ظل راجل ولا ظل حيطه !!

[CheeSeCaKe]

[font=&quot]السلام عليكم ورحمة الله وبركاته ،،
[/font]​

[font=&quot]
اليوم في صباح الوطن .. كانوا مقابلين د . بشير الرشيدي واخصائيه نفسيه اعتقد إذا ما كنت غلطانه اسمها سميره دهراب[/font]​

[font=&quot]كانت المناقشة عن الطلاق والحياة الزوجية ..[/font]​

[font=&quot]
ان الطلاق مو مرض ولا علة او حتى مشكلة اهو في كثير من الأحيان أو غالبا حل وعلاج لأزمة معينة ..[/font]​

[font=&quot]
وأن المرأة اهية تحدد مصير حياتها .. يعني إذا قررت انها تكون ضعيفه راح تكون ضعيفه وإذا قررت انها تكون قويه راح تكون قوية ..[/font]
[font=&quot]
[/font]​

[font=&quot]وضرب مثال ان في بنت كانت تقول مشكلتها [/font]​

[font=&quot]وان مدرسها الخصوصي تحرش فيها وواهية مو عارفه شنو تسوي !![/font]
[font=&quot]
[/font]​

[font=&quot]فالدكتور حب أن يعرف رد بنته سألها قالها لو تحرش فيج المدرس الخصوصي واهو يدرسج شنو بتكون ردة فعلج ؟؟[/font]​

[font=&quot]جان ترد وتقول : اشيل الجوتي واكفخه ![/font]​

[font=&quot]قالها انزين وإذا تحرش فيج واحد بالشارع قالت : بحقره [/font]​

[font=&quot]وإذا قط رقمه : قالت هم بحقره [/font]​

[font=&quot]انزين وإذا مد ايده قالت : احطه وادوس ببطنه !![/font]​

[font=&quot]
الفرق ان البنت صاحبة المشكلة قررت انها تكون ضعيفه وراضخه [/font]​

[font=&quot]لكن بنت الدكتور .. عارفه اهية شنو وردة فعلها شنو وقررت انها تكون قويه ...[/font]​

[font=&quot]
الغلط غلط .. لكن السؤال هل ردة فعلج كانت بالموقف اهية المطلوبة !![/font]​

[font=&quot]ومن ضمن النقاش كان أن المرأه أو حتى الريال .. حياتهم تقدرون تقولون جحيم او حتى مشاكل ميؤوس من حلها وحياة لا تطاق لاتواصل لا تفاهم ولا حتى يقوم احد الطرفين بالمسؤوليات الزوجية والأجتماعية والأسرية !![/font]
[font=&quot]
[/font]​

[font=&quot]والاستمرار في التمثيل والصبرعلى الضيم اللي ماله معنى بحجة ..." علشان العيال " أو بحجة " ظل راجل ولا ظل حيطه " [/font]​

[font=&quot]
والمرأه والريال .. يستمرون في هذه الحياة المزيفة باعتقادهم انهم ينقذون انفسهم او اطفالهم ..[/font]​

[font=&quot]وفي الواقع الطفل هو اول شخص يلاحظ هذا التأزيم في الحياة الزوجية .. هو المراقب الأول للأم والأب .. وهم يعتقدون انهم يقومون بحمايته !![/font]
[font=&quot]
[/font]​

[font=&quot]لكن الطفل يعيش في جو غير مستقر يؤثر على حياته من جميع النواحي .. والطلاق والانفصال هو بالنسبة له حل مريح .. [/font]​

[font=&quot]والزوجين يجعلون هذا الموضوع موضوع الأبناء او حتى عدم أخذها لصفة مطلقة .. اولوية في كل مشكلاتهم ..وينسون انفسهم .. حياتهم و علاقاتهم و نفسيتهم ..[/font]​

[font=&quot]بالنهاية تخسر نفسها وحتى ابنائها لأنهم تربوا في بيئة مليئة بالمشاكل ..[/font]​

[font=&quot]فالمرأة في أغلب مشاكلها .. تنطق أو زوجها يكون بخيل .. أو يسبها بالرايحة والرادة ... ويجعلها شخص مهمش .. ولم تذكر به صفه واحدة تجعلها لن أقول سعيدة حتى فقط مرتاحة في حياتها وحياة ابنائها نرى أن صفر من الصفات الحميدة تكون عند زوجها ..!![/font]
[font=&quot]
[/font]​

[font=&quot]وتكون استخدمت جميع الحلول معه وصبرت ولا فايدة !![/font]​

[font=&quot]ومع هذا تسأل ما الحل وهل الطلاق حل !! وانها مازالت متزوجه فقط بسبب ابنائها ..[/font]
[font=&quot]
[/font]​

[font=&quot]إذا زوجج يطقج جدام اعيالج واعيالج يصرخون ..!![/font]​

[font=&quot]شنو أكثر من جذي !![/font]​

[font=&quot]أو أن تقول " ظل راجل ولا ظل حيطة "[/font]​

[font=&quot]وين حياتج وين كيانج وين شهادتج وظيفتج ومركزج الإجتماعي وعلاقاتج واشكثر انتي محبوبة واشكثر اهلج يحبونج ..

[/font]​

[font=&quot]وقبل لا تتزوجين منو كان ظلج !!

[/font]​

[font=&quot]إذا ردج ما عندج او حياتج فاضيه .. أسمحيلي أقولج اشتغلي على نفسج من الحين .. محد بينفعج إلا نفسج في هاذي المواقف ..[/font]​

[font=&quot]علشان جذي كوني قويه قوية قوية .. وخلج واثق من نفسج وأن الغلط غلط ..ومحد يرضى بالغلط ..

[/font]​

[font=&quot]ودايما بحياتج الزوجية .. كوني انتي الأولوية ولا تجعلي ابنائك هم عذر لك وإلا بالنهاية ستخسرين جميع الأطراف ..

أحب أسمع رايكم بالموضوع
[/font]​

[font=&quot]
تحياتي،،،، [/font]​

 

[CheeSeCaKe]

up..

 

[كـ غلا ــلي]

الكلام في نوع من الصحه انتي عطيتي مثال لزوج يطق زوجته وقلتي بانه لازم الزوجه توخر عن دور المضحيه

وماتم مع هالريل بحجه اليهال بس حبيت اعلق وللمعلوميه المره اللي من هالنوع وتقول تحملته عشان اليهال اهيا خاشه

وراها شي مو هاذا كل الصج معظم الحريم اللي اعرفهم ورياييلهم من هالنوع من تقولين لها ليش ما تتركين ريلج وتشترين

راحتج وكرامتج تحط الحجة بالعيال لكن الصج اهيا تظل مع هالريال ظنا منها بانها لو تركته بتبقى وحيده وممكن ما يجيها

النصيب مره ثانيه وتتزوج فماراح تلقا اللي يعوضها جسديا فتفضل انها تقول ظل راجل ولا ظل حيطه مو كل هاذا عشان

عيالها هم عشان حاجاتها الجسديه تظل تتحمل وتصبر على امل عالريل يتعدل ويتسنع واغلبهم الرياييل من هالنوع يطخون

من يكبرون بالعمر وتطيحهم الامراض وهاذي حالات مرت علي من ناس نعرفهم وقراب منا .. سبحان الله المره بحاجه لريال

فتظل تتحمل الظيم والظلايم واهيا عارفه بجذي وتظل تشكي لمجرد الفضفضه مو لازم تلقا حل بس اهم شي يتم فلان بحياتها

في حريم جذي بمجتمعنا تربط حياتها بحياه ريال سالفه انها تنفصل تتطلب قوه من المره وتفكير بالمساله طويل لانه بمجتمعنا

اللي انكسر صعب يتصلح ونادر ما تلقين اشخاص انفصلوا رجعوا حق بعض هاذا غير الالام النفسيه اللي يسببها الطلاق

مو الكل يقدر يتحملها

 

[سكر فتافيت]

انا اوافق ان المراه هى ترمومتر البيت
ولازم تفكر بنفسها لكن مو بنفسها فقط وما عجبنى ان يكون لها الاولويه
دى انانيه والحياه الزوجيه مشاركه وبيجى على الكل وقت لازم يضحى
لكن لو افكر فى نفسى فقط البيت يخرب
المهم يكون الاساس سليم الزوج يتقى الله فى زوجته ويؤدى دوره
وكذلك الزوجه ومااحد كامل ولازم نتحمل بعض
لكن لو فى مشاكل عويصه مثلا يخونك اويسىء معاملتك بشكل كبير
وغيره من المشاكل الى حاولتى فيها بالتفاهم وتدخل الاهل وغيره
ولم تصلوا لحل
فإن الله حلل الطلاق ليكون المخرج من هذه المشاكل
وربنا يصلح لنا الحال جميعا
ويسعدنا مع ازواجنا
ويعوض كل مطلقه خير

 

[زوجة عزيز]

مشكوووره

 

[نفهمها صح]

فيه اشياء صحيحه واشياء لا
عندج مثال انا
لوو تطلقت المحاكم عندنا بسعووديه وما ادراك ما المحاكم عندنا
راح يبهدلني القاضي معرووفه عندنا بس علشان مطلق وهذا اذا حضر الجلسه زوجي وبعد كم شهر يعطيج مووعد تمتد 4شهور تضل تداوول فيها سنين
ولوو حكم تبين خلع جيبي مهره
معندي
ولوو تطلقت انا راح اعيش علي اي مبلغ
عيالي ميقدروون وحاوولت مافيه
تعرفين كم بشهر راح يعطيني لعيالي 300 ريال لكل واحد
يعني انتظر الي مالله يفرجها ويتخرج ولدي
وجلسس في بيته وخليه صراف لي وحق عيالي
لكن عن القوه الحمدالله كبروو عيالنا وصاروو سند لي
اما هوو معندي اي عاطفه اتجاه يمكن حتي الكلام معدووم
مانكر انه يحاااول يصلح الاموور لكن طاب الخاطر منه​

 

[G!RLooNa]

يعني مثل غبي ظل راجل ولا ظل حيطه ليش اقط روحي اساسا على واحد و اوافق عليه بس عشان ياخذني و يستر علي و اصير بظل راجل شنو انا مو مستوره ف بيت اهلي ولا ماعندي سند و ظهر ! الله يخليلي اياهم و اذا مالقيت ريال يستاهلني اظل فبيت اهلي ابرك

هذا قبل الزواج و عقب الزواج في مشاكل مستحيل الوحده تقعد مع الريال اللي ريلها مدمن و اللي يشرب جدام اليهال واللي اييبلها بنات لي البيت و هم تيي هني تقول رحت عند اهلي ولا سال عني اردله ولا لا عشان العيال تكفا يعني العيال الحين وايد ماخذين حنان ولا قدوه حسنه من ابوهم عشان اتحسف عليه*

 

[CheeSeCaKe]

كـ غلا ــلي

كلامج حلو وآنا معاج .. بس تعتقدين أن الريال اللي يطق واللي يسب وما يجابل البيت ولا مرته وعياله ... راح تشتهيه بالفراش او ممكن تعتبره أن قاعد يغطي حاجتها الجسديه .. ما أدري آنا أشوفها صعبه حيل .. اللي ينعاف اوله يتناف تاليه .. وإذا شفت أن زوجي مو زين معاي واييني تالي الليل ولا كأنه شي صاير ويبي يفرغ حجاته العاطفية والجسدية وكأني لعبة بأيده .. صعبه علي اتقبل هالشي ..

وبنفس الوقت الوحدة لما تفكر بالطلاق .. تكون عافت حياتها الزوجية خلاص .. بتفكر في نفسها وعيالها واعتقد صعب عليها تتزوج مره ثانيه وين تلاقي شخص يربي عيال غير عياله وشنو يضمن لها أن بحبهم ... علشان جذي الخطوة اليايه تكون انها تعيش حياتها بسلام وتربيهم احسن تربية ..

ما اعتقد الريال راح يتحطم إذا قالت له تطلقني لأن افعاله خلها تقول ما ابيج ... لكن السؤال ..!!
إذا كان معاها ما يدري عن حياته وعياله شلون لا تطلقت منه

فعلا الرياييل لما يكبرون ممكن يطخون ... لكن ذيك الساعة صارت مجرد حياة شكليه وسطحية

تسلمين على المرور والتعليق

سكر فتافيت

معاج حق وحتى الدكتور بين وجهة نظره بالمقابله قال آنا ما ابي احد يستقل كلمة الأولية للزوجة وعلى الأساس الواحد يحط في باله العيال اطقهم بالطوفة .. لكن ..
أنها ما تشوف الموضوع من زاوية ضيجة وتحط في بالها .. إذا حياتها مو ماشيه صح العيال راح يتشتتون ليش دايما تحط في بالها أن عيالها جذي مرتاحين .. وراح تظلم نفسها وحياتها وعيالها ... فع الحيا الزوجية مشاركة والأم لازم تنظر لكل طرف فيها .. لكن إذا هالأطراف نفسهم حياتهم ضايعه جذي ..!!

الحياة الزوجية لا تخلوا من المشاكل .. يوم مر ويوم حلو .. لكن لما تكون هالمشاكل مؤذية ماديا ومعنويا .. ووصلت لطريق مسدود .. بالظبط مثل ما قلتي فالطلاق حل لهذه المشاكل ومخرج ..

مشكوره عل التعليق

زوجة عزيز

العفوووو حياج الله

نفهمها صح

اهلين

شوفي آنا وياج أن مرات الوحدة تفكر أن قرار الطلاق ممكن تعيس واتعس من حياتها حاليا مع زوجها .. لكن آنا أقصد إذا كانت الزوجة مو طايله شي من الزوج يعني وجوده وعدمه واحد فليش ما تفك نفسها احسن !!

انتي ذكرتي اسباب ممكن تدخلج في دوامه انتي في غنا عنها ... ممكن يكون قرارج في البقاء معاه سليم .. على حسب وجهة نظر الزوجة والظروف ..

انتي ذكرتي اسباب المصاريف وهالأمور والعقبات اللي ممكن تواجهج ... علشان جذي أنا اشجع المرأه تكون لها حياة ناجحة تقدر تعتمد فيها على نفسها ..

مرات وايد حطيت نفسي في المواقف ... وأقول يا ترى أنا قادرة أعيش بروحي واربي عيالي !!
وأرد أقول انا الحمد الله حققت وايد بحياتي ... لكن هم ما راح اوقف لي جذي ولا يمكن أكون الزوجة المعتمدة اعتماد كلي على الزوج ..

لأن الزوج كثر ما حس أن عامود هالبيت وتاج راسها ... بيتكبر .. وأن الزوجة ضايعه بدونه ... راح يشين النفس ..

لكن أحلى شي .. كل ما قال ماكو مصروف .... وتردين عليه: وييه اشدعوه ميته على فلوسك ويشوفج تشترين وتلبسين عيالج راح يحس أن سخيف وتافه

يعني كأنج تقولين له الحياة مو واقفة عليك

الله يوفقج ومشكوره على التعليق

G!RLooNa

كلامج هذا اعتبره واقعيه .. كبريها بتكبر وصغريها بتصغر .. المهم كرامتي وراحتي ابدا ... آنا كتبت هالكلام لأن وجهة نظري مثل وجهة نظرج ..

وأنا من الأشخاص اللي ممكن تقولين .. ممكن اتخذ قرار حاسم لأني راح أحط الفوايد بكفة ووالعيوب بكفه إذا شفت أن الفايدة اكثر راح اعتزم اطبق قراري واتوكل على الله .. وراح اتحمل نتايج فعلتي

مشكوره على مرورج وتعليقج

 

[am faisal]

واللى مالها اهل يسندونها وحتى بزيارتها لهم يحسسونها انها ثقيلة ويطلقون عبارات من زار وخفف وممنوع اصطحاب الاطفال حتما سترضى بقانون ظل راجل ولاظل حيطة لانها تدرى مابة الا الدجة والهجة فتمسك ارضها وبيتها وتخلى عيالها يعيشون بخير ابوهم وبكرامتهم ولا يعيشون بذل الاهل وبهالزمن الاغبر ماحدا لاحدا على قولت نجوى كرم

 

[آوص ياجرحي سكوت]

تسلمي حبوووووووووبه

 

[ماني من الناس]

قبل كلمه رجل تطلق على : الذكر اللذي تتوفر فيه مقومات الرجوله بمختلف معانيها

والباقي يطلق عليهم ذكور فقط (لمجرد انتمائهم للجنس الذكوري)

يعني اذا المقصود بظل الرجل اهو اللي يحمل معنى الرجوله اوكيه المثل يكون مضبوط

واذا كان المقصود ظل الذكر لمجرد نوعه الذكوري فالمثل غير مضبوط

 

[Om_Ksha]

نقاش حلووو

 

[iLLuMinaTion]

تسلمين

 

[بقــآيآ جـروح]

ظل الحيـــــــــــط آحسن اقل شي آرتكي عليه هههههههههههه
لاجد يعني ريآآل خمآآر مآآيصلي رآآعي بنآآت يطق
ليــــــــــــــــش رآآبطه نفسج فيه لا هآآينه نفسج بالوقت اللي الله عزج فيه
وكتب لج الخلع والطلاق
يبه المطلقه له شقه ونفقه ومؤخر ومتعه وخدآمه
بعد شتبي آكثر من جذي تحط محآآمي وله محآآميه والاتعآآب بالتقسيط وآخر شي
تخلي الريال يدفعهم دآآيم اللي يخسر القضيه يدفع اتعاب المحامي الضد آصلآ اي جيل تبي تربي
وهــــــــذآ آبوهم مآآتدري يمكن خيره يصح ع نفسه ويشوف انه ضآآيع وينظبط وكله كوم
والموظفه كوم ثآآني يعني شحقه متحمله ؟؟ لاتقلون للعيال هذآ آبد موب عذر العيال قآآع
يضيــعون لا ان يشوفون ابو ضآآيع ​

 

[فـــرح...]

صح كلاام الدكتوره الي تبي تكون ضعيفه راح تكون ضعيفه

والي تبي تكون قويه وصاحبة شخصيه بتكون مثل مااتبي

 

[CheeSeCaKe]

am faisal

عدل كلامج وايد أعرف بنات يواجهون هالمشكلة !! لكن إذا مثل ما قلتي يعيشون بعز ابوهم وبكرامتهم معناته ابوهم زين ومو مقصر معاهم إلا في بعض المشاكل .. مشكلة عن مشكلة تفرق يعني فيه منا رجا وحالته ليست مستعصية..

آوص ياجرحي سكوت

الله يسلمج يا قلبي

ماني من الناس

بالضبــــــــــــــــــــــــــــــــــط .. هذا المطلوب .. أنه منو الريال أصلا !! وهل ممكن اعتبر ه ظل لي

Om_Ksha

وانتي احلى

iLLuMinaTion

الله يسلمج ويخليج

بقــآيآ جـروح

عدل كلامج القانون ووفر حق المطلقة وايد احكام منصفة .... لكن اللي يعور القلب ان سمعت وايد عن سوالف أن الريال شيطان ويخون ويطق ويسب ولا يصرف و كل عله شينه فيه .. ولما تطلب الطلاق يظل نذل وهم ما يبي يعطيها نفقه وهالأمور .. ويقلب السالفه عليها !!

ما ادري ليش فكر أن يأسس أسرة وهو مو قدها .. اتعجب من الريايل اللي ما يعرفون يقيمون حموريتهم بالدنيا !!

لكن مرات تذوقين المر في المحاكم ولا مجابل ويها ..

حياج الله

فـــرح...

وآنا دايما أقول جذي .. الشخص يعرف يقيم شخصية مرته .. فالمرأه اهية بنفسها تحسس زوجها بمكانتها وقدرتها على صد أي تهجم باليد او باللسان ..

اعرف وحدة مره كان ريلها معصب وهوش لها بقوطي الكلينكس ويحذفه على الفراش يعني معصب ..
خزته جان تقوله ... طق وتعطيه خدها يالله طق ...

جان يقوله شكو ما سويتلج شي ولا حشتج .. حذفت الكلينكس ..!!

قالتله هاذي بدايتها ... شنو هالحركات طق خنشوف علشان اعفسك عفيسه وأخلي ابوي يلعن خيرك ..

الريال لما يسوي شي غلط حاط في باله ... رد فعل .. وبنفس الوقت عارف مرته زين وشنو رد فعلها .. علشان جذي يستصغرها في بعض الأحيان لعدم قدرتها على الرد عليه بالمطلوب !!

 

[كارلوفي فاري]

يسلموا والموضوع هذا الجدل فيه يطول

 

[ماريبيل الشمرية]

مشكووووورة جزاج الله خير بس ملاحظين فيها من العقل الباطن انج تتبنين افكار ايجابية

 

[om suad]

والطوفه الي ماوراها الا الطق والاذيه والسكر والبلاوي تنعاف!! وظل اهلي ولا ظل حيطه والي ماعندها اهل يوقفون معاها ظل شهادتي ولا ظل حيطه وعموما هالزمن زمن ذكر وانثى مو زمن رجال ومره

 

[عنود الصيد.]

مرات الحياة الزوجيه تكون صعبه جدا ومالها حل الا الطلاق وفي حالات تقدر المرة بشوية صبر تعدلها للاحسن بس بزمنا هذا وجود الزوج مهم في حياة الابناء والزوجه