ظاهرة bullying

[dalo0oa121]

تعرفون انه هذا لظاهرة منتشرة بشكل كبير سواء بالمدارس وحتى بالشغل وتؤثر عال نفسية الشخص نفسه اللي يتعرض للسخرية من أقرانه ومضايقات بالمدارس وانتهوا مب خائفين على عيال كم من هال ظاهرة الخطيرة وطبعا انا تعرضت لمضايقات كثيرة بالمدرسة بسبب شكلي وطريقة كلامي وكثير من اللي يضايقون للأسف يستمتعون بالألم اللي نتعرض له كل يوم بالدوام يالين لو تذكرون لنا تجاربكم لأني أحس اني مب الوحيدة

 

[Tom ♥ Jerry]

,


حياتي وضحيلي شنو اهيه المشكلة بالضبط ؟
مآ عرفت الظآهره ؟

 

[Pinky -cat]

حتى انا ما فهمت شنو هالظاهرة وشنو فيها ؟؟؟

 

[الأميرة جوري]

شنو تقصدين؟؟!؟؟

 

[royality]

bully باللغه العربيه التنمر
اللي اهيا يكون شخص او مجموعه يأذون شخص أضعف منهم ويوجهونله كلام يأذيه نفسيا أو فعل
اتوقع هالظاهره منتشره بالمدارس الاجنبيه اما عندنا مادري ماشفتها بكثره

 

[dalo0oa121]

أختي رويالتي ما قصرت شرحت لكم معناه

 

[ابي قطوة ميوووو]

المقصود فيها التعيب والتطنز والسخرية
ومو بس بالغرب يا كثرها عندنااا :eh_s(14):
وانا همن تعرضت للسخرية وايد ومازلت . يعني ما اعتقد مافي احد ما تعرض لهشئ !
لكن اهم شئ نكون واثقين بنفسنا ونحقرهم , صج مرات لازم ما نسكت ونرد عليهم بس حطي ببالج دايما انه اهما مرضى نفسين والعيب فيهم مو فيج ووايد شخصيات راقية ومعروفة تتعرض لهشئ حتى رجال الدين !
ولا يقذف الا الشجر المثمر !:eh_s(22)::eh_s(17):

 

[نونه المنكوشه]

حبيبتي موبس انتي وايد ناس جذي واولهم الرسول عليه الصلاة والسلام ياما تأذي من الناس ونظلم واهوه شفيع الأمه وصاحب شخصيه قويه واحسن البشر بس الله ابتلاه لحكمه وانتي مبتليه لكن تاكدي الله بينصرج الحين وله بعدين وحطي ابالج اي شخص يعيب وله ينتقص من قدر احد هذا انسان جداااا ضعيف ومهزوز لواتحمرين العين عليه بتطلع حقيقته انه اكبر جبان والحين مفاهيم الناس تغيرت حسبالهم المؤدب وله مايرد ضعيف جربي مره اتثورين ع اي شخص يقلل من قيمتج وشوفي شلون بيمشي عدل لاتحشميين احد مايحترمج واذا احد عيب قوليله شوف نفسك بعدين تعال انتقد غيرك قبل انا كنت اقول عيب ومايسير لكن اكتشفت الناس اتحب اللي يحمرالعين عليها والله الحين اللي يقط كلمه اقط عشر واذا زودها عادي اقوم ادفنه هههههه

 

[Shinexo]

في فـ آسترآليآ

متنمر آسمه ريتشآرد يبلغ 12 سنه ( حجمه حيل صغير )

كآن معروف بآلمدرسه آن يتنمر حتى ع آللي آكبر منه عمر و حجم

في يوم من آلآيآم مسك ولد آسمه كآيسي عمره 16 وآلولد مشآلله جسمم

صآرله سنين يتعرض للتنمر ويسكت

بس وصل لمرحلة آلآنفجآر

مسك ريتشآرد رفعه و ضربه ع آلآرض

آلمتنمر طبعآ آنصدم ( هآلشي خلآه يتوووب )

كآيسي صرح آن هو مآكآن يبي آلآمور توصل حق آلضرب بس لين متى بيتم يسكت

طبعآ آلفيديو آنتشر آنتشآر رههههههيييييب في آلعآلم


Bully Gets Slammed By Fat Kid - YouTube

^

هذآ فيديو آلحآدث

في ضحآيآ آلتنمر يموتون من كثر آلضرب آو آلآلآم آلنفسيه

آلمصيبه لو هآلشي آستمر ف آلكبآر يمكن آلآجآنب مآعندهم لي مرحلة بعد آلجآمعه يعقلون

آمآ عندننآ آحنآ حدث ولآ حرج

آستغرب من آلآمهآت آللي عيآلهم يتعرضون حق هآلشي مآيجون للمدرسه آو يتكلمون يسكتون :\

آلولد جذي يتمآدى لو جآفكم سآكتين عن حق ولدكم

 

[عـيّــآره]

والله استغرب من الناس اللي تتعرض للاهانه وتسكت يعني ليش شنو يحسون فيه ياليت صاحبة الموضوع تقول لنا

هي ليش يوم تتعرض لمواقف تزعجها تسكت ودي اعرف ضحايا المتنمرين اساسا ليش يلتزمون الصمت

لا فيه ناس يسمعون كلام يضايقهم او سب او تجرريح او فعل وقح من بعض الناس ويسكتون ؟؟

بس ودي اعرف من البنات اللي يمرون بهالمشكله شنو اللي يمنعهم من انهم ياخذون حقهم

....​

 

[lonelya-w7danya]

عاد مسويين حملة انا و رفيجتي ضد هالظاهرة

 

[Pinky -cat]

فعلا في طلبة وايد يحبون يسووون هالموضوع عشان يكسب شعبية ويسوي له شلة اصدقاء ويكون قوي ومؤثر ، هاذا حب
سيطرة منه ورغبة انه يكون رئيس ويكون له انتشار بين الطلبة على حساب استخدام العنف على الطلبة المحترمة اللي تبي
تدرس وتبي تكون زينة .

 

[PuPa^^SWeeT]

ظاهرة البولينج او ظاهرة التنمر يسمووننها


يشوفون شخص طيب ولا ضعيف ولا كافي خيره شره

ويروحون يستقوون علييه و يعيبون عليه ولا يدزونه و يطقوونه




سبب المشكلة


تقليد الغرب في كل شي


مثل الافلام عبالهم انهم يكونون شي حزتها


والمتنمر نفسه


تكوون بيئته عنييفة

 

[PuPa^^SWeeT]

والله استغرب من الناس اللي تتعرض للاهانه وتسكت يعني ليش شنو يحسون فيه ياليت صاحبة الموضوع تقول لنا ​

هي ليش يوم تتعرض لمواقف تزعجها تسكت ودي اعرف ضحايا المتنمرين اساسا ليش يلتزمون الصمت​

لا فيه ناس يسمعون كلام يضايقهم او سب او تجرريح او فعل وقح من بعض الناس ويسكتون ؟؟​

بس ودي اعرف من البنات اللي يمرون بهالمشكله شنو اللي يمنعهم من انهم ياخذون حقهم ​

....​

انا مدرسة


وبصدمج لما اقوولج

انهم بعد مايخلصون من ضحيتهم واتكون دايمن من اصغر مرةحلة بالمدرسة


انها ان فكرت اتعلم احد بس


بيزيدون الطق و العنف عليها


وايد بنات ساعات ايوون لابلة يحبونها

ويقولون لها


الابلة ماتقدر اتصرف بروحها فا لما اتقولها امشي الادارة اتخاف وترجع


انا شخصيا بلغت ولية امر عن وحدة من الطالبات ضحية تنمر


تخيلي البنت جذبتني من كثر ماتبي تنطق زيادة


ولا تبي تنشهر انها الخوافة اللي راحت شكت عند امها

 

[بدون بس مغتربه]

هنا الغرب في مرحله من العمر يعطون حمله عن الموضوع في المدارس يعني قبل لاتبدا شطانتهم.
ويفهمونهم ان هل المبداأ غلط .. وطبعاً الاطفال يستوعبون الموضوع لكن تجي حالات معينه ينسون فيه اللي تعلموه بالاخص اللي يواجهون مشاكل في والطفل يكون مو متواصل مع اهله لهل السبب تطلع هل الحالاات وطبعا اذا الاهل مااسواا شي حق عيالهم يودونهم حق النفسسين .
طبعا هني اقصد الغرب اللي في اوربا مو الغرب اللي في امريكيا. امريكا هي اللذ دمرت العالم بافلامها.

اما اليابان ثقافه ثانيه مسيطرين عالوضع اكثر . بحيث يعلمون الطلاب عل الاحترام والواجب من الصغر.

وهذا هي الظاهره فعلى الكويت تسوي هل الحملات في المدارس بكل المداري العامه والخاصه

 

[M!SS.LOBY]

كلامكم يابنات عدل هالظاهرة هذي كنت اشوفها بالمدرسة كنت حيل صغيرة بس الوحدة لازم تكون عندها ردت فعل عشان هالشئ هذا ما يتكرر عليها

 

[black123spider]

السلام عليكم ورحمة الله وبركاته


مثل ما تقولين هالظاهره وايد منتشره .. تدرين ليش ؟ لأن في ناس مايكون لهم شخصيه بالمتوسطه ومن يدخلون المرحلة الثانويه تلاقينه كوّن له شخصيه جذي .. عشان ينشهر ويكون محبوب ..

لأن الحين بزمنا لاحظي أكثر اللي ينحبون اللي " يضغطون ، يتمصخرون عالناس " فـ للأسف يكون فاهم الشعبيه غلط وحب يبين بصورة خاطئه

وعلى الأغلب راح يصير فيه يوم مثل ماقالت الإخت " shinexo" إن في متنمر أكبر منه راح يحضر ويرده لوضعه الطبيعي ^_*