السلام عليكم بنات حبيت اطمنكم ان ريلي امس ياني البيت معا ولده مسكين عووووووووووور قلبي والله ويهه كلش متنفخ وصاير بنفسجي وضروسه مطيحينهم وحلجه كله مشقوق ومخيط ومايعبر يمشي عدل ولا ينعرف له شيقول عدل قالي سامحيني وتم يبجي ولمني يقولي انا خايف عليج احاتيج قلت حق اخوي اييب لج كل شي تبينه اهو بنات يوم رد من الدوام يوم الاحد الساعه 8 الليل ياني البيت وقعد معاي وتالي قال بروح السوبر ماركت باييب اغراض باسوي عشى قلت له لا اتروح اهناك لان كله مشاكل والله كل مره اقول لا اتروح ذاك الصوب المهم راح وماحصل اللي يبيه اتصل لي قال اشتبين عشى وتالي تم لي 10 اتصل له مايرد لي 3 الاثلث جذي في الليل الا ولده رد علي وقالي السالفه اهو سياره يايته بسرعه وسوى حادث ونزل لهم كانو 3 يقول وتهاوشو وطقوه وكسرو سيارته وخذو بوكه واشردو شافوه الناس طايح في الشارع وعرفوه وراحو بيته نادو ولده ويابو له اسعاف والحين مايدرون وين سيارته ولاعرف اللي طقوه وعليه يبجي يقولي سامحيني خذو بوكي عطاني فلوس قال خذتهم من ولدي وقلت حق اخوي اي شي تبين اييب لج وقالي لا اتخافين انا ما اشوف هاذي انا ادري تفكرين جذي بس انا بيتي معزول من يوم انتطلق وولده نايم معاه وايوديه مواعيده المستشفى ومسكين اهو تعبان لان كليته بعد عطيته اثياب وادويته وقلت حق ولده تحمل فيه مسكين حتى لابس اثياب مادري من وفيهم دم بعد تحسفت والله قد شعر راسي انه ظلمته وظنيت ظن مو زين فيه وحكمت عليه قبل لا ادري شسالفه وقبل لا اشوفه بس كنت مقهوره وخايفه وسامحوني طولت عليكم انا من امس باانزل الموضوع بس تعبت ونمت الحمدلله وقلت باطمنكم واشكركم كلكم والله ماقصرتوا معاي الله لايحرمني منكم وان شاء الله اوقف معاكم في الافراح يزاكم الله الف خير والله انا في البدايه ماكنت بانزل موضوع لان ماحب على كل شي انزل موضوع بس التفكير كل عقلي وسامحوني مره ثانيه هذا رابط موضوعي http://www.q8yat.com/t990021.html
،
