طيران klm ??

[حليب بالموز]

هاااي بنات شلونكم
أبي رايكم اب طيران klm الهولندي ؟؟ من ناحية النظافه و المعامله والأكل ؟؟​

 

[RegaLoS]

هلا حبيبتي
انا جربتها من فرنسا لي هولندا
والله شي اتخرع مع انه المسافه ماكانت طويله بس تخوف شوي او رقله

الي سافرنا فيها صغيره او تقلب الراس لي درجه تكرمين اغلب القروب معدتهم اقلبت واستفرغو مع ان الرحله ساعه وشوي ولا ساعه بس

 

[RegaLoS]

من ناحيه النظافه عاديه الاكل طبعا مو حلال او في تشيز ساندوتج عاديه يعني اخذي اكل معاج اذا درب طويل
معامله عاديه

بس انتي بالطيران عليج من الطياره نفسها مو الاكل والمعامله

 

[أم عزيـز]

انا صراحه تجرتي مع معاها كانت روووووووووووووووووعه
من ناحيه الأكل والخدمه والراحه والطيران
كنت رايحه من الكويت لي هولندا وفعلا استانست غير ان نفوسهم حلوه وتمشي بموعدها مو مثل الكويتية
كانت كبيره وراهيه وفيها افلام يديده قاعده تتعرض في السينما بنفس الوقت

 

[عاشقة السفر]

طيران سيء

 

[sara_77]

طيرانهم زين معقول وانا هالسنه مسافره عليها حق ميونخ وبالنسبه حق الاكل احنا طلبنا من المكتب الرئيسى اللى بالديره ان الاكل يكون حلال على كلام الموظفه تقول راح ايبون لنا اكل حلال بالطياره

 

[حليب بالموز]

مشكورين حبايبي على الرد

 

[حليب بالموز]

اب
اب

 

[bambena]

الايكونومي كراسيها وايد صغار البزنس والفيرست ممتازه

عيبهم يحجزون كراسي اكثر من العدد الموجود بالطياره على افتراض ان مو الكل بيي يسافر

المشكله لا اكتمل العدد شيسوون

يفترون عليكم يعرضون تقعدون بفندق 5 نجوم ويعطونكم فلوس بس ماتردون الحين بس طبعا ماكو مشاكل لان القرار بكيفكم

 

[روحي تحب]

بالنسبه لي أسوأ طيران وللاسف كنت مسافره من باريس لامستردام يننوني وغربلوني وطيروا الطياره عنا والغلطه غلطتهم طابعين الاسم على التذكره غلط وخلوني اعابل بالمطار يومين وآخر شئ يقولولي مافي حجز قولي حق طيران ديرتج اذا ياخذج مستعدين انغيرلج التذكره الله يعز الكويتيه والامراتيه توسطولنا وغيرنا تذاكرنا وردينا للكويت مومصدقين على الله ولارحت امستردام

والطياره قرنبع لوووول صغيره وتجرققع تخوف كأني راكبه طياره روسيه

 

[الحـــلوه]

روحي تحبك



انا بحجز انا وزوجي لألمانيا والنمسا بس موعارفه اي طيران زين وسعر التذكره فيه حلو؟؟؟؟

 

[bambena]

الحلوه حجزي اللوفتهانزا الطيران الالماني ممتاز

 

[جوك احلى جو]

وي اغلبكم يذم انا بطير فيها عقب باجر

 

[طوق البنفسج]

والله زينه و مريحه و بالوقت اتطير انا رحت من الكويت لي امستردام وايد مريحه

 

[cuteya22]

لا اهو خوش طيران مقارنة بالكويتية
بس مشكلتهم مثل ماقالت الاخت الي قبل ممكن يطيرون و يخلوونج
فلازم تروحين قبل وقت الاقلاع باربع ساعات خصوصا وقت الزحمة لان مرة صارت و طاروا عني بس مشكلتهم هذي لانه ياخذون اكثر من عدد مقاعد الطيارة على اعتبار مو الكل ممكن يسافر