia]

بينكي كات امين الله يسمع منج وربي كاسرين خاطري هالحيوانات يطقونهم طق قدام الي يسوى والي ما يسوى مو جنهم روح

 

[Tom ♥ Jerry]

.



واي صج في ناس يطقون القطآوة :eh_s(11):
توني ادري منج و الله !!

انا مره كنت دايسه حيييل يمكن 120 و لا ادعم قطوة و ماتت

و الله و الله مو قصدي ادعمها كلش اصلا ما شفتها
كانت على الرصيف شلون نزلت ليه سيارتي مادري شلون !

السالفه صارلها الحين شهر و ليلحين اتذكر الموقف و يحز بخآطري
كسرت خاطري

:eh_s(16):

لازم يكون بالدوله حقوق الحيوان و تتطبق ..
ما تكون مجرد حبر على ورق :eh_s(22):

 

[photoshopia]

توم وجيري اي والله ادخلي الشوارع الي يلعبون فيها البزران ابو 10 سنين و 8 سنين تلقينهم يمسكون الحمام ويفرونه ويقطونه والارنب يفرونه من اذنه ويحذفونه

امين يارب تتطبق حقوق الحيوان

 

[كراميلا مرة]

انا معاج
لانه حرام اللي يسوون بالحيوانات انا اشوف بالشارع كله القطاوة
هالعيال يلعبون فيهم ويطقونهم
بس شنقول
خل يطبقون حقوق الانسان عشان يحترمون حقوق الحيوان

 

[بيلسسان]

اذكر مرا دعمت قطوه والحمدلله ماكنت مسرعه
وقفت بالشارع اطالعها بالمنظره تمشي والا لا



كانت قطوه ثانيه تلحقها واللي منحاشه جت تحتي ودعمتها



والحين كل ماشافو قطوه ميته
قالو اكيد انتي داعمتها
حسسوني بالذنب هههههههههههههههههه




وصج دايم اشوف قطاوه ميته بالشوارع يتقطع قلبي عليهم واتاثر بسسسرعه
عاد انا نوعي حسااااسه

 

[photoshopia]

حياكم الله
ناطره باقي الرودود

 

[Hawaii]

يعني احنا مسلميين ... والرسوول (ص) وصانا بالرفق بالحيوان

المفروووض يصيير هالشي نابع من نفس المسلم


يسلمو عالموضوع

 

[تحت ظلك]

والله مصيبه جد الي مايحسون بأنها روح تبي معامله روح

أشوف الناس تشتري لعيالها حيوانات كأنها ألعاب يلعبون فيها لين تطلع روحها

حراااام عليكم والله شالعنف هذا لاحول ولا قوة الا بالله

الأم والأب ليش ينشأون عيالهم على هالتربيه

أذكر قريت مقاله قديمه يقولج

موظف معصب عليه مديره بالشغل

وبرد حرته فيه , طبعا مايقدر يقول للمدير شي

رجع للبيت حط الحره في مرته

مرته حطت حرتها في ولدها

ولدها حط الحره في قطوته كفخ وخنق وتعذيب

يعني كل واحد يطلع حرته ع الأضعف منه

والله المستعان

 

[جلكسيه اس 3]

يطلعون عضلاتهم على كائنات اضعيفه و ما يدرون ان وراهم حساب
ثاني شي بعضهم مسرعين يعني يدعمونهم مو متعمدين
يسلمو عالموضوع

 

[حبي بيرين]

صادقة والله استغرب من البعض يعطون الطفل الحيوانات خاصة الصغيرة يلعب فيها المسوؤل الاول والاخير الاهل

 

[تذكر خافقي رمحك]

الأوادم مو مهتمين فيهم
تبينهم يهتمون بالحيوانات !!

 

[متيمة بالشعر]

​

صـآجه لآزم يكـون بالدولة حقوق للحيـوآن [ عزكم الله ] ,

بدول برآ .. إذا عذبتي حيـوآن رحتي فيهآ .. اصلا ما احد يتجرآ !
و آحنا دولة مسلمة ! والإسلام آمرنا بهالشي ,
يـآ إما نرحمه و نشربه ونوكله آو ان نتركه يروح بطريقه !!

حرآم صج حرآم

يعني شنو تستفيد لما تعذب قطوة ولا غيرها !
يعني ما قدرتوا عالبشر حاطين حرتكم بالحيوانات مسآكين !! ,

آنا فيني فوبيا من الحيوآنات .. بس ما آتجرأ اني احذفهم بشي عشان يوخر عن طريجي عشان امشي
بس آنطر احد يؤشر صوبهم او يتحرك اهما من نفسهم يروحون من غير لا اذيهم !

....

شنقـول غير الله كريم , والله يحنن قلوب اللي ما عندهم قلوب

...

الحين اكو نآس تقول : خل نآخذ حقوقنآ عشان تطالبون بحقوق الحيوآن !!

..
مشكورة ي الغلآ عالموضوع ولآزم ياخذون هالنقطه بعين الآعتبآر .. لان رآح يُحاسبون ! ​

 

[photoshopia]

تشكرون على المرور الله يجزاكم خير ..