ظاهرة حب المعلمات

[إحساس غير الناس]

في المدرسة نلا حظ الكثير من الظواهر منها حب الطالبات للمعلمات
التي قد تكون ظاهرة محمودة ولكن
كندما تطغى هذه الظاهرة على المعلمات
النتيجة
* تمييزبين الطالبات
* مجاملات اثناءالحصة
وغيرها من النتائج التي لا تلاقيها الطالبات الاخريات
ولكن نأتي لشي الاهم مشاعر الطالبات
حيث ان الطالبات يتعرصن للغيرة
واحيانا كره الطالبة التي تحبها المعلمة ومعلمة
في موضوعي هذا لا اقف ضد حب الطالبة للمعلم والعكس
لاكن بالقدر المعقول وخارج جو الصف

اترك لكم المجال للتعليق
:aha: :eh_s(21):

 

[حب الرّمان]

حب الطالبات للمدرسه شي ايجابي علشان يحبون الماده بعد مااعتقد ان المدرسه بتفرق بين الطالبات .......

 

[monmon12]

مم انا فهمت قصدج

هالضاهره موجوده لكن انا اشوفها غير صحيه لأنها يمكمن تلأثر على علاقة المعلمه مع الطالبات

وقد تتحيز أيضا فتفقد مصداقيتها وموضوعيتها المطلوبه منها

الطالبه ما عليها شرهه

لكن المعلمله ايهي السؤوله ولازم تنتبه

وانا شفت مشاكل وايج صارت والسبه هالشيء

 

[نجود]

اؤكي انا احب ابلتي عشاان شرحهاا .. اسلؤؤبهااا . ممكــن طريقة لبسهآآ.. مو احبهاا حب مدري شلؤن صاير اغيير من اي بنت تكلمهآآ و حركاات و بنص الشرح تقط عليهآآ كلمه حلؤه مالهها دأأعي عاأأد لا تشؤفين الابله طااأأيره وتقعد تزيد من هالعلامآآآت !!

والابله بعدين تميزهأأ بين البنأأت وتمدح فيهأأ يأأليت من شطارتها لا من كثر ما مدحت فيهاأ

انا الصرااحه ضد ان الطالبه تحب المعلمه حب مدري شلؤن صآآير <<< اهم شي فهمتو ؟؟ " مدري شلؤن صآآير " هع
هذأأ راايي و شكرأأ

 

[dnyay_mll]

رد : ظاهرة حب المعلمات

انا كنت احب ابلاتي

بس مو الحب اللي فيه مصخره ورسايل

اذكر ابلتي الاجتماعيات بالابتدائي من كثـر حبي لها ماكنت اغيييب وحتى لو مريضه اداوم عشانها

وابلتي بالمتوسط نفس الشي مس الانجليزي من كثـر ما احبها تفوقت بالانجليزي

مايمنع اودي لها ورده

اييب لها هديه بعيد المعلم

بس رسايل وغيره وهالسوالف البايخه الله لايبلي بنتي فيها

 

[kl al5jal]

رد : ظاهرة حب المعلمات

زين ان البنت تحب ابلتها عشات تحب الماده بس ان حب ورسايل و الحجي الفاضي اكييد محد يرضاه واذا المدرسه عطت الطالبه ويه راح تتمادى اكثر واكثر ... هذا رايي مشكوورة عالموضوع

 

[..<< ندى الورد >>..]

رد : ظاهرة حب المعلمات

شوفي في نوعين من حب المعلمه .

النوع الاول احب شرحها واسلوبها

النوع الثاني رسايل وخرابيط

انا اقول المسؤول الاول والخير في هاذي العلاقه هي المدرسه

تقدر توقف الطالبه عند حدها وتقول ترى فيه خط احمر

 

[مملوحه السهول]

رد : رد: ظاهرة حب المعلمات

لا طبعا سوالف الخرابيط مو حلوه


والمعلمه اهي اللي تقدر توقف هالامر وهالفوظه


وتعرف شلون تخلي الطالبه تحترم نفسها غصب عنها

 

[درة أهل الطولات]

رد : ظاهرة حب المعلمات

احب انه طالباتي يحبوني ويعطوني رسايل بس ماراح يلقون ردة فعل بالمرااااااااا

 

[كراميلا مرة]

رد : ظاهرة حب المعلمات

كلنا حبينا بوقت المراهقه
بس هالايام حبهم غير وخاصة اذا كانت المعلمه اهي مراهقه اكثر من الطالبه

 

[ودوده الحلوه]

أنا احب ابلتي لكن احبها علشان اسلوبها وشخصيتها وصرت احب حصتها وشاطره بمادتها بس مو حب مصخره رسايل واشعار وماادري شنو لانها تضل ابلتي احترمها واقدرها

 

[جنونيهـ]

شي حلو انها تحب مدرستها باحترام وبحدود العقل اما تزييييييييد وتوصل للغيره والتحكم والمجامله الزايده ولبلاوي الله العالم فيها نوووو

 

[كيكه توفي]

مادري اذا فهمت قصدج صح يعني الطالبه تحب المدرسه وتغار عليها ؟؟ اذا هذا قصدج صح في بنات حب ورسايل حده الوضع أي شي ..
انا كنت أحب المدرسات على سلوبهم ونفسهم الحلوه يعني مرات تصادفني مدرسه سلوبها ونفسها حلوه بالتعامل ادش القلب ومرات تصادفني مدرسات نفسهم شينه تخليني حتى الماده اكرها بس مو لي درجة اني احبها اتلصق ورسايل ومن اشوفها اطير لها لا شالسوالف انا شفت بنت وحده جذي كانت معاي بالثنويه كنت اضحك عليها

 

[Freakya]

ههههههههههههههههه

شهالابله الهبلة اللي مو شايفة خير ؟؟؟ تزيد طالبة درجات بس عشان تحبها

انا حب الابلات بالنسبة لي يعني احترامها و تقديرها

مو رسايل و خرابيط

يعني الطالبة ما تقدر ما تحب ابلة سنعة اسلوبها حلو و شكلها حلو و شرحها اقوى شي !!

 

[مآمثلك شبيه]

رد : ظاهرة حب المعلمات

اممممم الصراحه انا مع البنات الي يحبون الابللات
هآذآ يشجعها وتقتدي فيهآ وهآذي حده شي إيجآبي ليش انتم ضده
ترآ حلو من البنت تحب ابلتها لكن بإحترآم أكيد ووجذي
إحنآ شكثر بثآنويتنآ هالسوآلف والله ي بنات عندنااااا ابله تحببج فيها غصب وربي
من أسلوبها من كلامها من شرحها وتنصحنا مثل بناتها وتقووول انا بنآت مو أبلتكم انا مثل امكم يعني إذآآآآ حبيتها واعجبت فيهااااااا غلط ؟؟
لآ بالعكس هآذآ يزيد من إقبآل ألبنآت ع حصتهآ وويشدون حيلهم عشآنها ,, أممم أتمنآ فهمتوني

 

[غرور وايل]

حبووبه بصصراحه حب الابلات شيء عاادي
بسس بحدوود الاحترام يعني مو اغار عليها وهالخرابيط ~

يعني احترام باحترام ~

 

[dj.RomanCe]

رد : ظاهرة حب المعلمات

السلآإم عليــكم ورحمه الله .~

لفت نظري الموضوع .. وحبيت آشارك فيه بوجهه نظري الشخصيه وكلي آمل آن يتم آحترآمهآ قبل تقبلهآإ

ظآهره حب الطآلبآت للمعلمه هي ظآهره طبيعيه صحيه .. وهذآ الشي في مصلحه الطرفين
الطآلبه بتجي من آقصآها عشان تثبت للمعلمه آن مآكو آحسن منهآ بالمدرسه كلللش وبجذي تشد حيلهآ وتحآفظ على مكآنها بالصفوف الآولى ..~

المعلمه رآح تكون عندهآ ثقه بمدى تقبل الطآلبآت لها .. راح تجي المدرسه وآهي مستانسه تنطر شنو راح يصير اليوم وتكون حصتهآ ويومها العملي حلوو ..

:icon30: زيين جذي

نجي الحين لمسأله الرسايل والغيره ومفهوم هذا الحب ..~

مفهوم هذآ الحب .. ~
كل آنسان يفسر آعجاب الطآلبه بمعلمتها على كيفه ..~ ناس يقولون هالبنت موصآحيه هالبنت شآذه فيها شي فيهآ بلآ بوويه
منحرفه ... آلخ

طيب ليييش ؟ آنتو يا ترى تعرفون نيتها ؟

الرساله تعبير كتآبي لهالمشاعر اللي تشعر فيها البنت تجاه معلمتها من تقدير آحترام محبه شوق آلخ ..
مثلآ غابت الملعمه اللي آحبها لفتره .. لما ترد مافيه حرج آني آرسل لها رساله آعبر فيها عن شوقي لها اثناء غيابها .. فيها شي ؟

مناسبه مثل عيد المعلم أو عيد الأم ... عن نفسي متعوده آقدم هديه آو ورد لمعلماتي اللي آحبهم حييل في عيد الآم لأني أعتبرهم بمكآنه آمي .. ولآمانع من رساله هل هذا غير آخلاقي آو عيب ؟؟



الغيـــــره .. ~

الغيره سلوك صحي 100% بآجماع كل علماء النفس على الحب .. الآبناء يغارون من بعض على أمهم الأخوان يغارون من بعض على محبه أمهم وأبوهم
ماأعتقد فيها شي لو غارت طالبه من طالبه آخرى على محبه معلمتها بالعكس راح يكون تنافس شريف بين الطالبات على محبه المعلمه منو تآخذ آعلى درجه عشان الملعمه تمدحها منو تحضر مبجر منو تسوي الدرس منو تشارك بالنشاط

<< هذي مو فوايد ؟؟

ليش الناس دايمآ تشوف الجانب السيئ ؟

المحبه في الله شي جميل وآن آحب معلمتي في الله وآعزها وأقدرها وأتمنى أكون الأفضل في نظرها وأنافس كل من في المدرسه عشان آكون الآولى والأحسن والأفضل في نظرها شي جدآ جميل .. ~


وآتمنى من كل معلمه آنها تفتح قلبها لكل بنت تحبها في الله لأن البنت لو آنها لاقيه حنآن ومحبه وتقدير جآن ما حبتج آنتي يا الغريبه وفضلتج على الناس ! صح آو لآ ؟


شآكره لج الطرح آختي .. يعطيج العافيه

 

[caramil]

رد : ظاهرة حب المعلمات

بصرآحــه موضوع قديم جديد نشوفه ونسمع عنه وآيــد ونعيشه ونحاول إنا نتعايش معاه ..تسلملي كاتبة الموضوع

اما رايي الشخصي..عن تجربة شخصيه اذكر لمن كنت طالبه بالمرحله الثانويه استغربت من هالظاهره بشده ..ولو اني معتاده
عليها لكن الغريب بالموضوع..اهوا حب المعلمــه للطالبه ..يعني العكس..وكانت المعلمه مينونه بهالطالبه
وتزيد علاماتها وتركض ورا مصلحتها..

طبعاً كل من كان يفسر هالحب حسب نيته وطريقة تفكيره..انا عن نفسي كنت اعتقد انها تبي تزوجها لأخوها او لأي احد يصير لها
وحابتها...لأن البنت مشالله عليها ماتنعاب..

لكن مع الوقت اكتشفت الادهى والامر..لمن قالولي انها تعشقها وتييب لها هدايا وموبايل ويوم عيد ميلادها هدايا
لا تعد.. والبنت نفسها تشتكي تقول انا ما ابي شي منها..بس ابي افتك وارتاح من هالمينونه..والمشكله الابله كبيره بالسن
يعني فيها 45 سنه..ومو متزوجه..عموما مابي اطول الموضوع واهو قصير...

انا كمعلمه..احب ان طالبتي تحبني تتقبل اسلوبي لأن دراستي بكلية التربيه علمتني ان شخصيتي كمدرسه
شيء داخل بالمنهج..لبسي مكياجي عطري جنطتي اسلوبي نبرة صوتي..كلها امور داخله بالمنهج وتساعد الطالبه
على الفهم والتركيز..وتلفت نظرها..و قد تزيد من احترامها لي..او قد تقلل من احترامها لي..

يعني لما ادخل الفصل اتعلج و امطلعه قذلتي واطق بالعلج و اتخصر بالمشيه و أقل ادبي على البنات..( لكل فعل ردة فعل)
لا استغرب لما يقل احترامهم لي و تقل محبتهم لي..

حب الطالبات للمعلمه ظاهره جيده لأن بالنهايه الطالبه تقضي نص يومها مع هالكائن ( المعلمه) لازم تتعايش معاه تتكيف معاه
علشان تقدر تاخذ وتعطي معاه في مجال مصلحة الطالبات..وعموماُ المعلمه مربيه قبل لا تكون معلمه..وقدوه لا بد ان تكون حسنه
والطالبات قد يكونوا بسن المراهقه يفقدون الحنان او فيهم فائض من الحب والمشاعر ماكو مانع انهم يفرغونه بحب المعلمه

على الاقل تحب شخصيه محترمه وتقتدي فيها اقتداء ايجابي..احسن من انها تحب فنانه وتحولها لإنسانه سلبيه وتقلدها..

لكن لكل شيء حد..حد العقل..الدين..العادات..المجتمع...وايد حدود..لازم ماتتجاوزها المعلمه..لأن الطالبه ماتنلام محتاجه لمنو يوجهها
العتب على المعلمه و اهيا اللي المفروض تكون الموجه والقائد لهالعلاقه..

ومشكوره آسفه طولت بالكلام..

 

[العبيدان tenuta]

رد : ظاهرة حب المعلمات

اشوووووف مافيها اي شي لانه البنت مراهقه وعلي مدار السنه لقت ظالتها عند هالمدرسه تلاقين مشاكل بالبيت فاقده حنان امها اصدقين مره بنت صغيره قالت حق امها ياريت الابله الفلانيه تكون اهي امي تصوري تقوله حق امها
تدرين ليش عجبها لبسها هدوءها طلتها وهذه البنت كانت بالروضه
انا اذكر يوم كنت برابعه ثانوووي بنات اولي كانت كذا وحده ونفس الشي تجيني وتقولي انا معجبه فيج وتنطرني الصبح مره معاها ورده مره رساله حتي ربعي يعايووووووني
بس عااااااادي بالعكس اتقبله بشكل رحب وعفويه وادري مرحله وتمر
وعلي قوله اصاله لاتخاف من الزمان الزمان ماله امان
كلنا ناقص حنان
خرته بالاغنيه بس كلها علي بعضها تفي بالمعني واللي حافظتها وتعرفها تصيد المغزي​

 

[CALM]

رد : ظاهرة حب المعلمات

ولا عمرى حبيت مدرسسه يعنى ما ادرى ليش بصرااحه :\ تلووع جبدى منهم < هالحجى لما كنت بالمتوسط

وايام الثانوى مرو علي مدرساات والله خووش معلمات يستحقوون وساام


امااا سالفة حب الطالبه للمعلمه بعيده عنى يمكن لان ما اواطن شي اسمه مدرسه لووول