ظاهرة غريبة بالمنتدى ...تبط الجبد صراحة ..

[بطه فيها نطه]

جزاك الله خير اختي ... والله يغير الحال

 

[شآعرة الخليج]

ماعليه ياما مواضيع نزلت بكثره بخصوص هالظوآهر الغريبه

بس في نآس بطبيعتها ما تحب ترد على اي موضوع

يعني تدخل وتقرى وتطلع اعتقد مو جريمه كل وحده وحسب الي يعجبها

مشكوره خيتي

 

[ســــــــــما]

في اسباب ثانية.

الزوار اللي يدخلون المنتدى، محسوب عليهم عدد المشاهدات

+


الاعضاء اللي شاركوا يدخلون الموضوع مره ثانية بعد المشاركة فيه (وانا وحده منهم أحب اجيك الردود)

+

العضوة نفسها صاحبة الموضوع تدخل على موضوعها للاضافة او الرد او الشكر ،(ومحسوب عليها عدد المشاهدة)

+

اعضاء جذبهم اسم الموضوع لكن طلع المضمون ما يستحق الرد (في مواضيع احيانا ادخلها يفضل مااشارك فيه) لانه ماله هدف ولا مضمون


+

أعضاء يدخلون المواضيع ، لكن يشوفون نفسهم ماعندهم القدرة على الرد او المساعدة.


يعطيج العافية

فعلا نو واي تو نو

كلامج عدل وانا معاج

بصراحه انا مو كل موضوع ادشه ارد عليه

مو نحاسه ولا كسل

بس مرات ما يكون عندي الرد المناسب

مثلا وحده تطلب مساعده بموضوع معين واكون عاجزه عن الحل

ردي ما راح يزيد ولا راح يأثر فما ارد

ومرات يكون الموضوع سخيف وماله هدف فليش ارد حق ا لهواش مثلا ؟؟ افضل السكوت احسن بدل ما ارد واقولها ان موضوعها ماله هدف وانا مو مقتنعه وبعدين ترد علي وتقولي (( مو عاجبج لا تردين)) فأفضل السكوت ..

لكن لما ادش والاقي موضوع هادف ومتعوب عليه اكيد ما اطلع من غير رد لان الموضوع يستحق الشكر



وبيني بينج

انا عن نفسي لما احط موضوع وما الاقي علي ردود كل الي اسويه اني ارفعه

لكن ما الوم احد ولا اقول الكلمه المعهوده (( شدعوااا 18 مشاهده ولا رد )) كلش ولا يطري بالي اني اقول جذي ولا عمري قعدت اقارن بين عدد المشاهدات وعدد الردود ، ومهما كانت عدد الردود قليله بالنسبه لي البركه في الي ردوا .. وليش اركز على الي ما ردوا .. الي ردوا يكفون ويوفون .. والي ما ردوا عذرهم معاهم .. يمكن ما شدها موضوعي عادي مثل ما انا مو كل المواضيع تشدني نفس الشي العضوات مو شرط كل موضوع اكتبه يستحوذ على انتباههم ..

وشاكرتلج طرحج للموضوع حبيبتي

 

[سكارلت]

هههههههههههههههههههههههههههههههههههههههههههههههههههههههه

لهدرجة مهتمين بعدد الردود اهم شي الموضوع يكون حلو ومفيد ومرتب ولا الردود على الموضوع ماتهمني ولا تأثر على

نفسيتي

بعدين اغلب الردود مالها فائدة ولامعنى ولاقيمة انا تهمني الردود الي تضيف لموضوعي اكره ماعندي


الردود الي مثل يسلمو وشكرا عندج اضافة مفيدة حياج لكن رد لمجرد الرد انا ارفضه

وشكرا

 

[شيوم]

يعطيج العافيه