طيران التركيه شلون وظعه تعالو مشكلة تهمنا

[غزلان الشماليه]

مرحبا حبيباتي

عندي مشكله بصراحه منكدة علي سفرتي ان شالله بتكون اخر الشهر بس اخاف من الطيارة
احس بس تطير ضغطي ينزل ولوني يصير اصفر والله قبل عااادي ماكانت هالمشكله معاي بس من صادفتني بلنكاوي مطبات قويه والطيارة تهتز مت خووووووف وهالخوف شبك فيني دايم يطري علبالي لو بطير يمكن المطبات تطيح الطيارة
ولا وقت الاقلاع احس بتوقف فجاه ياربي شسوي تكفوون ابي حل انا بسافر تركيا وحاجزه عالطيران التركي شنو الشغلات اللي صادفتكم بالجو عشان ماستغرب تهونون علي وشلووون طيرانهم زين


تكفون والله ادعيلها بظهر الغيب اللي تعطيني الحل 

 

[L A T T E]

طيرانهم ماخذ المركز الأول بأوروبا كأفضل طيران أوروبي

حطي ببالج هالمعلوومة

والله الحاافظ ان شاء الله

 

[STAR KUWAIT]

الطيران التركي وايد زين
وأنا يصير لي نفسج بالطيران و أكثر منج بعد بس دائما أخليها على الله و أتفاءل بالخير عشان يروح الخوف مني و دائما حطي في بالج ان السفرة بالطيارة أءمن طريقه حق السفر و عمرنا ما سمعنا عن حوادث الطيران الا القليل جداجدا و يكون داخلي في الغالب
وعلى فكرة أنا سألت مرة دكتورتي عن هالشي قالتلي هذا شي عادي هالأعراض ما منها مضرة بس شيلي الخوف من قلبجو أتكلي على الله لأن تركيا تسوى الواحد يسافر لها تهبل باردة و شرحه وكلها أمان :ggdw:

 

[غزلان الشماليه]

ماتقصرووون يالغاليات فديتكم

 

[قفشـه]

انا مسافره عليها

بدون مبالغه طيران زباااااااااااله!!

الطياره تفشل مقاعدها سيئة ..

لوووو اروح مشي ولا اركب طياراتهم التعبانه ":\

 

[هدوء العالم]

رحت عليها في صيف 2011
وكانت زينة من أمور السلامة عسى الله يحفظنا ويحفظ أحبابنا أمين
ولا عليها كلام إلا
مافيها ترفيه لأنه بعض طياراتها ما فيها إلي تجي وتروح للخليج
و ضيقة 3 في 3 كراسي
و الطيارة تطير وتنزل كلنا نخاف بس نغمض عينا ونقول دعائ السفر لين يقولون عادي أفتحوا الحزامات و نتلهف على الديرة إلي بنجيها
ورحلة موفقة بإذن الله

 

[قرنفله 99]

من ناحية الخدمه لج عليها ومن داخل صغيره بس طيارينهم صراحه روووووعه انا نفسح عندي فوبيا من الطيارة بس والله التركيه طارت ونزلت ما حسيت فيها

 

[وين حبيبي]

اسواء طيران شفتة بحياتي كلمة زبااااالة قليلة بحقهم ونزرين والكراسي ضيقة توبة ماعد اسافر فية لا والمضيفين نجسين بمعنى الكلمة لدرجة ولدي نايم وراسة على جنب ويجيب عربانة الاكل ويخبطة حسبي الله علية وسوري ومشى اللة لايعطيهم عافية

 

[!..القبله..!]

اببببب ابببببب


شنو المشاكل اللي صادفتكم مع الطيران التركي

 

[ام مهاوش]

كلنا قمنا نخاف لما كبرنا بس قبل كنا نستمتع بالطيارهتوكلي على الله واقري دعاء السفر واخذي معاج قران اقريه بالطياره عشان تتطمنين خلي ثقتج بالله وتوكلي عليه

 

[فنيسيااا]

توكلي على الله واللي كاتبه الله بصير
قولي بسم الله مجراها ومرساها وادعي
الا بذكر الله تطمئن القلوب
وانا معاج الطياره بالاقلاع تخرع
بس را حوادث الطيرات نادره يعني السيارات يوميا حوادث مع ذالك ما نخاف لما نركب سياره

 

[غرام القمة]

هههههههههههههههههاي انا طبق الاصل منج وبروح تركياااااااا وهم خايفة
لكن ما اتوقع اروح علي التركيا يمكن اي طيران ثاني

 

[غرام القمة]

بنات كم ساعه اذا دايركت الي تركيااااااااا

 

[المهفة]

بالضبط 25'3 د
حبوبتى لاتخافين فيه حبه تاخذينها قبل الطيران بساعه وتصيرين ماكو شعور ومآلها اى أعراض والثانيه تاخذينها بالرده ترى هم أنا مثلكم أخاف بس الفضل لله بعد الحبه صرت زينه

 

[سحر الشرق@]

بالضبط 25'3 د
حبوبتى لاتخافين فيه حبه تاخذينها قبل الطيران بساعه وتصيرين ماكو شعور ومآلها اى أعراض والثانيه تاخذينها بالرده ترى هم أنا مثلكم أخاف بس الفضل لله بعد الحبه صرت زينه

شنو هالحبة حبيبتي

انا ما عندي فوبيا بس زوجي
لا وهالمره سفرتنا طويله واخاف يصير فيني:eh_s(2)::eh_s(2):

 

[هدوء العالم]

بنات كم ساعه اذا دايركت الي تركيااااااااا

3 ساعات دايركت

 

[برونزية]

شنو عالحبة حق اختي داايما تخاف كلة توسوس ان الطيارة بطيح