*~~ ظـروري أبـي عـيـاده أقـل تـكـلـفـه بـزراعـه الأسـنـان . . ويــــــــــن :( ~~*

[NaturaL.GurL]

السلام عليكم


انا ابي اسوي زراعه اسنان وابي عيادة ما تكلف

بصراحة دقيت على وايد عيادات اللي تقول 500 و اللي 380

و اهم شي اللي تقول 350 بعد الخصم ..عيل قبل الخصم جم كان

الصراحة وايد غالي المهم لمه طحت على عيادتين يسوون زراعه ب150 و عيادة تيجان عندهم بـ200 دينار
يعني ارخص شي حصلته 150 بالعيادات المعروفه وحدة البراء الطبي و الثانيه والله نسيت جنه الحساوي اذا ما خاب ظني من كثر العيادات اللي دقيت عليهم نسيت بالضبط

فأبي اعرف في زراعه اقل من 150 والا 150 اقل شي؟

لاني قاعدة ادور اقل سعر وما ادري ان جان 150 اقل شي بالخاص ؟؟


امانه اللي ما تعرف ترفع الموضوع :yaaaaaarb:و يزاكم الله خيييييييييير :hjy5jewf:

 

[مدهال]

والله ما ادري بس الزراعه مكلفه واااايد بالكويت
والله يسر امورج انشاء الله

 

[قفشه شكر]

والله زين هالاسعااااار
انا دقيت على عياادة الخلليج تقوولي 1000 بعد الخصم @@
اب اب اب لخااطر عيوونج

 

[حبـك سـراب]

@@

وي وي زراعه بـ 500 , 1000

لييييييييييش و شصاير ؟؟

والله مادري حبيبتي بس شوفي زين كلينك في ابوحليفه يمدحونه دكتور هيثم ..

وماتشوفين شر حبيبتي ..

 

[LuLiTa]

حبوبة ليش معذبه نفسج ؟

عيادات الخفجي شحلوهم و شزينهم ,,, انا كانو معاي بنات بالثانوية يطقووون درب حق العيادات عشان يركبوون تقويم ,,, ما شالله تلقين 3 خوات مركبين تقويم و خلال جم شهر تلقينهم شايلينه و تعالي شوفي شحلااات الابتسامة =)

و الله كاان معانة وحده يت مداومة و مركبة السيخ الحديد مال زراعه الاسنان و الشهر اللي عقبه غابت يووم و ردت لقيناها مركبه السن كاامل و خالصه =)


و الاسعااار يا بلاااااااش جنه الزراعة ب 200-100 دينار و هم في خصومات حق الكويتيين ,,

 

[NaturaL.GurL]

أووله ألف بعد الخصم !! والله حرام مستغلينا خوش استغلال حسبي الله عليهم
بالحكومة 50 دينار ذاك اليوم رحت ابي اسوي قاللي وقفووووو الزراعه الحكومه !!!!!!!!!!!!!
ليش ومتى وشحقه ما ادري استغربت
وبالنسبة للخفجي عباله والله يبيله تدورين أحد يتنازل و يوديج من يوديني يا حسره

 

[~Princess~]

توني ادري ان بالحكومه موقفينه عاد زينين ويستخدمون نفس الاسنان حق الزراعه

 

[%ورد طايفي%]

سوي بالحكومه اضمن لج
وانا الصراحه ماعندي خبره
بس تاكدي كل ماكانت العياده رخيصه يعني شغلهم بو طقه

 

[NaturaL.GurL]

رحت أبي اسوي بالحكومة ما رضى يعطيني تحويل قاللي احنا موقفينه حاليا

مادري موقفينه بشكل مؤقت والا دائم بس ما اقدر انطر لازم اسوي هالايام لأن زواجي قريب

 

[أم التباشير]

مستوصف السور عندهم دكتور هندي شاطر واسعارهم حلوة
في منطقة المهبولة قبال مطعم ماكدونالز

 

[كويتية و عتيبية]

رد : *~~ ظـروري أبـي عـيـاده أقـل تـكـلـفـه بـزراعـه الأسـنـان . . ويــــــــــن ~

شوفي ارخص عيادة بالكوويت تيجان الدولي بس يوم رحتلهم صكووني صكة..

مالج الا تروحين الريااض اسعاارهم ولااااشي بالنسبة للكويت..

 

[NaturaL.GurL]

مشكورين حبيباتي

في عيادة المنار كلينك طلعت ارخص من تيجاان منو جربها؟