طير صبري فلّ جنحانه وطااار ||~

[R7IL]

:eh_s(17):

لا يوصّيني على روح ٍ حزينه
لا يحاتيني ولو فرقاه نار

دامني بقلوب تدعي لي / أمينه
بآتحمل لوعتي والإنتظار

بدفن أسراري تحت هالياسمينه
بكتب ولكن بإسم ٍ مستعار

ايه أبحكي عن احاسيس الـ (غبينه)
يوم جرحي ما بغى غيره ستار

وبحفظه ذكرى وأحلام ٍ دفينه
في صدر محروم من طلّة نهار

عايشه لكن على مدة يمينه
ميّته /حيّه بدونه بإختصار:

من قدحته حبّ ماذقت السكينه
طير صبري فلّ جنحانه وطااار *

عيبه انّه خاين وعيني تدينه
وعيبي إنّي أعشقه لكن أغاااار

في ظلامه كنت انا ضيّ المدينه
في ضياعه كنت له عز ٍ ودار

كنت ايده /عزوته / قلبه وعينه
كنت ناس بوحدته / صُحْبه وجار

وحشته لامن تكبّل له يدينه
صرت أُنسه والسعاده والفرار

وكل ما ضاقت أمسّح دمعتينه
كنت أفرّج له ليا هالوقت جار

كنت أهْله كنت حسْبة والدينه
وللأسف ما كان مخلص لي وبار

ما أبي ضعفي يبيّن له حنينه
غيبتي عنّه اهي آخر قرار

بان شيبي والعواذل شايفينه
يحسبونه من بعد ماصار صار

بس فرْقي كان ما هم عارفينه
إنّ أنا شيبي مزّينّي وقار

في أمان الله لو بعده/ حزينه
ولا يحاتيني ولو فرقاه نار





حنان العجمي~

​

 

[مآ نخون آلعهد]

صصح السانج واعتلآ شآنج ...

 

[8ot aL8loob]

لآ هـنـتــي ..~

 

[• JoJo •]

لاهنتي

 

[~*الزين الاصيل*~]

،’
آلـسَلآمْ عليّكمْ وَ رحمةٌ آللهِ وبرَكآتُه
لآهنتِ
دُمتِ بخير



،’

 

[ملآمح يوسفيه]

,

صح لسآنها
تسلمين يالغلآآ

​

 

[آامواج (=]

رؤعـآ | صصح السسـأنج​

 

[•°أنـــفْــِـاسِ اَلِــــوُرَدِ°•]

تسلمين على القصيده حبيبتي ,’

 

[شموخ وايليهـ]

رائعه ماخطت يداك

سلمتي وسلم بوحك


دمتي كما تحبي واكثر..




شموخ وايليهـ

 

[R7IL]

حيـاكم الله يّ بنات

لاعدمنا مروركم العطر . . ~

 

[مسك حياتي]

عيبه انّه خاين وعيني تدينه
وعيبي إنّي أعشقه لكن أغاااار

روووووووووووووعه صح لسانج ...