ظالم ومستبد !!

[مليارديره]

اخوي تزوج وحده مايبيها مغصوب عليها وهو ماشافها وكان حلمه يتزوج وحده جميله بس هي طلعت مب حلوة يوم شافها انصدم وفوق هذا مغصوووووب عليهاااا حاول يقعد معها ماقدر نفسيته رافضه تتقبلها ومره قالت ودني لبيتي باخذ باقي اغراضي وهي عروس وداها ولماا اخذت اغراضها دقت عليه وهو يحقرها ويعطيها مشغول رافض يرد عليهاا وهي تدق علينا وتقول خلوة يرد علي وانا مستعده اعيش معه في اي مكان وهو مطنش يقول ماابيهاااااا !!!بعد فتره راح يخطب ويدور على عروس جديده وهالعروس هي وامها يقولون طلق زوجتك عشان نوافق لان ماراح ناخذ واحد متزوج وطلقها وملج على البنت !!!قهرر والله احسها مسكينه هل اخوي ظالم هو وخطيبته ؟؟؟؟ا

 

[آلاء22]

لا حول ولا قوه الا بالله
ليش ماشافها قبل الزواج؟ حرام جذي ظلم البنت وفوق هذا قالت اعيش معاه بأي مكان مسكينه كسرت خاطري الله يعوضها ان شاءالله بلي احسن منه يقدر يفرض رايه ع الي غاصبه لان هذي حياته حر فيها وبالتالي البنت هي الي تنظلم

 

[انا لحبيبي .]

لا حول ولا قوة الا بالله ،

الله يهديه ، وان شاء الله الامور بتتحسن

الله اله حكمه بهالشي ورح يبين مع الزمن

الله يهدي البال ويصلح الحال ،

 

[*peace*]

الله يرزقها باللي احسن منه ويستاهلها يارب

اوكي اهوا مومتقبها مومشكله بس اكو اسلوب احسن يعاملها ويفهمها مو جذي عاد حرام عليه !!!

 

[مناير ...!]

وليش ياخذها ؟؟
ليش تخطبونها له وانتو تدرون يبي جميله والبنت عاديه؟؟
شحقه تظلمونها معاه؟؟ وليش تغصبونه من الاساس؟؟
ذنب البنيه برقبه الي غصبوه وظلموها معاه
مثل اي بنيه متحمسه ومستعده وتاليتها والله يبي جميله !!!
زين الحلايا من الاول ليش ماشافها الشوفه الشرعيه؟؟
ليش يخطبونها له واهو محدد شروطه
ارتفع ضغطي !!!!

 

[Tulips]

طبعا ظالم .. بنات العالم مو لعبة بيده

وعلى الاقل خل يطلب منها تسامحه لانه ما اعتقد حوبتها راح تتعداه ومثل ما سوا فيها يمكن يصير فيكم نفس الموقف انتو يا خواته ولا حتى بناته

في شي اسمه شوفة شرعية معقوله في ناس للحين ماتطبق هالشي واهو محلل شرعا !!

وعلى فكرة انتو هم تشتركون معاه بالذنب .. قالكم يبي حلوة على الاقل وروه صورتها !!

الله يعين نفسية البنت كسرت خاطري والله يعوضها بواحد احسن من اخوج

في شي اسمه اسلوب يقدر يقعد معاها ويقولها يابنت الحلال ماكو نصيب بينا بس مو يقطها بيت اهلها جنه ماصدق ويطنش تلفوناتها !!!

 

[كربون امها]

ظالم اكيد عالاقل مايطلقه بس اخوج موقصده موعاجبته في شي ثاني الله اعلم

 

[كليـ دلعـ]

وانتوو وينكم عنه!؟

تخطبون له شيفه ع قولتج!

في احد يخطب لاخووه وولده وحده موحلووه!

الذنب برقبتكم انتوو

ذنب المسكينه اللي حطمتوو مستقبلهاا برقبتكم

انتوو اللي شفتوو وانتوو اللي اخترتوو

ليش ماخترتوو عدل

ودام منقينها موحلوه ليش ماعلمتوو مهند!!((اخووج؟!)))

ليش ماقلتووله تراها موحلووه!؟

ليش ماعلمتووه!

ذنبهم جميعاا برقاابكم انتوو

انتوو سااس الماسااه

ويوم وداهاا وماارد عليهاا خلاص بعد مايبيهاا

موغصيبه

خلاص شي طبيعي دام مابغااها خلاص يتركهاا

احسن من يغيش معاها يعذبهاا

واتصالهاا وتترجاكم ذنبهاا برقااااابكم انتوو

وبعد موغصيبه تغصب الريااال اللي عايفهاا

ع نفسهاا!

هم بعد موحلووه لويبيج ماقطج

المفروض تحشم نفسهاا عن المهزله

ولما خطب ليش يخطب وهذيج بذمته!؟

لييييش!

دام عايفهاا مخليهاا بذمته ويخطب عليها ليش!

خلاص طلقهاا واخطب

اما انها بذمته ويخطب صرااحه المووضووع مادري مووتماام

اللي مايبي يطلق مويخليهاا بذمته ويخطب!!!!!؟!!!



واللي شرطوو طلاقهاا المفروض ماايشرطون هالشي

لانه المفروض منه يطلع هالشي مووبالتشررط!!

وبشريهم ماراح يتعمر لهم بيت واهم بانين بيتهم ع هدام بيت ثاني


لوالريال من كيفه طلق اوكي لكن اهم يشرطوون

معناته قطعوو رزقهاا

وقطع الاعناااااق ولاقطع الارزااق

بشريهم بالحوووبه اللي بتهدم بيتهم عليهم

وذنبهاا برقبتكم انتو ياللي خطبتوهاا



مادري ليش احسج موانتي اخته ماادري

ليش!؟!

 

[لوفيه]

معناته تنام ةدمعتها على خدها

وبعد معناته كسرتوا وحرقتوا قلبها بطلاقها

وفوق هذا خطب وحده ثانيه عقب الزواج مباشره

والمظلوم له حوبــه والله يعين اخوج بحياته الجايه

دام انه ظلم وحده مو ذنبها ما عجبته

 

[انا لها شمس]

الله يعوضها ويهون عليها
والله حرام يكسر بخاطرها جذي
شذمبها اذا ريال ومغصوب ؟؟؟

وهذيج البنت مالها شغل اذا مو اهيا قالت طلقها غيرها بتقول
واهوا بايع بايع وماصدق قالوله طلق
وطلق ع طووول

ياليت تجبرون بخاطرها دامج جذي مهتمه بامرها حرام

*

 

[موفاهمة شي]

وليش مغصوب وين عايشين زمن الغوص ؟​

 

[خالتي قموش]

ودام منقينها موحلوه ليش ماعلمتوو مهند!!((اخووج؟!)))

هههههههههههههههههههه عسل وربي


مسكينه والله
ربي يعوضها بلي احسن وارجل من اخوج
وهو ما يستاهلها
على باله بيتوفق
ظلم بنت الناس وكل ذنبها انها خذت واحد رجعي

ذنبها برقبته وبرقبة مرته و الي قصبوه عليها

ترا الدنيا دواره
وباجر بيصير عنده بنات
وحوبة المسكينه وراه

 

[كليـ دلعـ]

^^^^^^^


غصبووه يااخذها. بس ماقدرو يغصبونه لايطلقها

 

[خالتي قموش]

عشتو
افتكت منه معقد
احسن ما تعيش معاه باجي عمرها ودمعتها على خدها

 

[دلال و غلا]

الله اعلم انه الذنب مو ذنبه اذا ع كلامج انه مقصوب و محد يقدر يقصبه يعاشر انسان ما يبيه

بس لو الله يهديه كان كلمها او افهمها عدل وقال انا مو مرتاح ومثل ما دخلنا بالمعروف نطلع بالمعروف

 

[دلال و غلا]

الله يهديه و يرزقها باللي احسن منه

 

[سحـورة]

معقوله تكون بشعه !!!!!!
انا بنظري كل الناس جميلين بإختلاف جمالهم
و الجمال مش كل شي فالحياه .. معقوله ما همهته اخلاقه و أدبها و كلامها وحسن حظورها !
للأسف اخوج تفكيره جداً سطحي ، أنا مش ضد الجمال !
لكن اللي مش مستوعبته انه مستحيل تكون البنت قبيحه و ما تنشاف حتى صح


آااخ والله زعلت على البنت
ربي يرزقها اللي أفضل منه واللي يستاهلها

 

[خالتي قموش]

جان قالها في فتره الخطوبه
او الملجه
الحين حطها في موقف خايس بصراحه
جدام نفسها واهلها والناس

الناس ما ترحم
حرام عليه
ليش ما قالها من الاول انه مو مرتاح
عقب ما طاح الفاس بلراس

 

[حلمي وامالي]

حسبي الله على بعض الرجال
ياويلكم من الله ومن ذنبها
ماتعرفون وش معنى وحدة تتطلق وهي عروس
واخوك نذل معاها مطنشها ويعطيها مشغول يعنني تجري وراي
قال شيفة قال
ليش الزواج اهم شي الوحدة تكون جميلة
ووينكم عنه يوم بغى وحدة جميلة
شحقه تظلمون البنت موحرام
مااقول الا الله يعوضها خير يارب​

 

[غدووور الكويت]

الله يعوضهاااباللي يقدرهااا